ការប្រគំតន្ត្រី ការតាំងពិព័រណ៌ចាប់ផ្តើមនៅល្ងាចនេះ មុនដំណើរការប្រកួតកីឡាកងទ័ព

កីឡាជាតិ

ជាតិ

ការប្រគំតន្ត្រី ការតាំងពិព័រណ៌ចាប់ផ្តើមនៅល្ងាចនេះ មុនដំណើរការប្រកួតកីឡាកងទ័ព

06, Jan 2017 , 10:57 am

រូបភាព

លោក ហ៊ុន ម៉ាណែត និងលោក ជួន សុវណ្ណ ចុះពិនិត្យមើលការរៀបចំសម្រាប់ព្រឹត្តិការណ៍កីឡាជាតិ

ដោយ:

នាព្រឹកថ្ងៃសុក្រ ទី៦ ខែមករា នេះ លោក ហ៊ុន ម៉ាណែត នាយរងសេនាធិការចម្រុះកងយោធពលខេមរភូមិន្ទ និងមេបញ្ជាការរងកងទ័ពជើងគោក និងលោក ជួន សុវណ្ណ អគ្គស្នងការរងនគរបាលជាតិ និងជាស្នងការរាជធានីភ្នំពេញ បានចុះមើលដំណើរការរៀបចំវេទិកា ឆាកតន្ត្រី និងទីលានសម្រាប់ព្រឹត្តិការណ៍កីឡាជាតិនៅមជ្ឈមណ្ឌលកោះពេជ្រ។

បន្ទាប់ពីរៀបចំពិធីក្រុងពលីរួចរាល់ ការប្រគំតន្ត្រី និងការតាំងពិព័រណ៌ទាក់ទងនឹងយោធា នឹងចាប់ដំណើរការពីល្ងាចថ្ងៃសុក្រនេះ មុននឹងឈានដល់ការប្រកួតផ្លូវការនារយៈពេល២ថ្ងៃបន្ទាប់។ ព្រឹត្តិការណ៍កីឡាកងទ័ពដែលប្រារព្ធនៅកោះពេជ្យ គឺដើម្បីរំលឹកខួបអនុស្សាវរីយ៍ទិវាបុណ្យជាតិ ៧ មករា ១៩៧៩ - ៧ មករា ២០១៧ និងប្រមូលមូលនិធិដើម្បីគាំទ្រសកម្មភាពសមាគមអតីតយុទ្ធជនកម្ពុជា។ លើសពីនេះព្រឹត្តិការណ៍នេះ នឹងបង្ហាញដល់សាធារណៈជន និងមហាជន ស្វែងយល់ និងយល់ដឹងបន្ថែមទៀតអំពីតួនាទី និងភារកិច្ចរបស់កងទ័ពក្នុងការចូលរួមថែរក្សាសុខសន្តិភាពនិងការអភិវឌ្ឍប្រទេសជាតិ។ បន្ថែមពីនេះទៀត បង្កលក្ខណៈឱ្យមហាជនចូលរួមកាន់តែជិតស្និទ្ធជាមួយនឹងកងទ័ព៕