ជាតិ
រូបថតហ្វេសប៊ុក លោក ស សុខា
×![]()
ភ្នំពេញ៖ លោក ស សុខា តំណាងរាស្ត្រប្រចាំមណ្ឌលព្រៃវែង បានឲ្យបង្ហើបដឹងថា រដ្ឋាភិបាល នឹងលុបចោលថ្លៃសេវាធ្វើលិខិតអត្រានុកូលដ្ឋាន មាន អត្តសញ្ញាណប័ណ្ណ សៀវភៅស្នាក់នៅ សៀវភៅគ្រួសារ សំបុត្រកំណើត សំអាពាហ៍ពិពាហ៍ និងសំបុត្រមរណភាព ជាដើម។
«នាពេលខាងមុខឆាប់ៗនេះ រាជរដ្ឋាភិបាល ដែលមានក្រសួងមហាផ្ទៃជាសេនាធិការនឹងប្រកាសជាផ្លូវការអំពីការបញ្ឈប់យកប្រាក់ពីប្រជាជន»។ លោក ស សុខា បានបង្ហើបថា រដ្ឋាភិបាលកំពុងរៀបចំអនុក្រឹត្យឈប់យកថ្លៃសេវា ទាំងនេះ។
ប៉ុន្តែ លោក ស សុខា បានបញ្ចេញសារតាមទំព័រហ្វេសប៊ុកខ្លួនថា បណ្ដាខេត្តមួយចំនួនបានប្រកាសប្រាប់សាធារណជន និងចាប់ផ្ដើមអនុវត្តជាបណ្ដើរៗហើយ ទោះបីជាអនុក្រឹត្យមិនទាន់ចេញជាផ្លូវការក្ដី។
«នេះគឺជាអត្ថប្រយោជន៍មួយទៀតសម្រាប់ប្រជាជន ដែលជាការជួយសម្រាលបន្ទុកចំណាយក្នុងគ្រួសារ»។ ក្នុងនាមជាយុវជនម្នាក់ អ្នកតំណាងរាស្ត្រវ័យក្មេងរូបនេះ រីករាយដែលរដ្ឋាភិបាលគិតគូរដល់ជីវភាពប្រចាំថ្ងៃរបស់ប្រជាជន។
កាលពីថ្ងៃទី៦ មករានេះ លោកបានលើកទឹកចិត្តអាជ្ញាធរមានសមត្ថកិច្ចពាក់ព័ន្ធឲ្យផ្ដល់សេវានេះ ប្រកបដោយតម្លាភាព គុណភាព ប្រសិទ្ធភាព ទាន់ពេលវេលា ដោយស្មោះត្រង់ ជូនប្រជាជនគ្រប់ៗគ្នា ដោយស្មើភាព៕
Tag:
ស សុខា
មហាផ្ទៃ
© រក្សាសិទ្ធិដោយ thmeythmey.com
