ជាតិ
អ្នកសារព័ត៌មានថ្មីៗបានលេខ៣ ពីការនិពន្ធពាក្យស្លោកសម្រាប់ព្រឹត្តិការណ៍អង្គរសង្ក្រាន្ត
×![]()
ដោយ: ថ្មីៗ
អ្នកយកព័ត៌មានរបស់សារព័ត៌មានថ្មីៗ កញ្ញា ខន ចំប៉ា បានទទួលជ័យលាភីលេខ ៣ ក្នុងការនិពន្ធពាក្យស្លោកសម្រាប់ព្រឹត្តិការណ៍អង្គរសង្ក្រាន្តឆ្នាំ២០១៧ ។ មានបេក្ខជន៦រូប ត្រូវបានជ្រើសឲ្យឈ្នះការប្រកួតនេះ គឺផ្នែកនិពន្ធពាក្យស្លោក ៣រូប និងផ្នែកគូររូបតួអង្គនិមិត្តរូប ចំនួន៣រូប។
អ្នកយកព័ត៌មានរបស់សារព័ត៌មានថ្មីៗ កញ្ញា ខន ចំប៉ា បានទទួលជ័យលាភីលេខ ៣ ក្នុងការនិពន្ធពាក្យស្លោកសម្រាប់ព្រឹត្តិការណ៍អង្គរសង្ក្រាន្តឆ្នាំ២០១៧ ដែលរៀបចំដោយសហភាពសហព័ន្ធយុវជនកម្ពុជា (UYFC)។ ពិធីប្រកាសលទ្ធផលជ័យលាភីគូររូបតួអង្គនិមិត្តរូប និងការតែងនិពន្ធពាក្យស្លោកសម្រាប់ព្រឹត្តិការណ៍អង្គរសង្ក្រាន្តនេះ ធ្វើឡើងនៅព្រឹកថ្ងៃទី១៦ ខែមករា នៅមជ្ឈមណ្ឌលសហប្រតិបត្តិការកម្ពុជា-កូរ៉េ។
ពាក្យស្លោករបស់របស់អ្នកសារព័ត៌មានថ្មីៗ គឺ«អង្គរសង្ក្រាន្តសាទរឆ្នាំថ្មី ខ្មែរទាំងប្រុសស្រី រួមថ្កើងវប្បធម៌» ដែលត្រូវបានជ្រើសរើសក្នុងចំណោមពាក្យស្លោកចំនួន ១៤៣នាក់ដែលបានចូលរួមប្រកួតប្រជែង។ ពាក្យស្លោកដែលទទួលបានជ័យលាភីលេខ១ គឺ«អង្គរសង្ក្រាន្តបណ្តុះស្មារតី យុវជនប្រុសស្រីរួមគ្នាអភិរក្ស»របស់បេក្ខនារី ព្រំ ចាន់លក្ខិណា និងជ័យលាភីលេខ២ បានទៅលើពាក្យស្លោក «សង្ក្រាន្តអង្គរបវរសិរី ខេមរាប្រុសស្រីជ្រោងវប្បធម៌ជាតិ« របស់បេក្ខជន លឿង យ៉ុងសឹង្ហ ។
ដោយឡែកសម្រាប់ផ្នែកគូររូបតួអង្គនិមិត្តរូបសម្រាប់ព្រឹត្តិការណ៍អង្គរសង្ក្រាន្តឆ្នាំ២០១៧វិញ ជ័យលាភីលេខ១ បានទៅលើ បេក្ខជន ច័ន្ទ គីមហាក់ ជ័យលាភីលេខ២ បានទៅលើបេក្ខនារី ហេន វឌ្ឍនាស្ថាពរ និងជ័យលាភីលេខ៣ បានទៅលើបេក្ខជន ស៊ុំ សំណាង។ ជ័យលាភីទាំង៣ ត្រូវបានជ្រើសពីបេក្ខជនសរុប ចំនួន១៣៦នាក់ ដែលបានដាក់រូបគំនូរចូលរួមប្រកួត។
ជ័យលាភីទាំងអស់ទទួលបានពានម្នាក់មួយ លិខិតថ្លែងអំណរគុណ វត្ថុអនុស្សាវរីយមួយចំនួន និងទឹកប្រាក់តាមជ័យលាភី គឺលេខ១ ទទួលបានប្រាក់រង្វាន់ ២លានរៀល លេខ២ ទទួលបានប្រាក់១លាន២សែនរៀល និងលេខ៣ ទទួលបានទឹកប្រាក់រង្វាន់ចំនួន ៨០ម៉ឺនរៀល។
បើតាមសហភាពសហព័ន្ធយុវជនកម្ពុជា ការរៀបចំការប្រកួតនេះ គឺដើម្បីបង្កបរិយាកាសចូលរួមកាន់តែទូលំទូលាយពីសាធារណជន ពិសេសយុវវ័យក្នុងការតាក់តែងឃ្លោងឃ្លាប្រជាប្រិយខ្មែរ ដែលមានអត្ថន័យឆ្លុះបញ្ជាំងពីទិដ្ឋភាពនានានៃព្រឹត្តិការណ៍អង្គរសង្ក្រាន្ត និងបង្កើនភាពរីករាយសាទរបុណ្យចូលឆ្នាំខ្មែរក្រោមដំបូលគ្រួសារខ្មែរតែមួយ៕
អ្នកយកព័ត៌មានរបស់សារព័ត៌មានថ្មីៗ កញ្ញា ខន ចំប៉ា បានទទួលជ័យលាភីលេខ ៣ ក្នុងការនិពន្ធពាក្យស្លោកសម្រាប់ព្រឹត្តិការណ៍អង្គរសង្ក្រាន្តឆ្នាំ២០១៧ ដែលរៀបចំដោយសហភាពសហព័ន្ធយុវជនកម្ពុជា (UYFC)។ ពិធីប្រកាសលទ្ធផលជ័យលាភីគូររូបតួអង្គនិមិត្តរូប និងការតែងនិពន្ធពាក្យស្លោកសម្រាប់ព្រឹត្តិការណ៍អង្គរសង្ក្រាន្តនេះ ធ្វើឡើងនៅព្រឹកថ្ងៃទី១៦ ខែមករា នៅមជ្ឈមណ្ឌលសហប្រតិបត្តិការកម្ពុជា-កូរ៉េ។
ពាក្យស្លោករបស់របស់អ្នកសារព័ត៌មានថ្មីៗ គឺ«អង្គរសង្ក្រាន្តសាទរឆ្នាំថ្មី ខ្មែរទាំងប្រុសស្រី រួមថ្កើងវប្បធម៌» ដែលត្រូវបានជ្រើសរើសក្នុងចំណោមពាក្យស្លោកចំនួន ១៤៣នាក់ដែលបានចូលរួមប្រកួតប្រជែង។ ពាក្យស្លោកដែលទទួលបានជ័យលាភីលេខ១ គឺ«អង្គរសង្ក្រាន្តបណ្តុះស្មារតី យុវជនប្រុសស្រីរួមគ្នាអភិរក្ស»របស់បេក្ខនារី ព្រំ ចាន់លក្ខិណា និងជ័យលាភីលេខ២ បានទៅលើពាក្យស្លោក «សង្ក្រាន្តអង្គរបវរសិរី ខេមរាប្រុសស្រីជ្រោងវប្បធម៌ជាតិ« របស់បេក្ខជន លឿង យ៉ុងសឹង្ហ ។
ដោយឡែកសម្រាប់ផ្នែកគូររូបតួអង្គនិមិត្តរូបសម្រាប់ព្រឹត្តិការណ៍អង្គរសង្ក្រាន្តឆ្នាំ២០១៧វិញ ជ័យលាភីលេខ១ បានទៅលើ បេក្ខជន ច័ន្ទ គីមហាក់ ជ័យលាភីលេខ២ បានទៅលើបេក្ខនារី ហេន វឌ្ឍនាស្ថាពរ និងជ័យលាភីលេខ៣ បានទៅលើបេក្ខជន ស៊ុំ សំណាង។ ជ័យលាភីទាំង៣ ត្រូវបានជ្រើសពីបេក្ខជនសរុប ចំនួន១៣៦នាក់ ដែលបានដាក់រូបគំនូរចូលរួមប្រកួត។
ជ័យលាភីទាំងអស់ទទួលបានពានម្នាក់មួយ លិខិតថ្លែងអំណរគុណ វត្ថុអនុស្សាវរីយមួយចំនួន និងទឹកប្រាក់តាមជ័យលាភី គឺលេខ១ ទទួលបានប្រាក់រង្វាន់ ២លានរៀល លេខ២ ទទួលបានប្រាក់១លាន២សែនរៀល និងលេខ៣ ទទួលបានទឹកប្រាក់រង្វាន់ចំនួន ៨០ម៉ឺនរៀល។
បើតាមសហភាពសហព័ន្ធយុវជនកម្ពុជា ការរៀបចំការប្រកួតនេះ គឺដើម្បីបង្កបរិយាកាសចូលរួមកាន់តែទូលំទូលាយពីសាធារណជន ពិសេសយុវវ័យក្នុងការតាក់តែងឃ្លោងឃ្លាប្រជាប្រិយខ្មែរ ដែលមានអត្ថន័យឆ្លុះបញ្ជាំងពីទិដ្ឋភាពនានានៃព្រឹត្តិការណ៍អង្គរសង្ក្រាន្ត និងបង្កើនភាពរីករាយសាទរបុណ្យចូលឆ្នាំខ្មែរក្រោមដំបូលគ្រួសារខ្មែរតែមួយ៕
Tag:
ពាក្យស្លោក
អង្គរសង្ក្រាន្ត
© រក្សាសិទ្ធិដោយ thmeythmey.com
