ពីនេះ ពីនោះ
វិធីងាយៗ ធ្វើឲ្យកូនឆាប់ចងចាំបានល្អ
×
១. បង្កើតអាល់ប៊ុមរូបថត
បង្កើតអាល់ប៊ុមរូបថត ដែលមានសមាជិកគ្រួសារទាំងអស់ ទាំងជិត និងឆ្ងាយ រួចឧស្សាហ៍បើកឲ្យគេមើល។ ពេលលោកយាយ ឬអ៊ុំគេ call មកលេង អ្នកអាចបង្ហាញរូបថតលោកយាយ ឬអ៊ុំ ពេលគេកំពុងស្តាប់ទូរស័ព្ទ។
២. បង្កើតសៀវភៅរូបសត្វ
ពេលអ្នកទៅលេងសួនសត្វ ចូរថតរូបសត្វទាំងនោះ ទុកឲ្យបានល្អ … បើព្រីនចេញ រឹតតែប្រសើរ។ បន្ទាប់មក អ្នកអាចបើកវា ឲ្យកូនអ្នកមើល ហើយរំលឹកប្រាប់គេថា នោះគឺសត្វអ្វី? នេះគឺសត្វអ្វី? ដោយបន្ថែមសម្លេង ពណ៌នារូបរាង ឬនិទានរឿងបន្ថែម។
៣. មើលរូប ឬវីដេអូព្រមគ្នា
ពេលនៅជុំគ្នា អ្នកគួរតែបើកមើលវីដេអូចាស់ៗ ដូចជា ពេលងូតទឹកឲ្យកូនលើកដំបូង ពេលកូនយំ ពេលកូនបៅ ពេលលេងជាមួយលោកតា … ហើយនិយាយរ៉ាយរ៉ាប់ប្រាប់កូន អំពីរឿងរ៉ាវទាំងនោះ ដើម្បីពង្រឹងដល់ភាសា និងការចងចាំរបស់គេ។
៤. លេងល្បែងចំណាំ
ផ្តិតរូបភាព ឬរូបថត ដូចគ្នាពីរៗ រួចដាក់វាលើតុ។ ឲ្យកូនរបស់អ្នក រើសរករូបពីរដូចៗគ្នា ដើម្បីឲ្យគេអភិវឌ្ឍ ការចំណាំរបស់គេ៕
អត្ថបទ ៖ ឈឹម សៅភារ៉ា
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com