អន្តរជាតិ
នយោបាយអន្តរជាតិ
លោក ប្រាយុទ្ធ ប្រាប់ប្រជាជនថៃកុំខ្វល់តែរឿង «ប្រជាធិបតេយ្យនិងសិទ្ធិសេរីភាព» ពេក
នាយករដ្ឋមន្ត្រីថៃ ឧត្តមសេនីយ៍ ប្រាយុទ្ធ ចន្ទអូចា (រូបថត NPR)
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីរដ្ឋាភិបាលយោធាថៃ ឧត្តមសេនីយ៍ ប្រយុទ្ធ ចន្ទអូចា បានអំពាវនាវទៅកាន់សាធារណជនថៃ មិនត្រូវខ្វល់ខ្វាយចិត្តចង់បានប្រជាធិបតេយ្យ សិទ្ធិនិងសេរីភាព ពេកឡើយ។ អតីតប្រមុខយោធាដែលធ្វើរដ្ឋប្រហារទម្លាក់រដ្ឋាភិបាលស៊ីវិលក្នុងឆ្នាំ២០១៤ បានលើកហេតុផលថា ការខ្វល់ខ្វាយគិតគូរខ្លាំងលើរឿងនេះ នឹងនាំឲ្យប្រទេសធ្លាក់ទៅក្នុងស្ថានភាពអាណាធិបតេយ្យមិនខាន ហើយប្រជាជនថៃគួរគិតកត្តាផ្សេងផង ដើម្បីស្វែងរករឿងដែលកើតឡើង។
មេដឹកនាំយោធាថៃ លោក ប្រាយុទ្ធ ចន្ទអូចា នៅថ្ងៃទី១០ ខែកុម្ភៈ បានចេញមកទទូចឲ្យប្រជាជនថៃ កុំចំណាយពេលគិតមមៃតែលើគោលការណ៍ប្រជាធិបតេយ្យពេក តែត្រូវចេះពិចារណាលើគោលការណ៍ផ្សេងទៀត ជាពិសេសច្បាប់ប្រទេសដែលមានជាធរមាន ដើម្បីរកហេតុផល។ លោក ប្រាយុទ្ធ និយាយថា រដ្ឋាភិបាលរបស់លោក ក៏នឹងមិនទោរទន់ទៅតាមអារម្មណ៍ចង់របស់ប្រជាជនដែរ ព្រោះបញ្ហាកើតចេញពីប្រភពច្រើន។
«ប្រសិនបើប្រជាជននៅតែយកប្រជាធិបតេយ្យ, សិទ្ធិ និងសេរីភាព ដើម្បីដោះស្រាយបញ្ហានោះ ប្រទេសជាតិនឹងធ្លាក់ក្នុងចលាចលមិនខាន។» នេះជាការទទូចស្នើរបស់លោក ប្រាយុទ្ធ ដែលដឹកនាំរដ្ឋប្រហារមិនបង្ហូរឈាមផ្ដួលរំលំរដ្ឋាភិបាលស៊ីវិលរបស់អតីតនាយករដ្ឋមន្ត្រី យីងឡាក់ ស៊ីណាវ៉ាត្រា កាលពីជាង២ឆ្នាំមុន ដែលផ្សាយដោយកាសែតបាងកកប៉ុស្តិ៍។ លោក ក៏បញ្ជាក់ដែរថា រដ្ឋាភិបាល នឹងរកផ្លូវដើម្បីសម្រេចឲ្យបានការរួបរួម និងការកែទម្រង់ជាតិ។
នាយករដ្ឋមន្ត្រីរូបនេះ ថែមទាំងលើកឡើងថា បញ្ហាកើតចេញពីប្រភពជាច្រើនដូចជាការបែងចែកក្នុងសង្គម និងវិស័យសេដ្ឋកិច្ច ក៏ដូចជាប្រព័ន្ធអប់រំ ដែលមិនអាចបណ្ដុះគំនិតពិចារណាត្រឹមត្រូវបាន។ ជាមួយគ្នានោះ លោក ប្រាយុទ្ធ ក៏បានបង្ហាញការទុកចិត្តលើឧបនាយករដ្ឋមន្ត្រី Prawit Wongsuwon ដែលកំពុងដឹកនាំការងារផ្សះផ្សាជាតិផងដែរ ហើយលោកជឿជាក់ថា ការងារដ៏សំខាន់នេះ នឹងទទួលបានជោគជ័យ។
ការថ្លែងរបស់មេដឹកនាំរដ្ឋប្រហាររូបនេះ ធ្វើឡើងខណៈដែលស្ថានការណ៍នៅនយោបាយក្នុងស្រុកនៅតែមិនទាន់ច្បាស់លាស់ ហើយការបោះឆ្នោតដែលលោកសន្យាថានឹងរៀបចំឲ្យខានតែបាន ក៏ចេះតែពន្យារពេលម្ដងហើយម្ដងទៀត។ កាលបរិច្ឆេទបោះឆ្នោតចុងក្រោយឆ្នាំ២០១៧ ក៏នឹងត្រូវពន្យារពេលម្ដងទៀត ព្រោះច្បាប់សំខាន់ជាច្រើនជាការចាំបាច់សម្រាប់ការបោះឆ្នោតដូចជាច្បាប់ស្ដីពីគណបក្សនយោបាយជាដើម មិនត្រូវបានសរសររួចរាល់ហើយ។
លើសពីនេះ សេចក្ដីរដ្ឋធម្មនុញ្ញថ្មី ដែលត្រូវបានអនុម័តក្នុងប្រជាមតិឆ្នាំ២០១៦ ក៏មិនទាន់ប្រើប្រាស់បានដែរ ព្រោះទើបតែត្រូវបានកែប្រែលើមាត្រាស្ដីពីមហាក្សត្រ ដែលមហាក្សត្រ Maha Vajiralongkorn ជាអ្នកស្នើដោយផ្ទាល់។ សេចក្ដីព្រាងរដ្ឋធម្មនុញ្ញនេះ ត្រូវការការយល់ព្រមពីមហាក្សត្រសិន មុននឹងដាក់ឲ្យប្រើ។ ទន្ទឹមគ្នានេះ ប្រជាជនថៃដែលរស់នៅក្រោមការគ្រប់គ្រងរបស់យោធាជាច្រើនមកហើយ នៅតែទន្ទឹងចង់ឃើញពន្លឺប្រជាធិបតេយ្យដដែល៕
មេដឹកនាំយោធាថៃ លោក ប្រាយុទ្ធ ចន្ទអូចា នៅថ្ងៃទី១០ ខែកុម្ភៈ បានចេញមកទទូចឲ្យប្រជាជនថៃ កុំចំណាយពេលគិតមមៃតែលើគោលការណ៍ប្រជាធិបតេយ្យពេក តែត្រូវចេះពិចារណាលើគោលការណ៍ផ្សេងទៀត ជាពិសេសច្បាប់ប្រទេសដែលមានជាធរមាន ដើម្បីរកហេតុផល។ លោក ប្រាយុទ្ធ និយាយថា រដ្ឋាភិបាលរបស់លោក ក៏នឹងមិនទោរទន់ទៅតាមអារម្មណ៍ចង់របស់ប្រជាជនដែរ ព្រោះបញ្ហាកើតចេញពីប្រភពច្រើន។
«ប្រសិនបើប្រជាជននៅតែយកប្រជាធិបតេយ្យ, សិទ្ធិ និងសេរីភាព ដើម្បីដោះស្រាយបញ្ហានោះ ប្រទេសជាតិនឹងធ្លាក់ក្នុងចលាចលមិនខាន។» នេះជាការទទូចស្នើរបស់លោក ប្រាយុទ្ធ ដែលដឹកនាំរដ្ឋប្រហារមិនបង្ហូរឈាមផ្ដួលរំលំរដ្ឋាភិបាលស៊ីវិលរបស់អតីតនាយករដ្ឋមន្ត្រី យីងឡាក់ ស៊ីណាវ៉ាត្រា កាលពីជាង២ឆ្នាំមុន ដែលផ្សាយដោយកាសែតបាងកកប៉ុស្តិ៍។ លោក ក៏បញ្ជាក់ដែរថា រដ្ឋាភិបាល នឹងរកផ្លូវដើម្បីសម្រេចឲ្យបានការរួបរួម និងការកែទម្រង់ជាតិ។
នាយករដ្ឋមន្ត្រីរូបនេះ ថែមទាំងលើកឡើងថា បញ្ហាកើតចេញពីប្រភពជាច្រើនដូចជាការបែងចែកក្នុងសង្គម និងវិស័យសេដ្ឋកិច្ច ក៏ដូចជាប្រព័ន្ធអប់រំ ដែលមិនអាចបណ្ដុះគំនិតពិចារណាត្រឹមត្រូវបាន។ ជាមួយគ្នានោះ លោក ប្រាយុទ្ធ ក៏បានបង្ហាញការទុកចិត្តលើឧបនាយករដ្ឋមន្ត្រី Prawit Wongsuwon ដែលកំពុងដឹកនាំការងារផ្សះផ្សាជាតិផងដែរ ហើយលោកជឿជាក់ថា ការងារដ៏សំខាន់នេះ នឹងទទួលបានជោគជ័យ។
ការថ្លែងរបស់មេដឹកនាំរដ្ឋប្រហាររូបនេះ ធ្វើឡើងខណៈដែលស្ថានការណ៍នៅនយោបាយក្នុងស្រុកនៅតែមិនទាន់ច្បាស់លាស់ ហើយការបោះឆ្នោតដែលលោកសន្យាថានឹងរៀបចំឲ្យខានតែបាន ក៏ចេះតែពន្យារពេលម្ដងហើយម្ដងទៀត។ កាលបរិច្ឆេទបោះឆ្នោតចុងក្រោយឆ្នាំ២០១៧ ក៏នឹងត្រូវពន្យារពេលម្ដងទៀត ព្រោះច្បាប់សំខាន់ជាច្រើនជាការចាំបាច់សម្រាប់ការបោះឆ្នោតដូចជាច្បាប់ស្ដីពីគណបក្សនយោបាយជាដើម មិនត្រូវបានសរសររួចរាល់ហើយ។
លើសពីនេះ សេចក្ដីរដ្ឋធម្មនុញ្ញថ្មី ដែលត្រូវបានអនុម័តក្នុងប្រជាមតិឆ្នាំ២០១៦ ក៏មិនទាន់ប្រើប្រាស់បានដែរ ព្រោះទើបតែត្រូវបានកែប្រែលើមាត្រាស្ដីពីមហាក្សត្រ ដែលមហាក្សត្រ Maha Vajiralongkorn ជាអ្នកស្នើដោយផ្ទាល់។ សេចក្ដីព្រាងរដ្ឋធម្មនុញ្ញនេះ ត្រូវការការយល់ព្រមពីមហាក្សត្រសិន មុននឹងដាក់ឲ្យប្រើ។ ទន្ទឹមគ្នានេះ ប្រជាជនថៃដែលរស់នៅក្រោមការគ្រប់គ្រងរបស់យោធាជាច្រើនមកហើយ នៅតែទន្ទឹងចង់ឃើញពន្លឺប្រជាធិបតេយ្យដដែល៕
Tag:
ថៃ
ប្រាយុទ្ធ ចន្ទអូចា
ប្រជាធិបតេយ្យ
© រក្សាសិទ្ធិដោយ thmeythmey.com
