អន្តរជាតិ
×![]()
ដោយ: តន ចាន់រិទ្ធារ៉ា
បន្ទាប់ពីបញ្ចប់សង្គ្រាមលោកលើកទីពីរមកនោះ សហរដ្ឋអាមេរិក បានបន្តវត្តមានកងទ័ពរបស់ខ្លួនយ៉ាងច្រើននៅកូរ៉េខាងត្បូង និងជប៉ុន ដើម្បីការពារប្រទេសទាំងពីរនេះ ពីការគំរាមកំហែងរបស់កូរ៉េខាងជើង។ បន្ថែមពីចំនួនកងទ័ពយ៉ាងច្រើន អាមេរិកក៏បានពង្រាយសព្វាវុធទំនើបជាច្រើនគ្រឿងផងដូចជា នាវាមុជទឹកដើរដោយថាមពលនុយក្លេអ៊ែរ យន្តហោះចម្បាំងស៊េរីទំនើប និងយន្តហោះយុទ្ធសាស្ត្រជាដើម។
ក្រុងវ៉ាស៊ីនតោន បានពង្រាយកងទ័ពចំនួនជាង៣ម៉ឺននាក់នៅកូរ៉េខាងត្បូង និងជាង៥ម៉ឺននាក់នៅលើទឹកដីជប៉ុន។ យ៉ាងណាក្ដី អាវុធយុទ្ធភណ្ឌសំខាន់ៗ និងទំនើបភាគច្រើន គឺត្រូវបានដាក់ប្រចាំការក្នុងមូលដ្ឋានលើទឹកដីជប៉ុនដូចជា មូលដ្ឋានអាកាសកោះអូគីណាវ៉ា និងមូលដ្ឋានទ័ពជើងទឹកនៅ Yokosuka ជាដើម។
ក្នុងមូលដ្ឋានអាកាសនៅអូគីណាវ៉ាដ៏ចម្រូងចម្រាស អាមេរិក បានពង្រាយយន្តហោះចម្បាំងជាច្រើនប្រភេទ ជាពិសេសយន្តហោះបំបាំងកាយប្រភេទ F-22 តែម្ដង។ ក្រៅពីយន្តហោះ F-22 គេក៏សង្កេតឃើញមានឧទ្ធម្ភាគចក្រ Oprey ដែលអាចហោះឡើងត្រង់ឡើងលើបានផងដែរ។
ចំណែកឯមូលដ្ឋានជើងទឹក Yokosuka វិញ គេឃើញមាននាវាខ្លាំងៗចំនួនពីរ។ ក្រុងវ៉ាស៊ីនតោន បានពង្រាយនាវាមុជទឹក USS Michigan ដែលដើរដោយថាមពលនុយក្លេអ៊ែរ និងនាវាដឹកយន្តហោះ USS Ronald Reagan ដែលប្រតិបត្តការដោយថាមពលនុយក្លេអ៊ែរដូចគ្នាដែរ។ នាវាទាំងពីរ អាចធ្វើដំណើរទៅជួយកូរ៉េខាងត្បូង ក្នុងករណីមានការវាយប្រហារពីកូរ៉េខាងជើង ឬក៏អាចជួយសម្ព័ន្ធមិត្តផ្សេងទៀតដែរ។
នៅក្បែរកូរ៉េខាងត្បូង និងជប៉ុនដែរនោះ គឺមូលដ្ឋានទ័ពអាកាស Andersen នៅកោះ Guam លើមហាសមុទ្រប៉ាស៊ីហ្វិក។ អាមេរិក ទើបតែបញ្ជូនយន្តហោះយុទ្ធសាស្ត្របីប្រភេទក្នុងមូលដ្ឋាននេះ គឺយន្តហោះទម្លាក់គ្រាប់បែកយុទ្ធសាស្ត្រ B-1B, យន្តហោះទម្លាក់គ្រាប់បែកបំបាំងកាយ B-2 និងយន្តហោះទម្លាក់គ្រាប់ B-52 ។ យន្តហោះទាំងបីនេះ តែងហោះហើរទៅកាន់ជប៉ុន និងកូរ៉េខាងត្បូងជាញឹកញាប់ ដែលធ្វើឲ្យកូរ៉េខាងជើង និងចិនខឹងខ្លាំង៕
ក្រុងវ៉ាស៊ីនតោន បានពង្រាយកងទ័ពចំនួនជាង៣ម៉ឺននាក់នៅកូរ៉េខាងត្បូង និងជាង៥ម៉ឺននាក់នៅលើទឹកដីជប៉ុន។ យ៉ាងណាក្ដី អាវុធយុទ្ធភណ្ឌសំខាន់ៗ និងទំនើបភាគច្រើន គឺត្រូវបានដាក់ប្រចាំការក្នុងមូលដ្ឋានលើទឹកដីជប៉ុនដូចជា មូលដ្ឋានអាកាសកោះអូគីណាវ៉ា និងមូលដ្ឋានទ័ពជើងទឹកនៅ Yokosuka ជាដើម។
ក្នុងមូលដ្ឋានអាកាសនៅអូគីណាវ៉ាដ៏ចម្រូងចម្រាស អាមេរិក បានពង្រាយយន្តហោះចម្បាំងជាច្រើនប្រភេទ ជាពិសេសយន្តហោះបំបាំងកាយប្រភេទ F-22 តែម្ដង។ ក្រៅពីយន្តហោះ F-22 គេក៏សង្កេតឃើញមានឧទ្ធម្ភាគចក្រ Oprey ដែលអាចហោះឡើងត្រង់ឡើងលើបានផងដែរ។
ចំណែកឯមូលដ្ឋានជើងទឹក Yokosuka វិញ គេឃើញមាននាវាខ្លាំងៗចំនួនពីរ។ ក្រុងវ៉ាស៊ីនតោន បានពង្រាយនាវាមុជទឹក USS Michigan ដែលដើរដោយថាមពលនុយក្លេអ៊ែរ និងនាវាដឹកយន្តហោះ USS Ronald Reagan ដែលប្រតិបត្តការដោយថាមពលនុយក្លេអ៊ែរដូចគ្នាដែរ។ នាវាទាំងពីរ អាចធ្វើដំណើរទៅជួយកូរ៉េខាងត្បូង ក្នុងករណីមានការវាយប្រហារពីកូរ៉េខាងជើង ឬក៏អាចជួយសម្ព័ន្ធមិត្តផ្សេងទៀតដែរ។
នៅក្បែរកូរ៉េខាងត្បូង និងជប៉ុនដែរនោះ គឺមូលដ្ឋានទ័ពអាកាស Andersen នៅកោះ Guam លើមហាសមុទ្រប៉ាស៊ីហ្វិក។ អាមេរិក ទើបតែបញ្ជូនយន្តហោះយុទ្ធសាស្ត្របីប្រភេទក្នុងមូលដ្ឋាននេះ គឺយន្តហោះទម្លាក់គ្រាប់បែកយុទ្ធសាស្ត្រ B-1B, យន្តហោះទម្លាក់គ្រាប់បែកបំបាំងកាយ B-2 និងយន្តហោះទម្លាក់គ្រាប់ B-52 ។ យន្តហោះទាំងបីនេះ តែងហោះហើរទៅកាន់ជប៉ុន និងកូរ៉េខាងត្បូងជាញឹកញាប់ ដែលធ្វើឲ្យកូរ៉េខាងជើង និងចិនខឹងខ្លាំង៕
© រក្សាសិទ្ធិដោយ thmeythmey.com
