ជនសង្ស័យបាញ់សត្វក្ងោកចូលខ្លួនសារភាព

ជាតិ

ជនសង្ស័យបាញ់សត្វក្ងោកចូលខ្លួនសារភាព

16, Jan 2017 , 8:59 pm

រូបភាព

ក្ងោក

ដោយ:

ភ្នំពេញ៖ ជនសង្ស័យ ឈ្មោះ ខេង ពៅ អាយុ៦៥ឆ្នាំ បានចូលមកសារភាពពីកំហុសរបស់ខ្លួនថា លោកពិតជាបានបាញ់សម្លាប់សត្វក្ងោកអស់មួយក្បាលមែន កាលពីល្ងាចថ្ងៃទី១៥ ខែមករាឆ្នាំ២០១៧។ នេះយោងតាមទំព័រហ្វេសប៊ុករបស់រដ្ឋបាលរាជធានីភ្នំពេញ ដែលបានផ្សព្វផ្សាយនៅថ្ងៃទី១៦ មករានេះ។

ជនសង្ស័យករណីបាញ់សម្លាប់សត្វក្ងោក ជាសត្វកម្រ ដែលរដ្ឋាភិបាល និងអង្គការអភិរក្សសត្វព្រៃជាច្រើន ព្យាយាមអភិរក្សនោះ បានចេញមុខសារភាពហើយនៅថ្ងៃនេះ ក្រោយពីបណ្តាញសង្គមហ្វេសប៊ុករិះគន់ខ្លាំងៗមក។ លោក ខេង ពៅ ដែលមានទីលំនៅនៅភូមិទ្រា២ សង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ បានសារភាពប្រាប់សមត្ថកិច្ចថា លោកពិតជាបានសម្លាប់សត្វក្ងោកអស់មួយក្បាលមែន កាលពីល្ងាចថ្ងៃទី១៥មករា។ នេះបើតាមទំព័រហ្វេសប៊ុករបស់រដ្ឋបាលសាលារាជធានីភ្នំពេញ។

ទំព័រហ្វេសប៊ុកខងលើ បានបញ្ជាក់ទៀតថា ជនសង្ស័យខាងលើនេះ សង្កាត់រដ្ឋបាលព្រៃឈើភ្នំពេញ ផ្នែករដ្ឋបាលព្រៃឈើចម្ការមន អន្តរាគមន៍បង្ក្រាបបទលើសត្វព្រៃចល័តរដ្ឋបាលព្រៃឈើ និងអង្គការ សម្ព័ន្ធមិត្ត សត្វព្រៃ (Wildlife Alliance) បាននិងកំពុងធ្វើការ រៀបចំចងក្រសំណុំរឿងតាមនិតិវិធីច្បាប់ស្តីអំពីព្រៃឈើ។

នៅថ្ងៃទី១៦ខែមករា ឆ្នាំ២០១៧នេះ អាជ្ញាធរ និង អង្គការសម្ព័ន្ធមិត្ត សត្វព្រៃ (Wildlife Alliance) បានចុះចាប់សត្វក្ងោកចំនួន៣ក្បាល នៅភូមិដំណាក់ធំ១ ដើម្បីយកទៅថែបំប៉ន់- អភិរក្ស ឫដោះលែងនៅតំបន់ព្រៃធម្មជាតិដែលមាន សុវត្ថិភាព និងស្របតាមលក្ខណៈជីវសាស្ត្រ នៃប្រភេទសត្វនីមួយៗ៕