ជាតិ
សម្តេច ស ខេង ទៅទស្សនកិច្ច ៣ថ្ងៃ នៅវៀតណាមដើម្បីពង្រឹងកិច្ចសហប្រតិបត្តិការសន្តិសុខព្រំដែន
រូបថតគេហទំព័រប៉ូលិស
×![]()
ភ្នំពេញ៖ នៅថ្ងៃទី៩ ខែមករានេះ សម្តេច ស ខេង រដ្ឋមន្ត្រីក្រសួងមហាផ្ទៃ បានដឹកនាំគណៈប្រតិភូក្រសួងមហាផ្ទៃចេញពីអាកាសយានដ្ឋានអន្តរជាតិទៅធ្វើទស្សនកិច្ច នៅ សាធារណរដ្ឋសង្គមនិយមវៀតណាម រយៈពេល៣ថ្ងៃ ចាប់ពីថ្ងៃទី៩ ដល់ថ្ងៃទី១១ ខែមករា ឆ្នាំ២០១៧ ។
លោក ខៀវ សុភ័គ អ្នកនាំពាក្យក្រសួងមហាផ្ទៃ បានឲ្យដឹងថា រដ្ឋមន្ត្រីក្រសួងមហាផ្ទៃ តែងធ្វើដំណើទស្សនកិច្ចទៅប្រទេសវៀតណាម ប្រចាំឆ្នាំជាធម្មតា ដើម្បីបង្កើនកិច្ចសហប្រតិបត្តិការសន្តិសុខរវាងប្រទេសជាប់ព្រំដែនទាំងពីរ។
ដំណើរទស្សនកិច្ចឧបនាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ អមដំណើរលោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងមន្ត្រីនគរបាលលជាន់ខ្ពស់ដទៃទៀត។ លោកនាយកឧត្តមសេនីយ៍ ខៀវ សុភ័គ បានប្រាប់ថា ភាគីទាំងពីរនឹងចុះកិច្ចព្រមព្រៀងមួយចំនួនដែលបម្រើឲ្យផលប្រយោជន៍សនិ្តសុខប្រទេសទាំងពីរ មាន ការបណ្តុះបណ្តាលមន្ត្រី ការចែករំលែកព័ត៌មានឧក្រិដ្ឋ និងអន្តោប្រវេសន៍ ជាដើម៕
Tag:
ស ខេង
វៀតណាម
© រក្សាសិទ្ធិដោយ thmeythmey.com
