ជាតិ
សង្គមជាតិ
សុខភាព
×![]()
«Mao Bong massage traditionnel cambodgien» គឺជាស្លាកឈ្មោះហាងចាប់សសៃរបៀបខ្មែរបុរាណនៅតំបន់ Chazelles-Sur-Lyon ដែលស្ថិតនៅក្នុងភាគខាងកើតក្នុងប្រទេសបារាំង។ មកដល់ពេលនេះ ហាងចាប់សរសៃខ្មែរបុរាណមានអាយុ៩ខែហើយ ហើយក៏ទទួលបានការគាំទ្រពីអតិថិជនបរទេសជាច្រើន។ http://www.maobong.com
កាលពី៩ខែមុន អ្នកស្រី សារិន សុចិន្តា ដែលគេស្គាល់ថា «បងម៉ៅ» បានសម្រេចចិត្តលើស្លាកយីហោម៉ាស្សា ដែលមានអត្ថន័យពិតប្រាកដថា ជាការផ្តល់សេវាចាប់សរសៃ ឆ្កឹះសរសៃ និងកាយពោះ ដើម្បីជួយសម្រួលដល់តំណើរការនៃប្រព័ន្ធសារពាង្គកាយរបស់អតិថិជន។ ជាអតិថិជនដែលធ្វើការច្រើនមានអាការៈមួរម៉ៅ តប់ប្រមល់ ជាប់សរសៃ និងសន្លាក់ជាដើម។
ជាហាងម៉ាស្សាចាប់សរសៃរបៀបខ្មែរបុរាណ ដែលបើកក្រោយហាងម៉ាស្សារបស់ជនជាតិថៃ ជនជាតិចិន ដែលមានឈ្មោះបោះសំឡេងយូរឆ្នាំហើយ នៅក្នុងខេត្តលីយ៉ុងរបស់ប្រទេសបារាំង។ ប៉ុន្តែបើតាមការបញ្ជាក់របស់បងម៉ៅ អតិថិជនជនជាតិបារាំង អង់គ្លេស អូស្ត្រាលីជាដើម សុទ្ធតែបានកោតសរសើរស្នាដៃរបស់បងម៉ៅ។ បងម៉ៅ ស្ត្រីខ្មែរអាយុ៣៤ឆ្នាំ ដែលបានទៅដល់ប្រទេសបារាំង៨ឆ្នាំមកហើយនោះ បានពន្យល់អំពីរបៀបចាប់សរសៃយ៉ាងដូច្នេះថា៖«វាជាវិជ្ជាមួយ។ គឺជាការចាប់សម្រួលសរសៃធំ សម្រួលសាច់ដុំ ដើម្បីឲ្យចរន្តឈាមដើរល្អ ដើម្បីជួយបន្ធូរអារម្មណ៍មួរម៉ៅ (Stress) ឈឺក្បាល និងអាចជួយសម្រួលអាការៈជាប់សន្លាក់ជាដើម»។
តើបងម៉ៅ មានទទួលវិជ្ជាកាយសរសៃមកពីណា? តាមពិត នោះជាមរតកក្នុងគ្រួសារ។ លោកយានប៊ុន ដែលពេលនេះមានអាយុ៨០ឆ្នាំហើយនោះ ធ្លាប់បានបង្ហាត់បង្រៀនវិជ្ជាចាប់សរសៃ និងកាយពោះនេះទៅចៅស្រីរបស់គាត់ គឺសុចិន្តា ហៅបងម៉ៅនេះឯង។ ដើមឡើយបងម៉ៅ ដែលជាគ្រាន់តែជាក្មេងស្រីម្នាក់នោះ មិនបានយកចិត្តទុកដាក់ខ្លាំងលើការហាត់រៀនវិជ្ជានេះទេ។ ក៏ប៉ុន្តែក្រោយពេលទៅរស់នៅប្រទេសបារាំង បងម៉ៅបានធ្វើការនៅក្នុងហាងធ្វើសរសៃថៃមួយដែលមានម្ចាស់ជាជនជាតិខ្មែរ។ គឺនៅទីនោះហើយ ដែលបងម៉ៅបាន ចាប់ ផ្តើម រៀនសូត្រ និងស្រាវជ្រាវបន្ថែមជាមួយនឹងវិជ្ជាវេជ្ជសាស្ត្រទំនើប ដែលបង្ហាញអំពីសារពាង្គកាយលម្អិតរបស់មនុស្ស ដើម្បីរកឲ្យឃើញមូលហេតុ និងហេតុផលនៃកាយវិការចាប់សរសៃនិមួយៗ ។ ហើយក្រោយមក បងម៉ៅ បានឈានដល់បង្កើតហាងដោយខ្លួនឯង។ បងម៉ៅបានពន្យល់យ៉ាងដូច្នេះ៖«ជាមួយអតិថិជនរបស់ខ្ញុំ ខ្ញុំត្រូវបកស្រាយប្រាប់ពួកគេ អំពីមូលហេតុដែលអាចបណ្តាលឲ្យពួកគេមានបញ្ហា និងអំពីរបៀបដែលខ្ញុំត្រូវធ្វើសរសៃដល់ពួកគេ។ បើមិនដូច្នោះទេ ពួកគេមិនទុកចិត្ត និងមិនជឿយើងឡើយ។ អតិថិជនបានសរសើរខ្ញុំត្រង់ៗ ថាខ្ញុំធ្វើល្អជាងអ្នកចាប់សរសៃនៅកន្លែងផ្សេងៗ ។ ខ្ញុំធ្វើការងារពិតប្រាកដ ដើម្បីឲ្យគេស្គាល់ពីវិជ្ជារបស់ខ្មែរបុរាណ»។
នៅពេលដែល បងស្រីម៉ៅ លើកស្លាកហាង ដោយមានភ្ជាប់ពាក្យកម្ពុជា «Massage traditionnel cambodgien» នោះគឺដោយសារតែអ្នកជាតិនិយមម្នាក់នេះ បានយល់ជាក់ច្បាស់ក្នុងចិត្តអំពីប្រសិទ្ធភាពនៃវិជ្ជាធ្វើសរសៃរបស់ខ្លួនផង និងចង់ឲ្យបរទេសស្គាល់អំពីកម្ពុជាតាមរយៈការកាយសរសៃនេះ។ តាមរយៈការអនុវត្ត និងពិសោធន៍របស់ខ្លួន បងម៉ៅ បានចង់ឲ្យពលរដ្ឋខ្មែរយល់អំពីតម្លៃនៃវិជ្ជាបុរាណមួយនេះ។ បងម៉ៅ អធិប្បាយយ៉ាងដូច្នេះថា៖«វាមិនមែនជាការម៉ាស្សា ដែលមនុស្សទូទៅកំពុងយល់ឃើញក្នុងផ្លូវមិនល្អនោះទេ។ វាជាវិជ្ជាបុរាណរបស់ខ្មែរមួយ។ នៅកម្ពុជា គេមិនបានឲ្យតម្លៃទៅលើវិជ្ជានេះទេ។ ហើយនេះក៏ដោយសារ អ្នកដែលប្រកបអាជីពនេះ បានធ្វើឲ្យខូច និងមិនបានគោរពអាជីពនេះខ្លួនឯង។ខ្ញុំសោកស្តាយណាស់។ ខ្ញុំចង់អោយមានការការពារ និងរក្សាវិជ្ជាចាប់សរសៃរបៀបខ្មែរបុរាណនេះ»។
តាមពិត ការបន្តុះបង្អាប់ទៅលើអាជីពធ្វើសរសៃ មិនមែនមានតែនៅប្រទេសកម្ពុជានោះទេ។ នេះបើតាមការបញ្ជាក់របស់បងម៉ៅ ដែលអះអាងថា ប្រជាពលរដ្ឋបារាំងខ្លះក៏មិនផ្តល់តម្លៃដល់អាជីពនេះដែរ។ «នៅទីនេះ ប្រសិនបើមានភ្ញៀវណាដែលមករកសេវារបស់ខ្ញុំដោយចិត្តមិនស្មោះ ខ្ញុំមិនទទួលឡើយ។ ខ្ញុំអាចមើលដឹងថាអតិថិជនណាដែលមានបំណងចង់រកសេវាចាប់សរសៃពិតប្រាកដ»។ នេះជាការបញ្ជាក់របស់លោកបងម៉ៅ ដែលមានគម្រោងពង្រីកអាជីវកម្មរបស់ខ្លួននៅស្រុកបារាំង។ ដោយសារតែបើកអាជីវកម្មនេះថ្មីថ្មោងក្រោយគេ បងម៉ៅ បានដាក់តម្លៃទាបជាងហាងធ្វើសរសៃផ្សេងៗរបស់ថៃ និងចិននៅក្នុងតំបន់នោះ។ ៦០អឺរ៉ូ សម្រាប់រយៈពេលមួយម៉ោង ៨៥អឺរ៉ូ សម្រាប់អតិថិជនណាដែលត្រូវការសេវារយៈពេល១ម៉ោងកន្លះ និង១០០អឺរ៉ូសម្រាប់រយៈពេល២ម៉ោង។
«Mao Bong massage traditionnel cambodgien» ទទួលបានអតិថិជន៣ ឬ៤នាក់ ជាមធ្យម។ អតិថិជនទាំងនេះ ដែលពេលខ្លះមានទាំងគ្រូពេទ្យផង បានពេញចិត្តនឹងម្រាមដៃរបស់ស្ត្រីខ្មែរមកពីខេត្តកំពង់ចាម។ បងម៉ៅកំពុងស្វែងរកមនុស្សថែមទៀត ដោយប្រយ័ត្នប្រយែង ដើម្បីបង្ហាត់ផ្ទេរចំណេះកាយសរសៃ ដែលជាមរតករបស់លោកយាយប៊ុនរបស់បងម៉ៅ ដែលជាវិជ្ជាចាប់សរសៃរបស់ខ្មែរបុរាណ។ មនុស្សល្អច្រើន ដែលរៀនចេះវិជ្ជានេះ នឹងបានជួយផ្សព្វផ្សាយជំនាញចាប់សរសៃបែបខ្មែរបុរាណកាន់តែទូលំទូលាយ៕
កាលពី៩ខែមុន អ្នកស្រី សារិន សុចិន្តា ដែលគេស្គាល់ថា «បងម៉ៅ» បានសម្រេចចិត្តលើស្លាកយីហោម៉ាស្សា ដែលមានអត្ថន័យពិតប្រាកដថា ជាការផ្តល់សេវាចាប់សរសៃ ឆ្កឹះសរសៃ និងកាយពោះ ដើម្បីជួយសម្រួលដល់តំណើរការនៃប្រព័ន្ធសារពាង្គកាយរបស់អតិថិជន។ ជាអតិថិជនដែលធ្វើការច្រើនមានអាការៈមួរម៉ៅ តប់ប្រមល់ ជាប់សរសៃ និងសន្លាក់ជាដើម។
ជាហាងម៉ាស្សាចាប់សរសៃរបៀបខ្មែរបុរាណ ដែលបើកក្រោយហាងម៉ាស្សារបស់ជនជាតិថៃ ជនជាតិចិន ដែលមានឈ្មោះបោះសំឡេងយូរឆ្នាំហើយ នៅក្នុងខេត្តលីយ៉ុងរបស់ប្រទេសបារាំង។ ប៉ុន្តែបើតាមការបញ្ជាក់របស់បងម៉ៅ អតិថិជនជនជាតិបារាំង អង់គ្លេស អូស្ត្រាលីជាដើម សុទ្ធតែបានកោតសរសើរស្នាដៃរបស់បងម៉ៅ។ បងម៉ៅ ស្ត្រីខ្មែរអាយុ៣៤ឆ្នាំ ដែលបានទៅដល់ប្រទេសបារាំង៨ឆ្នាំមកហើយនោះ បានពន្យល់អំពីរបៀបចាប់សរសៃយ៉ាងដូច្នេះថា៖«វាជាវិជ្ជាមួយ។ គឺជាការចាប់សម្រួលសរសៃធំ សម្រួលសាច់ដុំ ដើម្បីឲ្យចរន្តឈាមដើរល្អ ដើម្បីជួយបន្ធូរអារម្មណ៍មួរម៉ៅ (Stress) ឈឺក្បាល និងអាចជួយសម្រួលអាការៈជាប់សន្លាក់ជាដើម»។
តើបងម៉ៅ មានទទួលវិជ្ជាកាយសរសៃមកពីណា? តាមពិត នោះជាមរតកក្នុងគ្រួសារ។ លោកយានប៊ុន ដែលពេលនេះមានអាយុ៨០ឆ្នាំហើយនោះ ធ្លាប់បានបង្ហាត់បង្រៀនវិជ្ជាចាប់សរសៃ និងកាយពោះនេះទៅចៅស្រីរបស់គាត់ គឺសុចិន្តា ហៅបងម៉ៅនេះឯង។ ដើមឡើយបងម៉ៅ ដែលជាគ្រាន់តែជាក្មេងស្រីម្នាក់នោះ មិនបានយកចិត្តទុកដាក់ខ្លាំងលើការហាត់រៀនវិជ្ជានេះទេ។ ក៏ប៉ុន្តែក្រោយពេលទៅរស់នៅប្រទេសបារាំង បងម៉ៅបានធ្វើការនៅក្នុងហាងធ្វើសរសៃថៃមួយដែលមានម្ចាស់ជាជនជាតិខ្មែរ។ គឺនៅទីនោះហើយ ដែលបងម៉ៅបាន ចាប់ ផ្តើម រៀនសូត្រ និងស្រាវជ្រាវបន្ថែមជាមួយនឹងវិជ្ជាវេជ្ជសាស្ត្រទំនើប ដែលបង្ហាញអំពីសារពាង្គកាយលម្អិតរបស់មនុស្ស ដើម្បីរកឲ្យឃើញមូលហេតុ និងហេតុផលនៃកាយវិការចាប់សរសៃនិមួយៗ ។ ហើយក្រោយមក បងម៉ៅ បានឈានដល់បង្កើតហាងដោយខ្លួនឯង។ បងម៉ៅបានពន្យល់យ៉ាងដូច្នេះ៖«ជាមួយអតិថិជនរបស់ខ្ញុំ ខ្ញុំត្រូវបកស្រាយប្រាប់ពួកគេ អំពីមូលហេតុដែលអាចបណ្តាលឲ្យពួកគេមានបញ្ហា និងអំពីរបៀបដែលខ្ញុំត្រូវធ្វើសរសៃដល់ពួកគេ។ បើមិនដូច្នោះទេ ពួកគេមិនទុកចិត្ត និងមិនជឿយើងឡើយ។ អតិថិជនបានសរសើរខ្ញុំត្រង់ៗ ថាខ្ញុំធ្វើល្អជាងអ្នកចាប់សរសៃនៅកន្លែងផ្សេងៗ ។ ខ្ញុំធ្វើការងារពិតប្រាកដ ដើម្បីឲ្យគេស្គាល់ពីវិជ្ជារបស់ខ្មែរបុរាណ»។នៅពេលដែល បងស្រីម៉ៅ លើកស្លាកហាង ដោយមានភ្ជាប់ពាក្យកម្ពុជា «Massage traditionnel cambodgien» នោះគឺដោយសារតែអ្នកជាតិនិយមម្នាក់នេះ បានយល់ជាក់ច្បាស់ក្នុងចិត្តអំពីប្រសិទ្ធភាពនៃវិជ្ជាធ្វើសរសៃរបស់ខ្លួនផង និងចង់ឲ្យបរទេសស្គាល់អំពីកម្ពុជាតាមរយៈការកាយសរសៃនេះ។ តាមរយៈការអនុវត្ត និងពិសោធន៍របស់ខ្លួន បងម៉ៅ បានចង់ឲ្យពលរដ្ឋខ្មែរយល់អំពីតម្លៃនៃវិជ្ជាបុរាណមួយនេះ។ បងម៉ៅ អធិប្បាយយ៉ាងដូច្នេះថា៖«វាមិនមែនជាការម៉ាស្សា ដែលមនុស្សទូទៅកំពុងយល់ឃើញក្នុងផ្លូវមិនល្អនោះទេ។ វាជាវិជ្ជាបុរាណរបស់ខ្មែរមួយ។ នៅកម្ពុជា គេមិនបានឲ្យតម្លៃទៅលើវិជ្ជានេះទេ។ ហើយនេះក៏ដោយសារ អ្នកដែលប្រកបអាជីពនេះ បានធ្វើឲ្យខូច និងមិនបានគោរពអាជីពនេះខ្លួនឯង។ខ្ញុំសោកស្តាយណាស់។ ខ្ញុំចង់អោយមានការការពារ និងរក្សាវិជ្ជាចាប់សរសៃរបៀបខ្មែរបុរាណនេះ»។
តាមពិត ការបន្តុះបង្អាប់ទៅលើអាជីពធ្វើសរសៃ មិនមែនមានតែនៅប្រទេសកម្ពុជានោះទេ។ នេះបើតាមការបញ្ជាក់របស់បងម៉ៅ ដែលអះអាងថា ប្រជាពលរដ្ឋបារាំងខ្លះក៏មិនផ្តល់តម្លៃដល់អាជីពនេះដែរ។ «នៅទីនេះ ប្រសិនបើមានភ្ញៀវណាដែលមករកសេវារបស់ខ្ញុំដោយចិត្តមិនស្មោះ ខ្ញុំមិនទទួលឡើយ។ ខ្ញុំអាចមើលដឹងថាអតិថិជនណាដែលមានបំណងចង់រកសេវាចាប់សរសៃពិតប្រាកដ»។ នេះជាការបញ្ជាក់របស់លោកបងម៉ៅ ដែលមានគម្រោងពង្រីកអាជីវកម្មរបស់ខ្លួននៅស្រុកបារាំង។ ដោយសារតែបើកអាជីវកម្មនេះថ្មីថ្មោងក្រោយគេ បងម៉ៅ បានដាក់តម្លៃទាបជាងហាងធ្វើសរសៃផ្សេងៗរបស់ថៃ និងចិននៅក្នុងតំបន់នោះ។ ៦០អឺរ៉ូ សម្រាប់រយៈពេលមួយម៉ោង ៨៥អឺរ៉ូ សម្រាប់អតិថិជនណាដែលត្រូវការសេវារយៈពេល១ម៉ោងកន្លះ និង១០០អឺរ៉ូសម្រាប់រយៈពេល២ម៉ោង។
«Mao Bong massage traditionnel cambodgien» ទទួលបានអតិថិជន៣ ឬ៤នាក់ ជាមធ្យម។ អតិថិជនទាំងនេះ ដែលពេលខ្លះមានទាំងគ្រូពេទ្យផង បានពេញចិត្តនឹងម្រាមដៃរបស់ស្ត្រីខ្មែរមកពីខេត្តកំពង់ចាម។ បងម៉ៅកំពុងស្វែងរកមនុស្សថែមទៀត ដោយប្រយ័ត្នប្រយែង ដើម្បីបង្ហាត់ផ្ទេរចំណេះកាយសរសៃ ដែលជាមរតករបស់លោកយាយប៊ុនរបស់បងម៉ៅ ដែលជាវិជ្ជាចាប់សរសៃរបស់ខ្មែរបុរាណ។ មនុស្សល្អច្រើន ដែលរៀនចេះវិជ្ជានេះ នឹងបានជួយផ្សព្វផ្សាយជំនាញចាប់សរសៃបែបខ្មែរបុរាណកាន់តែទូលំទូលាយ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
