ជាតិ
ឥទ្ធិពលព្យុះទី ១ នៅឆ្នាំ ២០១៧ នឹងធ្វើឲ្យភ្លៀងធ្លាក់នៅភ្នំពេញ និងខេត្តមួយចំនួន
×
ឥទ្ធិពលព្យុះទី១ ឈ្មោះ MUIFA ប្រចាំឆ្នាំ២០១៧ នឹងបង្កឲ្យមានភ្លៀងធ្លាក់ពីតិចទៅបង្គួរនៅរាជធានីភ្នំពេញ និងបណ្តាខេត្តមួយចំនួន ចាប់ពីថ្ងៃទី១៤ ដល់ ១៦ ខែមករា ឆ្នាំ២០១៧ ។ នេះបើយោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម។
សេចក្តីជូនដំណឹងរបស់ក្រសួងដដែល នៅថ្ងៃនេះ បញ្ជាក់ថា សម្ពាធទាបដែលកើតឡើងពីភាគអាគ្នេយ៍ប្រទេសហ្វីលីពីន បាននិងកំពុងវិវត្តទៅជាសម្ពាធទាបសកម្ម ហើយសម្ពាធទាបសកម្មនឹងវិវត្តទៅវិសម្ពាធ ឬ ព្យុះទី១ ប្រចាំឆ្នាំ ២០១៧ ឈ្មោះ MUIFA។ ព្យុះនេះ នឹងធ្វើដំណើរចូលទៅសមុទ្រចិនខាងត្បូង រួចក៏បន្តដំណើរទៅតំបន់ឆ្នេរនៃភាគអាគ្នេយ៍ប្រទេសវៀតណាម ហើយនឹងគ្របដណ្តប់មកលើប្រទេសកម្ពុជាផងដែរ។
ក្រសួងធនធានទឹក និងឧតុនិយម បានព្យាករថា នៅរាជធានីភ្នំពេញ ខេត្តព្រៃវែង ស្វាយរៀង កណ្តាល កំពង់ស្ពឺ តាកែវ និងតំបន់មាត់សមុទ្រ នឹងមានភ្លៀងធ្លាក់ពីតិចទៅបង្គួរ ចាប់ពីថ្ងៃទី១៤-១៦ ខែមករា ឆ្នាំ២០១៦៧នេះ ដោយសារឥទ្ធិពលនៃព្យុះ MUIFA នេះ ៕
© រក្សាសិទ្ធិដោយ thmeythmey.com