ជាតិ
×![]()
ដោយ: ម៉ៅ សុផា
ភ្នំពេញ៖ ក្នុងរយៈពេលបីឆ្នាំមកនេះ អំពើពុករលួយក្នុងប្រទេសកម្ពុជា នៅតែមានសភាពធ្ងន់ធ្ងរដដែល។ តំណាងរាស្ត្រពីបក្សកាន់អំណាច អះអាងថា រដ្ឋាភិបាល នឹងប្រឹងប្រែងបន្ថែមទៀត ដើម្បីកាត់បន្ថយអំពើពុករលួយ នៅក្នុងវិស័យនានា។
តាមការវាយតម្លៃរបស់អង្គការតម្លាភាពអន្តរជាតិ ដែលមានទីតាំងនៅប្រទេសអាលឺម៉ង់ អំពើពុករលួយក្នុងប្រទេសកម្ពុជា នៅមិនទាន់ត្រូវបានកាត់បន្ថយនោះទេ ចាប់តាំងពីឆ្នាំ២០១៤ រហូតដល់ឆ្នាំ២០១៦។ អំពើពុករលួយ ដែលអង្គការអន្តរជាតិមួយនេះ រកឃើញ គឺសំដៅតែទៅលើអំពើពុករលួយ ដែលកើតឡើងក្នុងប្រព័ន្ធរដ្ឋបាលសាធារណៈ និងអំពើពុករលួយផ្នែកនយោបាយ ប៉ុណ្ណោះ។
នៅថ្ងៃទី២៥ ខែមករា ឆ្នាំ២០១៧ អង្គការតម្លាភាពអន្តរជាតិ បានចេញរបាយការណ៍ប្រចាំឆ្នាំ២០១៦ ទាក់ទងនឹងសន្ទទស្សន៍នៃការយល់ឃើញពីអំពើពុករលួយ ក្នុងប្រទេសនានាលើពិភពលោក។ របាយការណ៍នោះ បញ្ជាក់ថា កម្ពុជា ជាប់ចំណាត់ថ្នាក់ទី១៥៦ ផ្នែកអំពើពុករលួយ ក្នុងចំណោមប្រទេសចំនួន១៧៦។
ការវាយតម្លៃ ពីសន្ទទស្សន៍នៃការយល់ឃើញពីអំពើពុករលួយ គឺប្រើចំនួនពី លេខ ០ ទៅដល់ លេខ ១០០។ ប្រទេសណា ដែលទទួលបានពិន្ទុកាន់តែខ្ពស់ ត្រូវបានសន្មតថា កម្រិតនៃអំពើពុករលួយកាន់តែទាប។ ចំណែកឯ ប្រទេសណា ដែលទទួលបានពិន្ទុកាន់តែទាប ត្រូវបានសន្មតថា មានអំពើពុករលួយ កាន់តែខ្ពស់។ ទាំងនេះគឺជាការពន្យល់របស់លោក ព្រាប កុល នាយកប្រតិបត្តិនៃអង្គការតម្លាភាពកម្ពុជា។
ផ្អែកលើរបាយការណ៍របស់អង្គការតម្លាភាពអន្តរជាតិ ដែល លោក ព្រាប កុល លើកមកបង្ហាញ កម្ពុជា ទទួលបានពិន្ទុ ត្រឹមតែ២១ ប៉ុណ្ណោះ។ ពិន្ទុ២១ សម្រាប់សន្ទទស្សន៍នៃការយល់ឃើញពីអំពើពុករលួយ ក្នុងឆ្នាំ២០១៦ ស្មើនឹងពិន្ទុ ក្នុងឆ្នាំ២០១៥ និងឆ្នាំ២០១៤ ដែរ។
ពិន្ទុនេះ បញ្ជាក់ថា អំពើពុករលួយនៅកម្ពុជា នៅតែមានលក្ខណធ្ងន់ធ្ងរដដែល។ បើប្រៀបធៀបជាមួយនឹងប្រទេសទាំង១០ ក្នុងតំបន់អាស៊ាន ប្រទេសកម្ពុជា ទទួលបានពិន្ទុទាបជាងគេ ហើយវា បញ្ជាក់ថា ប្រទេសកម្ពុជា ក៏មានអំពើពុករលួយខ្លាំងជាងគេដែរ។
នៅក្នុងសន្និសីទសារព័ត៌មាន ស្តីពីសន្ទទស្សន៍នៃការយល់ឃើញពីអំពើពុករលួយឆ្នាំ២០១៦ ដែលរៀបចំឡើងនៅថ្ងៃទី២៥ ខែមករា ឆ្នាំ២០១៧ លោក ព្រាប កុល បាននិយាយថា មូលហេតុ ដែលកម្ពុជា នៅតែទទួលបានពិន្ទុទាបបែបនេះ គឺដោយសារតែវិស័យសំខាន់ៗមួយចំនួន ដូចជា វិស័យយុត្តិធម៌ជាដើម មិនទាន់ត្រូវបានកែប្រែ ឬក៏លុបបំបាត់អំពើពុករលួយ គួរឲ្យកត់សម្គាល់នោះទេ។ លោក បន្តថា ក្នុងឆ្នាំ២០១៦មកនេះ កម្ពុជា កាត់បន្ថយអំពើពុករលួយ បានតិចតួចប៉ុណ្ណោះ។
នាយកប្រតិបត្តិនៃអង្គការតម្លាភាពកម្ពុជារូបនេះ បានរៀបរាប់ដូច្នេះថា៖«ការផ្តល់សេវាតូចៗ ជាសេវាចំបាច់ជូនប្រជាពលរដ្ឋ ដូចជា ធ្វើអត្តសញ្ញាណបណ្ណ សៀវភៅគ្រួសារ និងអំពើពុករលួយក្នុងវិស័យប៉ូលីចរាចរណ៍ ជាដើម មានភាពល្អប្រសើរ។ តែទាំងអស់ហ្នឹង វាតិចតួច ក្នុងគំនិតរបស់អ្នកឯកទេស និងអ្នកជំនាញ។ គេ ចង់ឃើញការផ្លាស់ប្តូរជាគន្លឹះធំៗ ដូចជា បញ្ហាឯករាជភាពនៃប្រព័ន្ធយុត្តិធម៌ ឯករាជភាពនៃស្ថាប័នជាតិសំខាន់ៗ ដែលដឹកនាំការប្រឆាំងនឹងអំពើពុករលួយ។ ការបង្កើតច្បាប់សំខាន់ៗជាគន្លឹះ ដែលត្រូវការបន្ទាន់ ដូចជាច្បាប់ សិទ្ធិទទួលព័ត៌មាន ការពារសាក្សី និងបុគ្គលរាយការណ៍ ហើយនិងបញ្ហាគ្រួសារ បក្សពួកនិយម ដែលមានទំនាស់ផលប្រយោជន៍នៅក្នុងរឿងហ្នឹង។ អ៊ីចឹង វា ទាល់តែមានការកែប្រែគន្លឹះបែបហ្នឹង បានអាចទៅដូរ ការយល់ឃើញរបស់អ្នកឯកទេសទាំងនោះបាន»។
លោក ចេវ គឹមហេង តំណាងរាស្ត្រពីគណបក្សប្រជាជនកម្ពុជា ដែលបានចូលរួមក្នុងសន្និសីទសារព័ត៌មានដែលនោះ បានលើកឡើងថា ការដាក់ពិន្ទុនេះ គឺធ្វើឡើងដោយអ្នកជំនាញ និងមានលក្ខណវិទ្យាសាស្ត្រ ដូច្នេះ លោក មិនបដិសេធថា ខុសពីពិតនោះទេ។ យ៉ាងណា លោក ក៏មិនទាន់ទទួលស្គាល់ថា ការដាក់ពិន្ទុនេះ មានសុក្រឹតភាព នោះដែរ។
តំណាងរាស្ត្រពីបក្សកាន់អំណាចរូបនេះ បញ្ជាក់ដូច្នេះថា៖«បើឲ្យជាក់លាក់នោះ មិនប្រាកដទេ។ ឲ្យខ្ញុំជឿទាំងអស់ក៏មិនបាន ហើយមិនជឿ ក៏វា មិនកើតដែរ ព្រោះថាយើង ឃើញទិដ្ឋភាពជាក់ស្តែង។ ស្រុកណាក៏មានអំពើពុករលួយដែរ គ្រាន់តែតិចនិងច្រើនប៉ុណ្ណោះ»។
លោក ចេវ គឹមហេង បន្តទៀតថា កន្លងមក រដ្ឋាភិបាល ដែលដឹកនាំដោយគណបក្សប្រជាជនកម្ពុជា បានខិតខំយ៉ាងខ្លាំង ដើម្បីកាត់បន្ថយអំពើពុករលួយ នៅក្នុងវិស័យនានា តាមរយៈយុទ្ធសាស្ត្រចតុកោណ និងកំណែទម្រង់គោលនយោបាយផ្សេងៗ។ ប៉ុន្តែ លោក អះអាងថា ការអនុវត្តកំណែទម្រង់របស់រដ្ឋាភិបាលកម្ពុជា ក្នុងការកាត់បន្ថយអំពើពុករលួយ គឺត្រូវការពេលវេលា។
លោក ចេង គឹមហេង និយាយថា៖«បើថាស្អែកប្រឹប សម្អាតអំពើពុករលួយទាំងអស់តែម្តង វា មិនកើតទេ។ បើយើង ដាំដើមឈើ ក៏វា ត្រូវការរយៈពេលយូរដែរ» ។
យ៉ាងណា លោក ចេវ គឹមហេង នៅតែទទួលស្គាល់ថា ការរកឃើញនេះ គឺជានិន្នន័យដ៏សំខាន់មួយ ដែលរដ្ឋាភិបាល អាចនឹងយកទៅសិក្សានិងពិចារណា ដើម្បីធ្វើយ៉ាងណាបង្កើតយន្តការឲ្យមានប្រសិទ្ធភាពខ្ពស់ ក្នុងការកាត់បន្ថយអំពើពុករលួយនៅកម្ពុជា៕
តាមការវាយតម្លៃរបស់អង្គការតម្លាភាពអន្តរជាតិ ដែលមានទីតាំងនៅប្រទេសអាលឺម៉ង់ អំពើពុករលួយក្នុងប្រទេសកម្ពុជា នៅមិនទាន់ត្រូវបានកាត់បន្ថយនោះទេ ចាប់តាំងពីឆ្នាំ២០១៤ រហូតដល់ឆ្នាំ២០១៦។ អំពើពុករលួយ ដែលអង្គការអន្តរជាតិមួយនេះ រកឃើញ គឺសំដៅតែទៅលើអំពើពុករលួយ ដែលកើតឡើងក្នុងប្រព័ន្ធរដ្ឋបាលសាធារណៈ និងអំពើពុករលួយផ្នែកនយោបាយ ប៉ុណ្ណោះ។
នៅថ្ងៃទី២៥ ខែមករា ឆ្នាំ២០១៧ អង្គការតម្លាភាពអន្តរជាតិ បានចេញរបាយការណ៍ប្រចាំឆ្នាំ២០១៦ ទាក់ទងនឹងសន្ទទស្សន៍នៃការយល់ឃើញពីអំពើពុករលួយ ក្នុងប្រទេសនានាលើពិភពលោក។ របាយការណ៍នោះ បញ្ជាក់ថា កម្ពុជា ជាប់ចំណាត់ថ្នាក់ទី១៥៦ ផ្នែកអំពើពុករលួយ ក្នុងចំណោមប្រទេសចំនួន១៧៦។
ការវាយតម្លៃ ពីសន្ទទស្សន៍នៃការយល់ឃើញពីអំពើពុករលួយ គឺប្រើចំនួនពី លេខ ០ ទៅដល់ លេខ ១០០។ ប្រទេសណា ដែលទទួលបានពិន្ទុកាន់តែខ្ពស់ ត្រូវបានសន្មតថា កម្រិតនៃអំពើពុករលួយកាន់តែទាប។ ចំណែកឯ ប្រទេសណា ដែលទទួលបានពិន្ទុកាន់តែទាប ត្រូវបានសន្មតថា មានអំពើពុករលួយ កាន់តែខ្ពស់។ ទាំងនេះគឺជាការពន្យល់របស់លោក ព្រាប កុល នាយកប្រតិបត្តិនៃអង្គការតម្លាភាពកម្ពុជា។
ផ្អែកលើរបាយការណ៍របស់អង្គការតម្លាភាពអន្តរជាតិ ដែល លោក ព្រាប កុល លើកមកបង្ហាញ កម្ពុជា ទទួលបានពិន្ទុ ត្រឹមតែ២១ ប៉ុណ្ណោះ។ ពិន្ទុ២១ សម្រាប់សន្ទទស្សន៍នៃការយល់ឃើញពីអំពើពុករលួយ ក្នុងឆ្នាំ២០១៦ ស្មើនឹងពិន្ទុ ក្នុងឆ្នាំ២០១៥ និងឆ្នាំ២០១៤ ដែរ។
ពិន្ទុនេះ បញ្ជាក់ថា អំពើពុករលួយនៅកម្ពុជា នៅតែមានលក្ខណធ្ងន់ធ្ងរដដែល។ បើប្រៀបធៀបជាមួយនឹងប្រទេសទាំង១០ ក្នុងតំបន់អាស៊ាន ប្រទេសកម្ពុជា ទទួលបានពិន្ទុទាបជាងគេ ហើយវា បញ្ជាក់ថា ប្រទេសកម្ពុជា ក៏មានអំពើពុករលួយខ្លាំងជាងគេដែរ។
នៅក្នុងសន្និសីទសារព័ត៌មាន ស្តីពីសន្ទទស្សន៍នៃការយល់ឃើញពីអំពើពុករលួយឆ្នាំ២០១៦ ដែលរៀបចំឡើងនៅថ្ងៃទី២៥ ខែមករា ឆ្នាំ២០១៧ លោក ព្រាប កុល បាននិយាយថា មូលហេតុ ដែលកម្ពុជា នៅតែទទួលបានពិន្ទុទាបបែបនេះ គឺដោយសារតែវិស័យសំខាន់ៗមួយចំនួន ដូចជា វិស័យយុត្តិធម៌ជាដើម មិនទាន់ត្រូវបានកែប្រែ ឬក៏លុបបំបាត់អំពើពុករលួយ គួរឲ្យកត់សម្គាល់នោះទេ។ លោក បន្តថា ក្នុងឆ្នាំ២០១៦មកនេះ កម្ពុជា កាត់បន្ថយអំពើពុករលួយ បានតិចតួចប៉ុណ្ណោះ។
នាយកប្រតិបត្តិនៃអង្គការតម្លាភាពកម្ពុជារូបនេះ បានរៀបរាប់ដូច្នេះថា៖«ការផ្តល់សេវាតូចៗ ជាសេវាចំបាច់ជូនប្រជាពលរដ្ឋ ដូចជា ធ្វើអត្តសញ្ញាណបណ្ណ សៀវភៅគ្រួសារ និងអំពើពុករលួយក្នុងវិស័យប៉ូលីចរាចរណ៍ ជាដើម មានភាពល្អប្រសើរ។ តែទាំងអស់ហ្នឹង វាតិចតួច ក្នុងគំនិតរបស់អ្នកឯកទេស និងអ្នកជំនាញ។ គេ ចង់ឃើញការផ្លាស់ប្តូរជាគន្លឹះធំៗ ដូចជា បញ្ហាឯករាជភាពនៃប្រព័ន្ធយុត្តិធម៌ ឯករាជភាពនៃស្ថាប័នជាតិសំខាន់ៗ ដែលដឹកនាំការប្រឆាំងនឹងអំពើពុករលួយ។ ការបង្កើតច្បាប់សំខាន់ៗជាគន្លឹះ ដែលត្រូវការបន្ទាន់ ដូចជាច្បាប់ សិទ្ធិទទួលព័ត៌មាន ការពារសាក្សី និងបុគ្គលរាយការណ៍ ហើយនិងបញ្ហាគ្រួសារ បក្សពួកនិយម ដែលមានទំនាស់ផលប្រយោជន៍នៅក្នុងរឿងហ្នឹង។ អ៊ីចឹង វា ទាល់តែមានការកែប្រែគន្លឹះបែបហ្នឹង បានអាចទៅដូរ ការយល់ឃើញរបស់អ្នកឯកទេសទាំងនោះបាន»។
លោក ចេវ គឹមហេង តំណាងរាស្ត្រពីគណបក្សប្រជាជនកម្ពុជា ដែលបានចូលរួមក្នុងសន្និសីទសារព័ត៌មានដែលនោះ បានលើកឡើងថា ការដាក់ពិន្ទុនេះ គឺធ្វើឡើងដោយអ្នកជំនាញ និងមានលក្ខណវិទ្យាសាស្ត្រ ដូច្នេះ លោក មិនបដិសេធថា ខុសពីពិតនោះទេ។ យ៉ាងណា លោក ក៏មិនទាន់ទទួលស្គាល់ថា ការដាក់ពិន្ទុនេះ មានសុក្រឹតភាព នោះដែរ។
តំណាងរាស្ត្រពីបក្សកាន់អំណាចរូបនេះ បញ្ជាក់ដូច្នេះថា៖«បើឲ្យជាក់លាក់នោះ មិនប្រាកដទេ។ ឲ្យខ្ញុំជឿទាំងអស់ក៏មិនបាន ហើយមិនជឿ ក៏វា មិនកើតដែរ ព្រោះថាយើង ឃើញទិដ្ឋភាពជាក់ស្តែង។ ស្រុកណាក៏មានអំពើពុករលួយដែរ គ្រាន់តែតិចនិងច្រើនប៉ុណ្ណោះ»។
លោក ចេវ គឹមហេង បន្តទៀតថា កន្លងមក រដ្ឋាភិបាល ដែលដឹកនាំដោយគណបក្សប្រជាជនកម្ពុជា បានខិតខំយ៉ាងខ្លាំង ដើម្បីកាត់បន្ថយអំពើពុករលួយ នៅក្នុងវិស័យនានា តាមរយៈយុទ្ធសាស្ត្រចតុកោណ និងកំណែទម្រង់គោលនយោបាយផ្សេងៗ។ ប៉ុន្តែ លោក អះអាងថា ការអនុវត្តកំណែទម្រង់របស់រដ្ឋាភិបាលកម្ពុជា ក្នុងការកាត់បន្ថយអំពើពុករលួយ គឺត្រូវការពេលវេលា។
លោក ចេង គឹមហេង និយាយថា៖«បើថាស្អែកប្រឹប សម្អាតអំពើពុករលួយទាំងអស់តែម្តង វា មិនកើតទេ។ បើយើង ដាំដើមឈើ ក៏វា ត្រូវការរយៈពេលយូរដែរ» ។
យ៉ាងណា លោក ចេវ គឹមហេង នៅតែទទួលស្គាល់ថា ការរកឃើញនេះ គឺជានិន្នន័យដ៏សំខាន់មួយ ដែលរដ្ឋាភិបាល អាចនឹងយកទៅសិក្សានិងពិចារណា ដើម្បីធ្វើយ៉ាងណាបង្កើតយន្តការឲ្យមានប្រសិទ្ធភាពខ្ពស់ ក្នុងការកាត់បន្ថយអំពើពុករលួយនៅកម្ពុជា៕
Tag:
អំពើពុករលួយ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
