ជាតិ
ក្រសួងធម្មការកំពុងតាមដានអ្នកធ្វើសកម្មភាពប្រមាថព្រះសង្ឃ និងសាសនារដ្ឋ
×![]()
ភ្នំពេញ៖ លោក យ៉ែម បុញ្ញឫទ្ធិ ប្រធានគណៈកម្មការទី៧ នៃរដ្ឋសភា បានស្នើរដ្ឋមន្ត្រីក្រសួង ធម្មការ និងសាសនាឲ្យពិនិត្យមើលសកម្មភាពទាំងឡាយណាដែលប៉ះពាល់ដល់តម្លៃព្រះសង្ឃ និងពុទ្ធសាសនារដ្ឋ។ ជាការឆ្លើយតប លោក ហ៊ឹម ឆែម បានបញ្ជាក់ថា ក្រសួងកំពុងតាមដាន និងចាត់វិធានតាមវិន័យសាសនា និងច្បាប់រដ្ឋជាធរមាន នាពេលខាងមុខ។
ក្រៅពីស្តាប់ការបំភ្លឺករណីបញ្ហាក្រសួងធម្មការ និងសាសនាចំនួន ៣ ចំណុច នៅរសៀលថ្ងៃទី១០ ខែមករា លោក យ៉ែម បុញ្ញឫទ្ធិ បានឆ្លៀតស្នើឲ្យ លោក ហ៊ឹម ឆែម ពិនិត្យ និងដាក់វិន័យសង្ឃ ឬច្បាប់រដ្ឋដល់ព្រះសង្ឃ ឬជនណា ដែលធ្វើសកម្មភាពប្រមាថ មាក់ងាយបុព្វជិត និងពុទ្ធសាសនា ដែលជាសាសនារបស់រដ្ឋ។
ដោយមិនបញ្ចេញឲ្យចំឈ្មោះសង្ឃ ឬបុគ្គលណាមួយ លោក យ៉ែម បុញ្ញឫទ្ធិ បានបង្ហើបឲ្យដឹង ថា លោកធ្លាប់បានទទួលបណ្តឹងពីសកម្មភាពខុសឆ្គងរបស់ព្រះសង្ឃ និងការប្រមាថព្រះសង្ឃ ដែលលោក យ៉ែម បុញ្ញឫទ្ធិ ចាត់ទុកថាទង្វើនេះ ជាការទម្លាក់តម្លៃពុទ្ធសាសនាដែលពលរដ្ឋខ្មែរជាង ៩០ភាគរយ កំពុងគោរពបូជា។ មន្ត្រីជាន់ខ្ពស់គណបក្សសង្គ្រោះជាតិរូបនេះ បញ្ជាក់ថា៖«យើងបានស្នើឲ្យក្រសួងធម្មការស៊ើបអង្កេត និងពិនិត្យសកម្មភាពទាំងឡាយណាដែលប៉ះពាល់ដល់សាសនាព្រះពុទ្ធ ឲ្យក្រសួងពិនិត្យដាក់វិន័យតាមសាសនា ឬច្បាប់រដ្ឋរួចហើយ»។
តបនឹងបញ្ហានេះដែរ លោកទេសរដ្ឋមន្ត្រី ហ៊ឹម ឆែម រដ្ឋមន្ត្រីក្រសួងធម្មការ បានបញ្ជាក់ថា ក្រសួងកំពុងតាមដានសកម្មភាពប៉ះពាល់សាសនាដែរ។ ប៉ុន្តែ លោកមិនបញ្ជាក់ពីពេលវេលា ចាត់វិធានការជាក់លាក់នោះទេ គ្រាន់តែបញ្ជាក់ថា សាធារណជនចាប់អារម្មណ៍រឿងអ្វី ក្រសួងក៏ចាប់អារម្មណ៍តាមដានដែរ។ លោករដ្ឋមន្ត្រី ហ៊ឹម ឆែម បញ្ជាក់បន្ថែមដូច្នេះ៖«កម្ពុជាមានច្បាប់របស់កម្ពុជា យើងនឹងដោះស្រាយពេលក្រោយទៀត»។
កន្លងមក សាធារណជនមួយចំនួន បានលើកឡើងថា មានជនមួយចំនួន ដែលជាបុព្វជិត និងមិនមែនបុព្វជិត កំពុងធ្វើសកម្មភាពប្រមាថមិនឲ្យតម្លៃសាសនាដែលពលរដ្ឋកំពុងគោរព៕
ក្រៅពីស្តាប់ការបំភ្លឺករណីបញ្ហាក្រសួងធម្មការ និងសាសនាចំនួន ៣ ចំណុច នៅរសៀលថ្ងៃទី១០ ខែមករា លោក យ៉ែម បុញ្ញឫទ្ធិ បានឆ្លៀតស្នើឲ្យ លោក ហ៊ឹម ឆែម ពិនិត្យ និងដាក់វិន័យសង្ឃ ឬច្បាប់រដ្ឋដល់ព្រះសង្ឃ ឬជនណា ដែលធ្វើសកម្មភាពប្រមាថ មាក់ងាយបុព្វជិត និងពុទ្ធសាសនា ដែលជាសាសនារបស់រដ្ឋ។
ដោយមិនបញ្ចេញឲ្យចំឈ្មោះសង្ឃ ឬបុគ្គលណាមួយ លោក យ៉ែម បុញ្ញឫទ្ធិ បានបង្ហើបឲ្យដឹង ថា លោកធ្លាប់បានទទួលបណ្តឹងពីសកម្មភាពខុសឆ្គងរបស់ព្រះសង្ឃ និងការប្រមាថព្រះសង្ឃ ដែលលោក យ៉ែម បុញ្ញឫទ្ធិ ចាត់ទុកថាទង្វើនេះ ជាការទម្លាក់តម្លៃពុទ្ធសាសនាដែលពលរដ្ឋខ្មែរជាង ៩០ភាគរយ កំពុងគោរពបូជា។ មន្ត្រីជាន់ខ្ពស់គណបក្សសង្គ្រោះជាតិរូបនេះ បញ្ជាក់ថា៖«យើងបានស្នើឲ្យក្រសួងធម្មការស៊ើបអង្កេត និងពិនិត្យសកម្មភាពទាំងឡាយណាដែលប៉ះពាល់ដល់សាសនាព្រះពុទ្ធ ឲ្យក្រសួងពិនិត្យដាក់វិន័យតាមសាសនា ឬច្បាប់រដ្ឋរួចហើយ»។
តបនឹងបញ្ហានេះដែរ លោកទេសរដ្ឋមន្ត្រី ហ៊ឹម ឆែម រដ្ឋមន្ត្រីក្រសួងធម្មការ បានបញ្ជាក់ថា ក្រសួងកំពុងតាមដានសកម្មភាពប៉ះពាល់សាសនាដែរ។ ប៉ុន្តែ លោកមិនបញ្ជាក់ពីពេលវេលា ចាត់វិធានការជាក់លាក់នោះទេ គ្រាន់តែបញ្ជាក់ថា សាធារណជនចាប់អារម្មណ៍រឿងអ្វី ក្រសួងក៏ចាប់អារម្មណ៍តាមដានដែរ។ លោករដ្ឋមន្ត្រី ហ៊ឹម ឆែម បញ្ជាក់បន្ថែមដូច្នេះ៖«កម្ពុជាមានច្បាប់របស់កម្ពុជា យើងនឹងដោះស្រាយពេលក្រោយទៀត»។
កន្លងមក សាធារណជនមួយចំនួន បានលើកឡើងថា មានជនមួយចំនួន ដែលជាបុព្វជិត និងមិនមែនបុព្វជិត កំពុងធ្វើសកម្មភាពប្រមាថមិនឲ្យតម្លៃសាសនាដែលពលរដ្ឋកំពុងគោរព៕
© រក្សាសិទ្ធិដោយ thmeythmey.com
