ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ប្លាតុង គឺជាទស្សនវិទូដ៏ល្បីល្បាញម្នាក់ដែលជាកូនសិស្សរបស់ទស្សនវិទូ សូក្រាត និងជាគ្រូរបស់ ទស្សនវិទូ អារីស្ដូត ក្នុងសម័យក្រិចបុរាណ ។ លោកបានលើកឡើងថា សង្គមមួយអាចកើតឡើងពីវណ្ណៈបី ។
១/. វណ្ណៈទស្សនវិជ្ជា ជាអ្នកថែរក្សាសង្គមដែលបានបូជា ចំពោះការស្វែងរកពុទ្ធិ គុណធម៌របស់គេ គឺគតិបណ្ឌិត និងករណីយកិច្ចរបស់គេ គឺដឹកនាំមនុស្ស។ វណ្ណៈនេះគឺជាវណ្ណៈថ្នាក់ខ្ពស់ សំដៅដល់អ្នកចេះដឹង មានបញ្ញាខ្ពស់ មានសមត្ថភាព ដឹកនាំ គ្រប់គ្រងមនុស្ស គ្រប់គ្រងសង្គម។
២/. វណ្ណៈចម្បាំង បានបូជាចំពោះចម្បាំង គុណធម៌របស់គេគឺកិត្តយស ឯករណីយកិច្ចរបស់គេ គឺការគាំពារ និងការពាររដ្ឋនិងប្រជាជន យោងតាមការណែនាំនៃអ្នកដឹកនាំរបស់គេ។
៣/. វណ្ណៈសិប្បករ, វណ្ណៈឧស្សាហករ បានបូជាចំពោះជំនួញ និងអាជីព គុណធម៌របស់គេ គឺការរកលុយ ឯករណីយកិច្ចរបស់គេ គឺគោរព និងទ្រទ្រង់វណ្ណៈទាំងពីរខាងលើ។
ប្រសិនបើវណ្ណៈទាំងបីនេះ បានបង្កើតករណីយកិច្ចរបស់ពួកគេបានរឹងមាំ ដោយគោរព និងស្មោះត្រង់នោះ យុត្តិធម៌សង្គមប្រាកដជាកើតមានឡើង។ សមាជិកភាពក្នុងវណ្ណៈទាំងនេះ ត្រូវបានគេកំណត់ឡើងតាមរយៈបញ្ញា ភាពឈ្លាសវៃ គុណធម៌ សមត្ថភាព និងបំណិន៕
ដកស្រង់ពីសៀវភៅ៖ ទស្សនវិជ្ជាអប់រំ, រៀបរៀងដោយ ង៉ែត សារឿន
១/. វណ្ណៈទស្សនវិជ្ជា ជាអ្នកថែរក្សាសង្គមដែលបានបូជា ចំពោះការស្វែងរកពុទ្ធិ គុណធម៌របស់គេ គឺគតិបណ្ឌិត និងករណីយកិច្ចរបស់គេ គឺដឹកនាំមនុស្ស។ វណ្ណៈនេះគឺជាវណ្ណៈថ្នាក់ខ្ពស់ សំដៅដល់អ្នកចេះដឹង មានបញ្ញាខ្ពស់ មានសមត្ថភាព ដឹកនាំ គ្រប់គ្រងមនុស្ស គ្រប់គ្រងសង្គម។
២/. វណ្ណៈចម្បាំង បានបូជាចំពោះចម្បាំង គុណធម៌របស់គេគឺកិត្តយស ឯករណីយកិច្ចរបស់គេ គឺការគាំពារ និងការពាររដ្ឋនិងប្រជាជន យោងតាមការណែនាំនៃអ្នកដឹកនាំរបស់គេ។
៣/. វណ្ណៈសិប្បករ, វណ្ណៈឧស្សាហករ បានបូជាចំពោះជំនួញ និងអាជីព គុណធម៌របស់គេ គឺការរកលុយ ឯករណីយកិច្ចរបស់គេ គឺគោរព និងទ្រទ្រង់វណ្ណៈទាំងពីរខាងលើ។
ប្រសិនបើវណ្ណៈទាំងបីនេះ បានបង្កើតករណីយកិច្ចរបស់ពួកគេបានរឹងមាំ ដោយគោរព និងស្មោះត្រង់នោះ យុត្តិធម៌សង្គមប្រាកដជាកើតមានឡើង។ សមាជិកភាពក្នុងវណ្ណៈទាំងនេះ ត្រូវបានគេកំណត់ឡើងតាមរយៈបញ្ញា ភាពឈ្លាសវៃ គុណធម៌ សមត្ថភាព និងបំណិន៕
ដកស្រង់ពីសៀវភៅ៖ ទស្សនវិជ្ជាអប់រំ, រៀបរៀងដោយ ង៉ែត សារឿន
© រក្សាសិទ្ធិដោយ thmeythmey.com
