ជាតិ
សាលាបច្ចេកវិទ្យាលំដាប់ពិភពលោកនៅសិង្ហបុរីនឹងបណ្តុះបណ្តាលគ្រូបង្គោលកម្ពុជា៨០នាក់
សម្តេចនាយករដ្ឋមន្ត្រី ហ៊ុន សែន និងលោក Tony Tan Ken Yam ប្រធានាធិបតីសិង្ហបុរី នាពិធីចុះហត្ថលេខានៅវិមានសន្តិភាព
×![]()
ភ្នំពេញ៖ សិង្ហបុរី នឹងបណ្តុះបណ្តាលគ្រូបង្គោលកម្ពុជាលើជំនាញព័ត៌មានវិទ្យា បច្ចេកវិទ្យាគ្រឿងយន្ត និងអេឡិចត្រូនិក។ នេះបើតាមឯកសារនៃអនុស្សារណៈយោគយល់គ្នា (MOU) ដែលត្រូវបានចុះហត្ថលេខានៅវិមានសន្តិភាពនារសៀលថ្ងៃចន្ទ ទី៩ ខែមករា ឆ្នាំ២០១៧ ។ ពិធីចុះហត្ថលេខាធ្វើឡើងក្រោមអធិបតីភាពសម្តេចនាយករដ្ឋមន្ត្រី ហ៊ុន សែន និងលោក Tony Tan Ken Yam ប្រធានាធិបតីសិង្ហបុរី ដែលកំពុងស្ថិតក្នុងដំណើរទស្សនកិច្ចនៅកម្ពុជា។
អនុស្សារណៈយោគយល់គ្នា (MOU) រវាងក្រសួងការងារ និងបណ្ដុះបណ្ដាលវិជ្ជាជីវៈកម្ពុជា ជាមួយវិទ្យាស្ថានអប់រំបច្ចេកទេសសិង្ហបុរី (ITE) ត្រូវបានចុះហត្ថលេខាកាលពីរសៀលថ្ងៃចន្ទ ក្រោមវត្តមានរបស់សម្តេចនាយករដ្ឋមន្ត្រី ហ៊ុន សែន និងប្រធានាធិបតីសិង្ហបុរី លោក Tony Tan Ken Yam ដែលបំពេញទស្សនកិច្ចនៅកម្ពុជា ពីថ្ងៃទី៨ ដល់ថ្ងៃទី១១ ខែមករា។
MOU ដែលត្រូវបានចុះហត្ថលេខានៅវិមានសន្តិភាពនោះ ផ្តល់ឱកាសដល់កម្ពុជានូវការពង្រីកធនធានមនុស្សរបស់ខ្លួន ដោយសិង្ហបុរី ពោលគឺវិទ្យាស្ថានអប់រំបច្ចេកទេស (ITE) ដែលមានស្តង់ដាពិភពលោក នឹងបណ្តុះបណ្តាលគ្រូបង្គោល៨០នាក់របស់កម្ពុជា។
យោងតាម MOU រដ្ឋាភិបាលកម្ពុជានឹងបញ្ជូនគ្រូបង្គោលចំនួន ៨០នាក់ទៅបណ្តុះបណ្តាជំនាញសំខាន់ៗចំនួន៣មុខនៅសឹង្ហបុរីគឺ ជំនាញទំនាក់ទំនងព័ត៌មានវិទ្យាចំនួន ៣២នាក់ ជំនាញបច្ចេកវិទ្យាគ្រឿងយន្តចំនួន ៣២នាក់ ជំនាញអេឡិចត្រូនិកចំនួន ១៦នាក់។
បើតាមលោក ហេង សួរ អ្នកនាំពាក្យ ក្រសួងការងារ និងបណ្តុះបណ្តាលវិជ្ជាជីវៈ វគ្គបណ្តុះបណ្តាល នឹងប្រព្រឹត្តទៅរយៈពេល៣សប្តាហ៍។ លោកបានបញ្ជាក់យ៉ាងដូច្នេះថា៖«ក្រោយទទួលការបណ្តុះបណ្តាល គ្រួបច្ចេកទេសបង្គោលទាំង៨០នាក់នេះ នឹងបង្រៀនបន្តដល់គ្រួដទៃទៀត ដោយគ្រូបង្គោលម្នាក់ នឹងបង្រៀនបន្តដល់គ្រូ៣នាក់ផ្សេងទៀត ហើយតាមរយៈការបង្រៀននេះ គ្រូបច្ចេកទេសចំនួន២៤០នាក់ នឹងទទួលបានការលើកម្ពស់សមត្ថភាពរបស់ខ្លួន»។
តាមរយៈMOU នេះ លោក ហេង សួរ មានសុទិដ្ឋិនិយមថា គុណភាពគ្រូបច្ចេកទេសវិជ្ជាជីវៈរបស់កម្ពុជា លើ៣ជំនាញនេះ នឹងត្រូវបានពង្រឹងបន្ថែម ស្របតាមតម្រូវការនៃទីផ្សារការងារ និងការអភិវឌ្ឍសេដ្ឋកិច្ចកម្ពុជា ពីព្រោះ លោក ថា វិទ្យាស្ថានអប់រំបច្ចេកទេសរបស់សិង្ហបុរីនេះ គឺជាវិទ្យាស្ថានអប់រំផ្នែកបច្ចេកទេសវិជ្ជាជីវៈដ៏ល្បីឈ្មោះមួយ នៅក្នុងតំបន់ និងសកលលោក។
ជាមួយគ្នានេះផងដែរ មន្ទីរពេទ្យកាល់ម៉ែត្រកម្ពុជា និងមន្ទីរពេទ្យ Tan Tock Seng ប្រទេសសិង្ហបុរីបានចុះហត្ថលេខាអនុស្សារណៈដើម្បីពង្រឹងវិស័យសុខាភិបាលឲ្យកាន់តែមានប្រសិទ្ឋភាពខ្ពស់ឡើង៕
អនុស្សារណៈយោគយល់គ្នា (MOU) រវាងក្រសួងការងារ និងបណ្ដុះបណ្ដាលវិជ្ជាជីវៈកម្ពុជា ជាមួយវិទ្យាស្ថានអប់រំបច្ចេកទេសសិង្ហបុរី (ITE) ត្រូវបានចុះហត្ថលេខាកាលពីរសៀលថ្ងៃចន្ទ ក្រោមវត្តមានរបស់សម្តេចនាយករដ្ឋមន្ត្រី ហ៊ុន សែន និងប្រធានាធិបតីសិង្ហបុរី លោក Tony Tan Ken Yam ដែលបំពេញទស្សនកិច្ចនៅកម្ពុជា ពីថ្ងៃទី៨ ដល់ថ្ងៃទី១១ ខែមករា។
MOU ដែលត្រូវបានចុះហត្ថលេខានៅវិមានសន្តិភាពនោះ ផ្តល់ឱកាសដល់កម្ពុជានូវការពង្រីកធនធានមនុស្សរបស់ខ្លួន ដោយសិង្ហបុរី ពោលគឺវិទ្យាស្ថានអប់រំបច្ចេកទេស (ITE) ដែលមានស្តង់ដាពិភពលោក នឹងបណ្តុះបណ្តាលគ្រូបង្គោល៨០នាក់របស់កម្ពុជា។
យោងតាម MOU រដ្ឋាភិបាលកម្ពុជានឹងបញ្ជូនគ្រូបង្គោលចំនួន ៨០នាក់ទៅបណ្តុះបណ្តាជំនាញសំខាន់ៗចំនួន៣មុខនៅសឹង្ហបុរីគឺ ជំនាញទំនាក់ទំនងព័ត៌មានវិទ្យាចំនួន ៣២នាក់ ជំនាញបច្ចេកវិទ្យាគ្រឿងយន្តចំនួន ៣២នាក់ ជំនាញអេឡិចត្រូនិកចំនួន ១៦នាក់។
បើតាមលោក ហេង សួរ អ្នកនាំពាក្យ ក្រសួងការងារ និងបណ្តុះបណ្តាលវិជ្ជាជីវៈ វគ្គបណ្តុះបណ្តាល នឹងប្រព្រឹត្តទៅរយៈពេល៣សប្តាហ៍។ លោកបានបញ្ជាក់យ៉ាងដូច្នេះថា៖«ក្រោយទទួលការបណ្តុះបណ្តាល គ្រួបច្ចេកទេសបង្គោលទាំង៨០នាក់នេះ នឹងបង្រៀនបន្តដល់គ្រួដទៃទៀត ដោយគ្រូបង្គោលម្នាក់ នឹងបង្រៀនបន្តដល់គ្រូ៣នាក់ផ្សេងទៀត ហើយតាមរយៈការបង្រៀននេះ គ្រូបច្ចេកទេសចំនួន២៤០នាក់ នឹងទទួលបានការលើកម្ពស់សមត្ថភាពរបស់ខ្លួន»។
តាមរយៈMOU នេះ លោក ហេង សួរ មានសុទិដ្ឋិនិយមថា គុណភាពគ្រូបច្ចេកទេសវិជ្ជាជីវៈរបស់កម្ពុជា លើ៣ជំនាញនេះ នឹងត្រូវបានពង្រឹងបន្ថែម ស្របតាមតម្រូវការនៃទីផ្សារការងារ និងការអភិវឌ្ឍសេដ្ឋកិច្ចកម្ពុជា ពីព្រោះ លោក ថា វិទ្យាស្ថានអប់រំបច្ចេកទេសរបស់សិង្ហបុរីនេះ គឺជាវិទ្យាស្ថានអប់រំផ្នែកបច្ចេកទេសវិជ្ជាជីវៈដ៏ល្បីឈ្មោះមួយ នៅក្នុងតំបន់ និងសកលលោក។
ជាមួយគ្នានេះផងដែរ មន្ទីរពេទ្យកាល់ម៉ែត្រកម្ពុជា និងមន្ទីរពេទ្យ Tan Tock Seng ប្រទេសសិង្ហបុរីបានចុះហត្ថលេខាអនុស្សារណៈដើម្បីពង្រឹងវិស័យសុខាភិបាលឲ្យកាន់តែមានប្រសិទ្ឋភាពខ្ពស់ឡើង៕
Tag:
សម្តេច ហ៊ុន សែន
លោក Tony Tan Ken Yam
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
