ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ពាក្យថា «អភិវឌ្ឍ និង អភិវឌ្ឍន៍»គឺជាពាក្យដែលសាធារណជន លោកនៅមានភាពមិនច្បាស់លាស់នៅក្នុងការសរសេរនៅឡើយ។ មូលហេតុ គឺមិនសូវបានយល់ពីក្បួន វេយ្យាករណ៍ នៃកិរិយាសព្ទ គុណសព្ទ នាមសព្ទ បាលី និងសំស្ក្រឹតនៅក្នុងភាសាខ្មែរ។ ពាក្យថា«អភិវឌ្ឍ និង អភិវឌ្ឍន៍»មានលក្ខខណ្ឌសរសេរដូចខាងក្រោម៖
នៅក្នុងការសរសេរអត្ថបទ សាធារណជនត្រូវចំណាំក្នុងក្បួនវេយ្យាករណ៍ខ្មែរថា បើខ្លួនចង់ប្រើពាក្យនេះ ជាកិរិយាសព្ទ គឺត្រូវសរសេរថា «អភិវឌ្ឍ» ដែលមានន័យថា ចម្រើនក្រៃលែង លូតលាស់ចម្រើន ជាដើម។ ប៉ុន្តែ ប្រើជានាមសព្ទ គឺចាំបាច់ត្រូវសរសេរ«អភិវឌ្ឍន៍» ដែលមានន័យថា ការចម្រើនក្រៃលែង ការលូតលាស់ចម្រើន ជាដើម។
ករណីពិសេស៖ ប្រសិនបើសាធារណជន សរសេរពាក្យនេះ ផ្សំជាមួយពាក្យថា «ការ, ក្ដី, សេចក្ដី និងដំណើរ» គឺមិនត្រូវសរសរថា «ការអភិវឌ្ឍន៍, ក្ដីអភិវឌ្ឍន៍, សេចក្ដីអភិវឌ្ឍន៍ និងដំណើរអភិវឌ្ឍន៍» ឡើយ ព្រោះការសរសេរបែបនេះ មិនត្រឹមត្រូវតាមក្បួនវេយ្យាករណ៍ខ្មែរ នោះទេ។ មូលហេតុគឺដោយសារពាក្យថា «ការ, ក្ដី, សេចក្ដី និងដំណើរ» ជានាមសព្ទ មិនអាចយកមកផ្សំជាមួយពាក្យថា «អភិវឌ្ឍន៍»បានទេ ព្រោះជានាមសព្ទដូចគ្នា។
ដោយឡែក ចំពោះពាក្យថា «ការ, ក្ដី, សេចក្ដី និងដំណើរ»នេះ ត្រូវផ្សំជាមួយពាក្យថា «អភិវឌ្ឍ» ទើបត្រឹមត្រូវ។ ឧទាហរណ៍៖ «ការអភិវឌ្ឍ, ក្ដីអភិវឌ្ឍ, សេចក្ដីអភិវឌ្ឍ និងដំណើរអភិវឌ្ឍ»៕
ដកស្រង់ពីវចនានុក្រមខ្មែររបស់សម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
