អន្តរជាតិ
នយោបាយអន្តរជាតិ
×![]()
ដោយ: ថ្មីៗ
ប្រធានាធិបតីអាមេរិក ដូណាល់ ត្រាំ និងសមភាគី វ្ល៉ាឌីមៀ ពូទីន ឯកភាពគ្នាកសាងទំនាក់ទំនងនិងកិច្ចសហប្រតិបត្តិការឡើងវិញនៅក្នុងបញ្ហាស៊ីរី។ ក្រៅពីជម្លោះស៊ីរីមេដឹកនាំទាំងពីរក៏បានព្រមព្រៀងគ្នាយកចិត្តទុកដាក់ដោះស្រាយបញ្ហាពិភពលោកជាពិសេសប្រឆាំងភេរវកម្ម។ ការឯកភាពគ្នានេះធ្វើឡើងក្នុងពេលអ្នកទាំងពីរជជែកគ្នាតាមទូរស័ព្ទនាថ្ងៃសៅរ៍ទី ២៨ មករា។ 
ដូចបានកំណត់ ប្រធានាធាធិបតីអាមេរិកលោក ដូណាល់ ត្រាំ បានជជែកពិភាក្សាជាមួយប្រធានាធិបតីរុស្ស៊ីតាមទូរស័ព្ទ ដើម្បីឈានទៅស្តារចំណងទំនាក់ទំនងឡើងវិញឲ្យបានប្រសើរឡើង។
វិមានក្រេមឡាំងបានប្រកាសប្រាប់សារព័ត៌មានតាមសេចក្តីថ្លែងការណ៍មួយថា ក្នុងកិច្ចពិភាក្សាជាលើកដំបូងក្រោយស្បថចូលកាន់តំណែងរបស់លោក ដូណាល់ ត្រាំ មេដឹកនាំទាំងពីររូបបានឯកភាពគ្នារួចរាល់ហើយពីការព្យាយាមស្តារចំណងទំនាក់ទំនងនិងកិច្ចសហប្រតិបត្តិការឡើងវិញនៅក្នុងបញ្ហាស៊ីរី។
អ្នកនាំពាក្យសេតវិមាន Sean Spicer បានបញ្ជាក់ក្នុងសារ Twitter របស់ខ្លួនថា លោក វ្ល៉ាឌីមៀ ពូទីន ជាមេដឹកនាំម្នាក់ ក្នុងចំណោមមេដឹកនាំពិភពលោកប្រាំនាក់ដែលោក លោក ដូណាល់ ត្រាំ ជជែកជាមួយនាថ្ងៃសៅរ៍។
ចំណែកសេចក្តីថ្លែងការណ៍វិមានក្រេមឡាំងដែលដកស្រង់ដោយទីភ្នាក់ងារព័ត៌មាន Reuters បានបន្ថែមថា៖« ភាគីទាំងពីរបានបង្ហាញឆន្ទៈធ្វើការរួមគ្នាដើម្បីធ្វើឲ្យមានស្ថិរភាព និងការលូតលាស់នៃទំនាក់ទំនងអាមេរិកនិងរុស្ស៊ី។ ហើយអ្នកទាំងពីរកំពុងរៀបចំពេលវេលាសម្រាប់ជួបគ្នាផង»។
យោងតាមសេចក្តីថ្លែងការណ៍ដដែល លោក វ្ល៉ាឌីមៀ ពូទីន និងលោក ដូណាល់ ត្រាំ បានផ្តោតសំខាន់លើការដោះស្រាយបញ្ហាពិភពលោកឯទៀតមានដូចជាបញ្ហាប្រឆាំងភេរវកម្ម, បញ្ហានុយក្លេអ៊ែរអ៊ីរ៉ង់, បញ្ហានុយក្លេអ៊ែរកូរ៉េខាងជើង និងបញ្ហាអ៊ុយក្រែនជាដើម។
ពាក់ព័ន្ធការប្រឆាំងភេរវកម្ម លោក ពូទីន និងលោក ដូណាល់ត្រាំ បានឯកភាពគ្នាថានឹងបង្កើតកិច្ចសហប្រតិបត្តិការមួយដែលឈានឆ្ពោះទៅកម្ចាត់ក្រុមភេរវជនរដ្ឋឥស្លាមនៅស៊ីរីនិងអ៊ីរ៉ាក់។ប៉ុន្តែគេមិនបានបញ្ជាក់ច្បាស់ទេថាកិច្ចសហប្រតិបត្តិការបែបណានឹងត្រូវបង្កើតឡើងនៅពេលខាងមុខឡើយ។ រុស្ស៊ីបច្ចុប្បន្នកំពុងក្លាយជាតួអង្គសំខាន់ស្រាប់ទៅហើយនៅក្នុងជម្លោះស៊ីរីជួយការពាររបប បាសា អាល់អាសាដ ហើយនិងប្រឆាំងក្រុមភេរវជនរដ្ឋឥស្លាម។ វាអាចថា ដូណាល់ ត្រាំ នឹងចាប់ដៃរុស្ស៊ី ក៏ដូចជា របបដឹកនាំអាសាដដើម្បីកម្ចាត់ភេរវជនរួមគ្នាផង។
ប្រធានាធិបតីអាមេរិក និងរុស្ស៊ី ក៏យល់ព្រមស្តាបនាកិច្ចសហប្រតិបត្តិការក្នុងនាមជាដៃគូ ដើម្បីត្រួតពិនិត្យ និងសម្របសម្រួល បញ្ហាចម្រូងចម្រាសនុយក្លេអ៊ែរអ៊ីរ៉ង់,ជម្លោះអ៊ុយក្រែន និងភាពតានតឹងនៅឧបទ្វីបកូរ៉េ។
ចាបតាំងពីបញ្ហាអ៊ុយក្រែនកើតឡើង និងមានការក្រសោបយកទឹកដី Crimea សហរដ្ឋអាមេរិកនិងបណ្តាសម្ព័ន្ធមិត្តអឺរ៉ុបបន្តថ្កោលទោសនិងដាក់ទោសទណ្ឌប្រឆាំងរុស្ស៊ីជាបន្តបន្ទាប់។ ក្នុងរដ្ឋបាលរបស់លោក បារ៉ាក់ អូបាម៉ា ទំនាក់ទំនងរវាងមហាអំណាចទាំងពីរធ្លាក់ចុះហួសស្មាន ធ្លាក់ទាបជាងទំនាក់ទំនងសម័យសង្គ្រាមត្រជាក់ទៀត។ ប៉ុន្តែរដ្ឋបាលថ្មី មានទំនោរទន់ទោរទៅរករុស្ស៊ី ហើយលោក ត្រាំ ថែមទាំងធ្លាប់សន្យាថា នឹងពិចារណាមើលថាគួរដកទណ្ឌកម្មប្រឆាំងរុស្ស៊ីឬអត់ដើម្បីបញ្ចប់ការប្រឈមមុខដាក់គ្នានេះ។
វាជារឿងល្អបំផុតសម្រាប់លោក វ្ល៉ាឌីមៀ ពូទីន បើសិនជាមានការដកទណ្ឌកម្មនៅពេលខាងមុខនោះ។ លោក ពូទីន កំពុងប្រឈមមុខបញ្ហាមួយគឺការបោះឆ្នោតនៅឆ្នាំក្រោយ។ ដូច្នេះហើយវាជាឱកាសសំខាន់ក្នុងការទាញយកក្រេឌីតនៅរុស្ស៊ី តាមរយៈការបង្កើតទំនាក់ទំនងល្អជាមួយរបបដឹកនាំក្រុងវ៉ាស៊ីនតោននិងជំរុញឲ្យមានការដកទណ្ឌកម្មទាំងអម្បាលម៉ាននោះ។
យ៉ាងណាមិញ ចេតនាល្អរបស់លោក ដូណាល់ ត្រាំ ចំពោះរុស្ស៊ីរងការរិះគន់ជាបន្តបន្ទាប់ និងមានការចោទប្រកាន់ថា ត្រាំមានទំនាក់ទំនងស្និទ្ធជាមួយរបបដឹកនាំរុស្ស៊ី។ ហើយមិនត្រឹមតែប៉ុណ្ណោះ វាមានការស៊ើបអង្កេតពាក់ព័ន្ធការលូកលាន់ចូលក្នុងប្រព័ន្ធបោះឆ្នោតពីសំណាក់រុស្ស៊ី និងជួយឲ្យលោក ដូណាល់ ត្រាំឈ្នះឆ្នោតថែមទៀតផង៕
ដូចបានកំណត់ ប្រធានាធាធិបតីអាមេរិកលោក ដូណាល់ ត្រាំ បានជជែកពិភាក្សាជាមួយប្រធានាធិបតីរុស្ស៊ីតាមទូរស័ព្ទ ដើម្បីឈានទៅស្តារចំណងទំនាក់ទំនងឡើងវិញឲ្យបានប្រសើរឡើង។
វិមានក្រេមឡាំងបានប្រកាសប្រាប់សារព័ត៌មានតាមសេចក្តីថ្លែងការណ៍មួយថា ក្នុងកិច្ចពិភាក្សាជាលើកដំបូងក្រោយស្បថចូលកាន់តំណែងរបស់លោក ដូណាល់ ត្រាំ មេដឹកនាំទាំងពីររូបបានឯកភាពគ្នារួចរាល់ហើយពីការព្យាយាមស្តារចំណងទំនាក់ទំនងនិងកិច្ចសហប្រតិបត្តិការឡើងវិញនៅក្នុងបញ្ហាស៊ីរី។
អ្នកនាំពាក្យសេតវិមាន Sean Spicer បានបញ្ជាក់ក្នុងសារ Twitter របស់ខ្លួនថា លោក វ្ល៉ាឌីមៀ ពូទីន ជាមេដឹកនាំម្នាក់ ក្នុងចំណោមមេដឹកនាំពិភពលោកប្រាំនាក់ដែលោក លោក ដូណាល់ ត្រាំ ជជែកជាមួយនាថ្ងៃសៅរ៍។
After speaking with Chancellor Merkel for 45 minutes @POTUS is now onto his 3rd of 5 head of government calls, speaking w Russian Pres Putin pic.twitter.com/RPAWIgcO2C — Sean Spicer (@PressSec) January 28, 2017
ចំណែកសេចក្តីថ្លែងការណ៍វិមានក្រេមឡាំងដែលដកស្រង់ដោយទីភ្នាក់ងារព័ត៌មាន Reuters បានបន្ថែមថា៖« ភាគីទាំងពីរបានបង្ហាញឆន្ទៈធ្វើការរួមគ្នាដើម្បីធ្វើឲ្យមានស្ថិរភាព និងការលូតលាស់នៃទំនាក់ទំនងអាមេរិកនិងរុស្ស៊ី។ ហើយអ្នកទាំងពីរកំពុងរៀបចំពេលវេលាសម្រាប់ជួបគ្នាផង»។
យោងតាមសេចក្តីថ្លែងការណ៍ដដែល លោក វ្ល៉ាឌីមៀ ពូទីន និងលោក ដូណាល់ ត្រាំ បានផ្តោតសំខាន់លើការដោះស្រាយបញ្ហាពិភពលោកឯទៀតមានដូចជាបញ្ហាប្រឆាំងភេរវកម្ម, បញ្ហានុយក្លេអ៊ែរអ៊ីរ៉ង់, បញ្ហានុយក្លេអ៊ែរកូរ៉េខាងជើង និងបញ្ហាអ៊ុយក្រែនជាដើម។
ពាក់ព័ន្ធការប្រឆាំងភេរវកម្ម លោក ពូទីន និងលោក ដូណាល់ត្រាំ បានឯកភាពគ្នាថានឹងបង្កើតកិច្ចសហប្រតិបត្តិការមួយដែលឈានឆ្ពោះទៅកម្ចាត់ក្រុមភេរវជនរដ្ឋឥស្លាមនៅស៊ីរីនិងអ៊ីរ៉ាក់។ប៉ុន្តែគេមិនបានបញ្ជាក់ច្បាស់ទេថាកិច្ចសហប្រតិបត្តិការបែបណានឹងត្រូវបង្កើតឡើងនៅពេលខាងមុខឡើយ។ រុស្ស៊ីបច្ចុប្បន្នកំពុងក្លាយជាតួអង្គសំខាន់ស្រាប់ទៅហើយនៅក្នុងជម្លោះស៊ីរីជួយការពាររបប បាសា អាល់អាសាដ ហើយនិងប្រឆាំងក្រុមភេរវជនរដ្ឋឥស្លាម។ វាអាចថា ដូណាល់ ត្រាំ នឹងចាប់ដៃរុស្ស៊ី ក៏ដូចជា របបដឹកនាំអាសាដដើម្បីកម្ចាត់ភេរវជនរួមគ្នាផង។
ប្រធានាធិបតីអាមេរិក និងរុស្ស៊ី ក៏យល់ព្រមស្តាបនាកិច្ចសហប្រតិបត្តិការក្នុងនាមជាដៃគូ ដើម្បីត្រួតពិនិត្យ និងសម្របសម្រួល បញ្ហាចម្រូងចម្រាសនុយក្លេអ៊ែរអ៊ីរ៉ង់,ជម្លោះអ៊ុយក្រែន និងភាពតានតឹងនៅឧបទ្វីបកូរ៉េ។
ចាបតាំងពីបញ្ហាអ៊ុយក្រែនកើតឡើង និងមានការក្រសោបយកទឹកដី Crimea សហរដ្ឋអាមេរិកនិងបណ្តាសម្ព័ន្ធមិត្តអឺរ៉ុបបន្តថ្កោលទោសនិងដាក់ទោសទណ្ឌប្រឆាំងរុស្ស៊ីជាបន្តបន្ទាប់។ ក្នុងរដ្ឋបាលរបស់លោក បារ៉ាក់ អូបាម៉ា ទំនាក់ទំនងរវាងមហាអំណាចទាំងពីរធ្លាក់ចុះហួសស្មាន ធ្លាក់ទាបជាងទំនាក់ទំនងសម័យសង្គ្រាមត្រជាក់ទៀត។ ប៉ុន្តែរដ្ឋបាលថ្មី មានទំនោរទន់ទោរទៅរករុស្ស៊ី ហើយលោក ត្រាំ ថែមទាំងធ្លាប់សន្យាថា នឹងពិចារណាមើលថាគួរដកទណ្ឌកម្មប្រឆាំងរុស្ស៊ីឬអត់ដើម្បីបញ្ចប់ការប្រឈមមុខដាក់គ្នានេះ។
វាជារឿងល្អបំផុតសម្រាប់លោក វ្ល៉ាឌីមៀ ពូទីន បើសិនជាមានការដកទណ្ឌកម្មនៅពេលខាងមុខនោះ។ លោក ពូទីន កំពុងប្រឈមមុខបញ្ហាមួយគឺការបោះឆ្នោតនៅឆ្នាំក្រោយ។ ដូច្នេះហើយវាជាឱកាសសំខាន់ក្នុងការទាញយកក្រេឌីតនៅរុស្ស៊ី តាមរយៈការបង្កើតទំនាក់ទំនងល្អជាមួយរបបដឹកនាំក្រុងវ៉ាស៊ីនតោននិងជំរុញឲ្យមានការដកទណ្ឌកម្មទាំងអម្បាលម៉ាននោះ។
យ៉ាងណាមិញ ចេតនាល្អរបស់លោក ដូណាល់ ត្រាំ ចំពោះរុស្ស៊ីរងការរិះគន់ជាបន្តបន្ទាប់ និងមានការចោទប្រកាន់ថា ត្រាំមានទំនាក់ទំនងស្និទ្ធជាមួយរបបដឹកនាំរុស្ស៊ី។ ហើយមិនត្រឹមតែប៉ុណ្ណោះ វាមានការស៊ើបអង្កេតពាក់ព័ន្ធការលូកលាន់ចូលក្នុងប្រព័ន្ធបោះឆ្នោតពីសំណាក់រុស្ស៊ី និងជួយឲ្យលោក ដូណាល់ ត្រាំឈ្នះឆ្នោតថែមទៀតផង៕
© រក្សាសិទ្ធិដោយ thmeythmey.com
