ជាតិ
×![]()
ភ្នំពេញ៖ ខ្សែភាពយន្តចំនួន១០០ចំណងជើង នឹងមានវត្តមាននៅលើផ្ទាំងក្រណាត់ស ក្នុងមហោស្រពភាពយន្តអន្តរជាតិកម្ពុជាលើកទី៧ (CIFF) ក្នុងខែមីនាខាងមុខ។ ជាប្រភេទខ្សែភាពយន្តបែបអប់រំ ភាពយន្តឯកសារឆ្លុះបញ្ចាំងពីសង្គម និងភាពយន្តសម្រាប់កុមារជាដើម។
កម្ពុជា នឹងរៀបចំមហោស្រពភាពយន្តអន្តរជាតិកម្ពុជាលើកទី៧ រយៈពេល៦ថ្ងៃ ចាប់ពីថ្ងៃទី៤ ដល់ទី៩ ខែមីនាខាងមុខ។ ភាពយន្តទាំងនោះមានទាំងភាពយន្តជាតិ និងអន្តរជាតិ ដែលជាប្រភេទភាពយន្តអប់រំ ភាពយន្តឯកសារដែលឆ្លុះបញ្ចាំងពីសង្គម និងខ្សែភាពយន្តកុមារជាដើម។ នេះជាបញ្ជាក់របស់ លោក ជា សុភាព នាយកប្រតិបត្តិមជ្ឍមណ្ឌលធនធានសោតទស្សន៍បុប្ផាណា ក្នុងសន្និសីទសារព័ត៌មាន ពីមហោស្រពភាពយន្តអន្តរជាតិកម្ពុជា នៅថ្ងៃទី ៣១ ខែមករា។
លោក ជា សុភាព បញ្ជាក់ថាមហោស្រពភាពយន្តអន្តរជាតិកម្ពុជា ផ្តួចផ្តើមឡើងដើម្បីជួយគាំទ្រវិស័យភាពយន្តនៅកម្ពុជា និងនាំយកភាពយន្តជាតិ និងអន្តរជាតិមកចូលរួមក្នុងមហោស្រពនេះ។
នៅមានព្រឹត្តិការណ៍មួយចំនួនទៀត ដែលនឹងរៀបចំឡើងក្នុងមហោស្រពភាពយន្តអន្តរជាតិលើកទី៧នេះ។ កម្មវីធីទាំងនោះ មានដូចជាជំនួបរវាងផលិតករជាតិ និងអន្តរជាតិ កម្មវិធីមហោស្រពភាពយន្តកម្ពុជា កម្មវិធីភាពយន្តឥណ្ឌា ភាពយន្តខ្លីៗមកពីប្រទេសអាស៊ាន ភាពយន្តរបស់ប្រទេសឡាវ និងភាពយន្តអន្តរជាតិ។
ខ្សែភាពយន្តរឿង ភៀសខ្លួន, ការពារឧក្រិដ្ឋជន, ប៉ុបពីទៅហូលីវូដ, វិកលចរិត, កោះពេជ្រ និងរឿងសតិជាប់ទ្រុង នឹងបង្ហាញខ្លួនក្នុងមហោស្រពភាពយន្តកម្ពុជា។ ក្នុងកម្មវិធីមហោស្រពភាពយន្តអន្តរជាតិកម្ពុជា ក៏នឹងចាក់បញ្ចាំងលើកដំបូងជាអន្តរជាតិ នូវកម្មវិធី ASIAN THREE-FOND MIRROR: REFLECTIONផងដែរ។
រីឯភាពយន្តឯកសារ ភាពយន្តខ្លីៗ ភាពយន្តខ្នាតវែង និងភាពយន្តគំនូរជីវចលមកពីទូទាំងពិភពលោក ជាផ្នែកនៃមហោស្រពភាពយន្តអន្តរជាតិ។
គួររម្លឹកថា មហោស្រពភាពយន្តអន្តរជាតិកម្ពុជាលើកទី១ បានរៀបចំឡើងនៅក្នុងឆ្នាំ២០១០ គាំទ្រដោយក្រសួងវប្បធម៌ និងវិចិត្រសិល្បៈ និងអង្គការយូណេស្កូ រៀបចំដោយ CFC និងមជ្ឍមណ្ឌលបុប្ផាណា សហការជាមួយវិទ្យាស្ថានបារាំងនៅកម្ពុជា។ មហោស្រពភាពយន្តអន្តរជាតិកម្ពុជាលើកទី៦ រៀបចំកាលពីចុងឆ្នាំ២០១៥ និងបានទាក់ទាញអ្នកទស្សនាប្រមាណ១ម៉ឺន៧ពាន់នាក់ ៕
កម្ពុជា នឹងរៀបចំមហោស្រពភាពយន្តអន្តរជាតិកម្ពុជាលើកទី៧ រយៈពេល៦ថ្ងៃ ចាប់ពីថ្ងៃទី៤ ដល់ទី៩ ខែមីនាខាងមុខ។ ភាពយន្តទាំងនោះមានទាំងភាពយន្តជាតិ និងអន្តរជាតិ ដែលជាប្រភេទភាពយន្តអប់រំ ភាពយន្តឯកសារដែលឆ្លុះបញ្ចាំងពីសង្គម និងខ្សែភាពយន្តកុមារជាដើម។ នេះជាបញ្ជាក់របស់ លោក ជា សុភាព នាយកប្រតិបត្តិមជ្ឍមណ្ឌលធនធានសោតទស្សន៍បុប្ផាណា ក្នុងសន្និសីទសារព័ត៌មាន ពីមហោស្រពភាពយន្តអន្តរជាតិកម្ពុជា នៅថ្ងៃទី ៣១ ខែមករា។
លោក ជា សុភាព បញ្ជាក់ថាមហោស្រពភាពយន្តអន្តរជាតិកម្ពុជា ផ្តួចផ្តើមឡើងដើម្បីជួយគាំទ្រវិស័យភាពយន្តនៅកម្ពុជា និងនាំយកភាពយន្តជាតិ និងអន្តរជាតិមកចូលរួមក្នុងមហោស្រពនេះ។
នៅមានព្រឹត្តិការណ៍មួយចំនួនទៀត ដែលនឹងរៀបចំឡើងក្នុងមហោស្រពភាពយន្តអន្តរជាតិលើកទី៧នេះ។ កម្មវីធីទាំងនោះ មានដូចជាជំនួបរវាងផលិតករជាតិ និងអន្តរជាតិ កម្មវិធីមហោស្រពភាពយន្តកម្ពុជា កម្មវិធីភាពយន្តឥណ្ឌា ភាពយន្តខ្លីៗមកពីប្រទេសអាស៊ាន ភាពយន្តរបស់ប្រទេសឡាវ និងភាពយន្តអន្តរជាតិ។
ខ្សែភាពយន្តរឿង ភៀសខ្លួន, ការពារឧក្រិដ្ឋជន, ប៉ុបពីទៅហូលីវូដ, វិកលចរិត, កោះពេជ្រ និងរឿងសតិជាប់ទ្រុង នឹងបង្ហាញខ្លួនក្នុងមហោស្រពភាពយន្តកម្ពុជា។ ក្នុងកម្មវិធីមហោស្រពភាពយន្តអន្តរជាតិកម្ពុជា ក៏នឹងចាក់បញ្ចាំងលើកដំបូងជាអន្តរជាតិ នូវកម្មវិធី ASIAN THREE-FOND MIRROR: REFLECTIONផងដែរ។
រីឯភាពយន្តឯកសារ ភាពយន្តខ្លីៗ ភាពយន្តខ្នាតវែង និងភាពយន្តគំនូរជីវចលមកពីទូទាំងពិភពលោក ជាផ្នែកនៃមហោស្រពភាពយន្តអន្តរជាតិ។
គួររម្លឹកថា មហោស្រពភាពយន្តអន្តរជាតិកម្ពុជាលើកទី១ បានរៀបចំឡើងនៅក្នុងឆ្នាំ២០១០ គាំទ្រដោយក្រសួងវប្បធម៌ និងវិចិត្រសិល្បៈ និងអង្គការយូណេស្កូ រៀបចំដោយ CFC និងមជ្ឍមណ្ឌលបុប្ផាណា សហការជាមួយវិទ្យាស្ថានបារាំងនៅកម្ពុជា។ មហោស្រពភាពយន្តអន្តរជាតិកម្ពុជាលើកទី៦ រៀបចំកាលពីចុងឆ្នាំ២០១៥ និងបានទាក់ទាញអ្នកទស្សនាប្រមាណ១ម៉ឺន៧ពាន់នាក់ ៕
Tag:
CIFF
© រក្សាសិទ្ធិដោយ thmeythmey.com
