ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាអន្តរជាតិ
ជាតិ
CNCC Charity Cup ដែលបឹងកេតក្លាយជាម្ចាស់ពាន រកបានថវិកា៣១លានរៀលពីការលក់សំបុត្រ
13, Feb 2017 ,
11:21 am
រូបភាព
×
ដោយ:
ក្រុមបាល់ទាត់បឹងកេតអង្គរបានក្លាយជាម្ចាស់ជើងឯកពានរង្វាន់សប្បុរសធម៌ CNCC Charity Cup ប្រចាំឆ្នាំ២០១៧ ក្រោយយកឈ្នះក្រុមក្រសួងការពារជាតិ ៣-០ កាលពីថ្ងៃទី១២ ខែកុម្ភៈ នៅពហុកីឡដ្ឋានជាតិ។ ការប្រកួតដើម្បីស្វែងរកថវិការជួយកុមារក្រីក្រនៅអង្គការមូលនិធិកុមារកម្ពុជា (Cambodian Children's Fund) មានអ្នកចូលរួមទស្សនា ៣,២៥០នាក់ ដោយប្រមូលបានថវិកាប្រមាណ ៣១លានរៀល។
ខ្សែប្រយុទ្ធ ឃួន ឡាបូរ៉ាវី បានរកគ្រាប់បាល់នាំមុខ ១-០ ឲ្យក្រុមបឹងកេងអង្គរនៅនាទី១០ ក្រោមការបញ្ជូនបាល់យ៉ាងល្អរបស់ខ្សែបម្រើជនជាតិប្រេស៊ីល Silva Calijuri។ ជាង១០នាទីក្រោយមកខ្សែបម្រើរូបនេះបានបញ្ជូនបាល់យ៉ាងល្អឲ្យ ឃួន ឡាបូរ៉ាវី ដើម្បីសម្រចគ្រាប់នាំមុខ ២-០ សម្រាប់បឹងកេតអង្គរនៅនាទី២២។
ការចាញ់ ២-០ ក្នុងរយៈពេលដ៏ខ្លីនេះ បានធ្វើឲ្យក្រុមក្រសួងការពារជាតិ(ទ័ព) ផ្លាស់ប្តូរកីឡាករពីររូបក្នុងរយៈពេល២នាទីក្នុងនោះប្រធានក្រុម ខែក ខេមរិន្ទ ត្រូវបានប្តូរចូលជំនួសដោយកីឡាករ ច្រឹង ពលរដ្ឋ នៅនាទី២៨ ខណៈកីឡាករ ស ពិសិដ្ឋ ប្តូរចូលជំនួសដោយកីឡាករ Ri Hyok Chol នៅនាទី៣០។
ក្រោយផ្លាស់ប្តូរមិនបានប៉ុន្មានផងខ្សែប្រយុទ្ធជនជាតិជប៉ុន Muramutsu Tomoki បានសម្រចគ្រាប់ទី៣សម្រាប់បឹងកេងអង្គរ ដើម្បីនាំមុខក្រសួងការពារជាតិ ៣-០ នៅនាទី៣៣ មុនខ្សែបម្រើក្រសួងការពារជាតិ អ៊ុព កាម៉ុល ទទួលបានកាតលឿងក្រោយទាត់កីឡាករ ស៊ុន សុវណ្ណរិទ្ធី ឲ្យដួលនៅនាទី៣៨។
ក្រសួងការពារជាតិបានផ្លាស់ប្តូរកីឡាករ៣រូបជាបន្តបន្ទាប់ក្នុងវគ្គទី២ ក្នុងនោះកីឡាករ ស៊ាន ភីសារ ជំនួសដោយកីឡាករ កែ វណ្ណៈ នៅនាទី៦១ រីឯកីឡាករ ឈិន ឈឿន ជំនួសដោយកីឡាករ ជ័យ ជិត្រា នៅនាទី៧២ មុនខ្សែបម្រើ Choe Myong Hoe ប្តូរជំនួសដោយកីឡាករ ទូច រ៉ូម៉ា នៅនាទី៨៦។ ទ័ព បានបាត់បង់សមាជិកម្នាក់ គឺកីឡាករ Jang Song Hyok ក្រោយធ្វើឲ្យកីឡាករ Muramutsu Tomoki របួសនៅនាទីបន្ថែមបង្គ្រប់ក្នុងវគ្គទី២។
ជ័យជម្នះ ៣-០ លើក្រសួងការពារជាតិនេះ បានធ្វើឲ្យក្រុមគ្រងជើងឯកពានរង្វាន់ក្របខណ្ឌលីកកំពូលកម្ពុជាឆ្នាំ២០១៦ បឹងកេតអង្គរ លើកពានសប្បុរសធម៌ប្រចាំឆ្នាំ២០១៧ (CNCC Charity Cup 2017) ដែលបង្កើតដោយគណៈកម្មការប្រកួតបាល់ទាត់ជាតិតែម្តង។
ក្នុងជំនួបសម្បុរសធម៌ដែលធ្វើឡើងនៅពហុកីឡដ្ឋានជាតិកាលពីថ្ងៃទី១២ ខែកុម្ភៈ ម្សិលមិញ ទទួលបានអ្នកចូលរួមទស្សនាចំនួន៣២៥០នាក់ ដោយទទួលបានមូលនិធិសប្បុរសធម៌បានពីការលក់សំបុត្រចំនួន៣១លានរៀល និងប្រាក់ឧបត្ថម្ភពីប្រធានក្លិបបាល់ទាត់បឹងកេតអង្គរចំនួន១ពាន់ដុល្លារ។ ថវិកាសប្បុរសធម៌ទាំងនេះត្រូវបានប្រគល់ជូនអង្គការមូលនិធិកុមារកម្ពុជា (Cambodian Children's Fund) ដោយលោក ឌី វិជ្ជា ប្រធានគណៈកម្មការប្រកួតបាល់ទាត់ជាតិកម្ពុជា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បាល់ទាត់
CNCC Charity Cup 2017
បឹងកេតអង្គរ
ទ័ព
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
10 ម៉ោង
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
6 ថ្ងៃ
អត្ថបទពេញនិយមបន្ថែម