ជាតិ
គណបក្សរួបរួមជាតិ និងគណបក្សយុត្តិធម៌ជាតិខ្មែរ ចុះអនុស្សារណៈចងសម្ព័ន្ធភាពគ្នា
× ភ្នំពេញ៖ នៅព្រឹកថ្ងៃទី១៨ មករានេះ គណបក្សរួបរួមជាតិ និងគណបក្សយុត្តិធម៌ជាតិខ្មែរ បានចុះអនុស្សារណៈ ចងសម្ព័ន្ធភាពគ្នា ដើម្បីរៀបចំយន្តការប្រមូលផ្ដុំការគាំទ្រគ្នាទៅវិញទៅមក នាពេលបោះឆ្នោត។
អនុស្សារណៈ ដែលចុះហត្ថលេខាដោយលោក ញឹក ប៊ុនឆៃ និងលោក ហ៊ាង រិទ្ធី បានបញ្ជាក់ថា កិច្ចសហប្រតិបត្តិការរួមគ្នានេះ គឺជាការបើកផ្លូវឲ្យគណបក្សទាំងពីរ អាចបង្កើតឡើងនូវក្រុមការងារបច្ចេកទេសចម្រុះគណបក្ស ដើម្បីរៀបចំយន្តការឲ្យមានប្រសិទ្ធិភាពក្នុងការជួយគ្នាទៅវិញទៅមក សំដៅប្រមូលផ្ដុំសំឡេងគាំទ្រដល់គណបក្សទាំងពីរ។
ថ្លែងក្នុងសន្និសីទកាសែតព្រឹកនេះលោក ញឹក ប៊ុនឆៃ រំពឹងថា កិច្ចសហប្រតិបត្តិការនេះ នឹងនាំមកនូវលទ្ធផលល្អប្រសើរសម្រាប់គណបក្សទាំងពីរ នៅក្នុងការបោះឆ្នោតជ្រើសរើសក្រុមប្រឹក្សា ឃុំសង្កាត់ និងការបោះឆ្នោតជ្រើសតាំងតំណាងរាស្ត្រ នៅពេលខាងមុខនេះ៕
Tag:
ញឹក ប៊ុនឆៃ
ហ៊ាងរិទ្ធី
© រក្សាសិទ្ធិដោយ thmeythmey.com