ពីនេះ ពីនោះ
ទំនៀមទម្លាប់ក្នុងពេលជួយសង្គ្រោះប្រជារាស្ត្រ
× ខុង ជឺ ស្នាក់អាស្រ័យនៅនគរឈី ចៃដន្យជួបគ្រោះរាំងស្ងួត ស្បៀងអាហារ ខ្សត់ខ្សោយ ប្រជារាស្ត្រមានជីវិតរស់នៅលំបាកវេទនាបំផុត។
ក្សត្រ ជិង កុង នៃនរគឈី ទ្រង់ត្រាស់សួរ ខុង ជឺ ថា «តើគួរធ្វើដូចម្តេចទៅ»?
ខុង ជឺ ទូលថា «ពេលមានគ្រោះទុរ្ភិក្ស ក្សត្រគួរតែប្តូរសេះសម្រាប់ទឹមរាជរថ ពីសេះធាត់ទ្រលុកទ្រលន់មកជាសេះអន់ៗវិញ។ ផ្អាកការយកពន្ធ កេណ្ឌកម្លាំងរាស្ត្រ មិនជួសជុលកែលម្អទីប្រថាប់ ដំណាក់ ឧទ្យាន ដែលសុទ្ធសឹងតែជារឿងមិនចាំបាច់។
ពេលធ្វើពិធីបួងសួងត្រូវប្រើប្រាក់កាក់ និងគជ់ជំនួសសត្វមែនទែន មិនប្រគំភ្លេងនៅក្នុងព្រះរាជវាំង ពេលសែនដូនតាត្រូវប្រើដង្វាយត្រឹមតែជ្រូកចៀម ជំនួសគ្រឿងដង្វាយ គោ ចៀម ជ្រូក។ នេះគឺបែបបទបវេណីដែលមហាក្សត្រទ្រង់ជាភាគីកាត់បន្ថយខ្លួនព្រះអង្គឯង ដើម្បីជួយសង្គ្រោះប្រជារាស្ត្រ៕
ដកស្រង់ចេញពីសៀវភៅ ខុង ជឺ ដែលប្រែសម្រួលដោយលោក គឹម ចាន់ណា និងបោះពុម្ពផ្សាយដោយគ្រឹះស្ថាន Mind Books។
© រក្សាសិទ្ធិដោយ thmeythmey.com