ព័ត៍មានសុខភាព
បើតាមការសិក្សា ទារកបៅទឹកដោះម្តាយបាន ៦ ខែដំបូង មិនសូវជួបបញ្ហាអត្តចរិត
×![]()
ដោយ: ធីតា
ទារកដែលបៅទឹកដោះម្តាយតែមួយមុខបាន ៦ ខែដំបូងបន្ទាប់ពីចាប់កំណើត មិនសូវជួបនូវបញ្ហាអត្តចរិតទេ នៅពេលដែលគេឈានដល់អាយុចន្លោះពី ៧ ទៅ ១១ ឆ្នាំ នេះបើតាមការសិក្សាមួយដែលត្រូវបានផ្សព្វផ្សាយនៅក្នុងទស្សនាវដ្តីវិទ្យាសាស្ត្រអាមេរិក Plos Medicine កាលពីថ្ងៃអង្គារនេះ។
ការសិក្សានេះបានធ្វើឡើងនៅអាហ្វ្រិកខាងត្បូង ជាមួយនឹងកុមារមានសុខភាពល្អជាង ១ ៥០០នាក់ ក្នុងនោះ ៩០០ នាក់បានបៅទឹកដោះម្តាយ។ សម្រាប់ក្មេងដែលបានបៅទឹកដោះម្តាយរហូតដល់អាយុ ៦ ខែ មានអត្រា ៥៦% ដែលមិនសូវប្រឈមនឹងបញ្ហាអត្តចរិត នៅពេលដែលពួកគេឈានដល់អាយុចូលរៀន បើធៀបនឹងក្មេងដែលបានបៅទឹកដោះម្តាយតិចជាងមួយខែ។ ក្មេងដែលបៅទឹកដោះម្តាយបានតិចតួច ឆាប់ឆេវឆាវ និងមានប្រតិកម្មប្រឆាំង។ បញ្ហានេះអាចនឹងប៉ះពាល់ដល់ការសិក្សា ទំនាក់ទំនង និងសុខភាពផ្លូវចិត្តរបស់ក្មេង ដែលសុទ្ធតែមានផលប៉ះពាល់ដល់ជីវិតការងាររបស់ពួកគេនាពេលអនាគត។
ការសិក្សាក៏បានបង្ហាញផងដែរថា កុមារតូចដែលត្រូវបានបញ្ជូនទៅទារកដ្ឋានយ៉ាងតិចរយៈពេលមួយឆ្នាំ មានឱកាស ៧៤% ដែលអាចហ្វឹកហាត់ឲ្យចេះផ្ចង់អារម្មណ៍ ចងចាំនូវការទូន្មានប្រៀនប្រដៅ និងអាចបំពេញការងារជាច្រើនប្រកបដោយជោគជ័យ៕
ប្រភព៖ BFMTV
ការសិក្សានេះបានធ្វើឡើងនៅអាហ្វ្រិកខាងត្បូង ជាមួយនឹងកុមារមានសុខភាពល្អជាង ១ ៥០០នាក់ ក្នុងនោះ ៩០០ នាក់បានបៅទឹកដោះម្តាយ។ សម្រាប់ក្មេងដែលបានបៅទឹកដោះម្តាយរហូតដល់អាយុ ៦ ខែ មានអត្រា ៥៦% ដែលមិនសូវប្រឈមនឹងបញ្ហាអត្តចរិត នៅពេលដែលពួកគេឈានដល់អាយុចូលរៀន បើធៀបនឹងក្មេងដែលបានបៅទឹកដោះម្តាយតិចជាងមួយខែ។ ក្មេងដែលបៅទឹកដោះម្តាយបានតិចតួច ឆាប់ឆេវឆាវ និងមានប្រតិកម្មប្រឆាំង។ បញ្ហានេះអាចនឹងប៉ះពាល់ដល់ការសិក្សា ទំនាក់ទំនង និងសុខភាពផ្លូវចិត្តរបស់ក្មេង ដែលសុទ្ធតែមានផលប៉ះពាល់ដល់ជីវិតការងាររបស់ពួកគេនាពេលអនាគត។
ការសិក្សាក៏បានបង្ហាញផងដែរថា កុមារតូចដែលត្រូវបានបញ្ជូនទៅទារកដ្ឋានយ៉ាងតិចរយៈពេលមួយឆ្នាំ មានឱកាស ៧៤% ដែលអាចហ្វឹកហាត់ឲ្យចេះផ្ចង់អារម្មណ៍ ចងចាំនូវការទូន្មានប្រៀនប្រដៅ និងអាចបំពេញការងារជាច្រើនប្រកបដោយជោគជ័យ៕
ប្រភព៖ BFMTV
© រក្សាសិទ្ធិដោយ thmeythmey.com
