ពីនេះ ពីនោះ
មនុស្សមានគោលដៅជីវិតច្រើន ល្អឬមិនល្អ ?
× អ្នកដែលមិនបានកំណត់គោលដៅនៅក្នុងជីវិតមួយឲ្យបានជាក់លាក់ គឺជាមនុស្សដែលរស់នៅដោយស្រពិចស្រពិល មិនដឹងថាខ្លួនឯងកំពុងធ្វើអ្វីឲ្យពិតប្រាដឡើយ។ អ្នកដែលកំពុងរស់នៅក្នុងស្ថានភាពបែបនេះ គឺងាយនឹងជឿតាមសម្តីអូសទាញរបស់អ្នកដៃ និងឃើញអ្នកនេះធ្វើអ្វីមួយបានល្អ ឬឃើញអ្នកនោះធ្វើអ្វីមួយបានជោគជ័យ គឺចង់ធ្វើនេះ ចង់ធ្វើនោះតាមគេភ្លាម។
មនុស្សដែលមានគំនិតម្តងចង់ធ្វើនេះ ម្តងចង់ធ្វើនោះ ឬចង់ធ្វើអ្វីៗទាំងអស់ក្នុងពេលតែមួយ ដោយមិនមានគោលដៅខ្លួនឯងមួយច្បាស់លាស់ទេនោះ នោះគឺមិនអាចសម្រេចបាននូវសមិទ្ធផលធំដុំ ឬជោគជ័យនៅក្នុងជីវិតឡើយ ព្រោះធ្វើកិច្ចការមួយមិនទាន់នឹងជោគជ័យផង ក៏បោះបង់វាចោល ហើយបែរជាទៅធ្វើអ្វីមួយផ្សេងទៅវិញ។
ផ្ទុយមកវិញ មនុស្សដែលបានរៀបចំផែនការសកម្មភាពប្រចាំថ្ងៃ ចេះចាត់អាទិភាពការងារ មានគោលជំហរលើខ្លួនឯងច្បាស់ និងកំណត់គោលដៅមួយនៅក្នុងជីវិតបានជាក់លាក់ គឺជាមនុស្សដែលឆាប់នឹងជោគជ័យនៅក្នុងជីវិតយ៉ាងពិតប្រាកដ៕
© រក្សាសិទ្ធិដោយ thmeythmey.com