ជាតិ
សង្គមជាតិ
ភ្លែនអន្តរជាតិកម្ពុជា ដាក់ចេញយុទ្ធសាស្ត្រ៥ឆ្នាំខាងមុខ ផ្តោតលើកុមារ និងក្មេងស្រីដែលបាត់ឱកាស
×![]()
ដោយ: ខន ចំប៉ា
រតនគិរី៖ អង្គការភ្លែនអន្តរជាតិកម្ពុជា បានដាក់ចេញផែនការយុទ្ធសាស្ត្រប្រចាំប្រទេសរយៈពេល៥ ឆ្នាំខាងមុខ ដោយផ្តោតការយកចិត្តទុកដាក់ខ្លាំងលើកុមារ និងក្មេងស្រី ដែលបាត់បង់ឱកាស និងត្រូវបានសង្គមបំភ្លេចចោល។ តាមរយៈផែនការយុទ្ធសាស្ត្រនេះ អង្គការភ្លែនអន្តរជាតិកម្ពុជា រំពឹងថាកុមារ និងក្មេងស្រីទាំងនោះ អាចបត់បែនខ្លួនស្របតាមការរីកចម្រើននៃសង្គមកម្ពុជា។
អង្គការភ្លែនអន្តរជាតិកម្ពុជា កាលពីថ្ងៃទី២៤ ខែមករាកន្លងទៅ បានដាក់ចេញផែនការយុទ្ធសាស្ត្រប្រចាំប្រទេសឆ្នាំ២០១៦-២០២១ ។ ផែនការយុទ្ធសាស្ត្ររយៈពេល៥ឆ្នាំនេះ រួមបញ្ចូលគំនិតផ្តួចផ្តើមថ្មីៗដូចជាការផ្តោតយកចិត្តទុកដាក់កាន់តែខ្លាំងលើសិទ្ធិរបស់ក្មេងស្រី ពង្រឹងការសហការជាមួយដៃគូពាក់ព័ន្ធ ដោយផ្តោតលើការអប់រំ ការសម្រេចចិត្ត ការគ្រប់គ្រង និងការអភិវឌ្ឍ ខ្លួនរបស់កុមារ និងក្មេងស្រី ដែលបាត់បង់ឱកាស។
លោក យេន យេប ក្លែនរេនស៊ីង្គ នាយកប្រចាំប្រទេសកម្ពុជានៃអង្គការភ្លែនអន្តរជាតិកម្ពុជា បានមាន ប្រសាសន៍ថាក្នុងឱកាសនោះថា គោលដៅអភិវឌ្ឍន៍ប្រកបដោយចីរភាពសម្រាប់ឆ្នាំ២០៣០ គឺផ្តោតការយកចិត្តទុកដាក់លើមនុស្សគ្រប់រូប។ ប៉ុន្តែមានមានក្មេងស្រី និងស្ត្រីរាប់លាននាក់ រួមនឹងស្ត្រី និងក្មេងស្រីនៅប្រទេសកម្ពុជាផង នៅតែមិនទាន់បានយកចិត្តទុកដាក់ និងត្រូវបានសង្គមបំភ្លេចចោល។ លោក យេន យេប បញ្ជាក់ដូច្នេះថា៖«យើងអត់ចង់ឲ្យអ្នកណាត្រូវបានគេបំភ្លេចចោលនៅក្នុងសង្គមទេ។ យើងកំពុងផ្តោតការយកចិត្តទុកដាក់ ទៅលើក្រុមដែលមិនសូវទទួលបានប្រយោជន៍ពីការរីកចម្រើននៃសេដ្ឋកិច្ច ដើម្បីធ្វើយ៉ាងណាឲ្យពួកគាត់ឈានទៅដល់កម្រិតមួយដែលអាចបត់បែនតាមការរីកចម្រើននៃសេដ្ឋកិច្ច»។
បើតាមនាយកប្រចាំប្រទេសកម្ពុជានៃអង្គការភ្លែនអន្តរជាតិកម្ពុជារូបនេះ អ្វីដែលស្ថាប័នមួយនេះចង់ ឃើញ គឺសមត្ថភាពទាមទាររកតម្រូវដែលសហគមន៍ចង់បាន និងការឆ្លើយតបប្រកបដោយប្រសិទ្ធភាពរបស់អាជ្ញាធរមូលដ្ឋាន ទៅនឹងអ្វីដែលជាតម្រូវការរបស់ប្រជាសហគមន៍។
សូមបញ្ជាក់ថា អង្គការភ្លែនអន្តរជាតិកម្ពុជាបានផ្តើមប្រតិបត្តិការកម្មវិធីរបស់ខ្លួនតាំងពីឆ្នាំ២០០២ ដែលផ្តោតការយកចិត្តទុកដាក់លើកុមារ និងបានផ្តល់ប្រយោជន៍ផ្ទាល់ដល់កុមារជាង៦០ម៉ឺន ដល់ប្រជាជនជិត៨០ម៉ឺននាក់ ប្រហាក់ប្រហែលនឹងជាង៨ម៉ឺនគ្រួសារ ក្នុងប្រទេសកម្ពុជា។
អង្គការភ្លែនអន្តរជាតិកម្ពុជា កំពុងអនុវត្តកម្មវិធីរបស់ខ្លួន នៅក្នុងខេត្តចំនួន៤ គឺសៀមរាប ត្បូងឃ្មុំ ស្ទឹងត្រែង និងខេត្តរតនគិរី។ សម្រាប់ខេត្តរតនគិរី ភ្លែនអន្តរជាតិកម្ពុជាបានចាប់ផ្តើមកម្មវិធីរបស់ខ្លួនតាំងពីឆ្នាំ២០១១ ក្នុងភូមិចំនួន៩៧ នៃ២០ឃុំ ដែលស្ថិតក្នុងស្រុកចំនួន៥ គឺស្រុកវ៉ឺនសៃ ស្រុកបរកែវ ស្រុកដូនមាស ស្រុកតាវែង និងស្រុកអូរជុំ៕
អង្គការភ្លែនអន្តរជាតិកម្ពុជា កាលពីថ្ងៃទី២៤ ខែមករាកន្លងទៅ បានដាក់ចេញផែនការយុទ្ធសាស្ត្រប្រចាំប្រទេសឆ្នាំ២០១៦-២០២១ ។ ផែនការយុទ្ធសាស្ត្ររយៈពេល៥ឆ្នាំនេះ រួមបញ្ចូលគំនិតផ្តួចផ្តើមថ្មីៗដូចជាការផ្តោតយកចិត្តទុកដាក់កាន់តែខ្លាំងលើសិទ្ធិរបស់ក្មេងស្រី ពង្រឹងការសហការជាមួយដៃគូពាក់ព័ន្ធ ដោយផ្តោតលើការអប់រំ ការសម្រេចចិត្ត ការគ្រប់គ្រង និងការអភិវឌ្ឍ ខ្លួនរបស់កុមារ និងក្មេងស្រី ដែលបាត់បង់ឱកាស។
លោក យេន យេប ក្លែនរេនស៊ីង្គ នាយកប្រចាំប្រទេសកម្ពុជានៃអង្គការភ្លែនអន្តរជាតិកម្ពុជា បានមាន ប្រសាសន៍ថាក្នុងឱកាសនោះថា គោលដៅអភិវឌ្ឍន៍ប្រកបដោយចីរភាពសម្រាប់ឆ្នាំ២០៣០ គឺផ្តោតការយកចិត្តទុកដាក់លើមនុស្សគ្រប់រូប។ ប៉ុន្តែមានមានក្មេងស្រី និងស្ត្រីរាប់លាននាក់ រួមនឹងស្ត្រី និងក្មេងស្រីនៅប្រទេសកម្ពុជាផង នៅតែមិនទាន់បានយកចិត្តទុកដាក់ និងត្រូវបានសង្គមបំភ្លេចចោល។ លោក យេន យេប បញ្ជាក់ដូច្នេះថា៖«យើងអត់ចង់ឲ្យអ្នកណាត្រូវបានគេបំភ្លេចចោលនៅក្នុងសង្គមទេ។ យើងកំពុងផ្តោតការយកចិត្តទុកដាក់ ទៅលើក្រុមដែលមិនសូវទទួលបានប្រយោជន៍ពីការរីកចម្រើននៃសេដ្ឋកិច្ច ដើម្បីធ្វើយ៉ាងណាឲ្យពួកគាត់ឈានទៅដល់កម្រិតមួយដែលអាចបត់បែនតាមការរីកចម្រើននៃសេដ្ឋកិច្ច»។
បើតាមនាយកប្រចាំប្រទេសកម្ពុជានៃអង្គការភ្លែនអន្តរជាតិកម្ពុជារូបនេះ អ្វីដែលស្ថាប័នមួយនេះចង់ ឃើញ គឺសមត្ថភាពទាមទាររកតម្រូវដែលសហគមន៍ចង់បាន និងការឆ្លើយតបប្រកបដោយប្រសិទ្ធភាពរបស់អាជ្ញាធរមូលដ្ឋាន ទៅនឹងអ្វីដែលជាតម្រូវការរបស់ប្រជាសហគមន៍។
សូមបញ្ជាក់ថា អង្គការភ្លែនអន្តរជាតិកម្ពុជាបានផ្តើមប្រតិបត្តិការកម្មវិធីរបស់ខ្លួនតាំងពីឆ្នាំ២០០២ ដែលផ្តោតការយកចិត្តទុកដាក់លើកុមារ និងបានផ្តល់ប្រយោជន៍ផ្ទាល់ដល់កុមារជាង៦០ម៉ឺន ដល់ប្រជាជនជិត៨០ម៉ឺននាក់ ប្រហាក់ប្រហែលនឹងជាង៨ម៉ឺនគ្រួសារ ក្នុងប្រទេសកម្ពុជា។
អង្គការភ្លែនអន្តរជាតិកម្ពុជា កំពុងអនុវត្តកម្មវិធីរបស់ខ្លួន នៅក្នុងខេត្តចំនួន៤ គឺសៀមរាប ត្បូងឃ្មុំ ស្ទឹងត្រែង និងខេត្តរតនគិរី។ សម្រាប់ខេត្តរតនគិរី ភ្លែនអន្តរជាតិកម្ពុជាបានចាប់ផ្តើមកម្មវិធីរបស់ខ្លួនតាំងពីឆ្នាំ២០១១ ក្នុងភូមិចំនួន៩៧ នៃ២០ឃុំ ដែលស្ថិតក្នុងស្រុកចំនួន៥ គឺស្រុកវ៉ឺនសៃ ស្រុកបរកែវ ស្រុកដូនមាស ស្រុកតាវែង និងស្រុកអូរជុំ៕
Tag:
ភ្លែនអន្តរជាតិ
កុមារ
ក្មេងស្រី
© រក្សាសិទ្ធិដោយ thmeythmey.com
