អត្ថបទពាណិជ្ជកម្ម
អាគារទី ៣ របស់ ធនាគារ គូកមីនកម្ពុជា ត្រូវបានបើកសម្ភោធជាផ្លូវការ
× កាលពីថ្ងៃ ទី ១៥ ខែ កុម្ភៈ ឆ្នាំ ២០១៧ ធនាគារ គូកមីនកម្ពុជា បានបើកសម្ភោធនូវសាខាទី ៣ ថ្មី ដែលស្ថិតនៅតាមបណ្តោយមហាវិថីម៉ៅសេទុងដើម្បីបង្កើនភាពងាយស្រួលទៅដល់អតិថិជនរបស់ខ្លួន។
លោក Yoon Jong Kyoo នាយកប្រតិបត្តិ នៃ ធនាគារ គូកមីន បានមានប្រសាសន៍ថា បន្ទាប់ពីបានបើកដំណើការ តាំងពីឆ្នាំ២០០៨មក ធនាគារ KB បាននឹងកំពុងអភិវឌ្ឍន៍ ប្រកបដោយនិរន្តរភាព ដោយមានការគាំទ្រពីប្រជាពលរដ្ឋកម្ពុជាក៏ដូចជារាជរដ្ឋាភិបាលកម្ពុជា។ ធនាគារកំពុងតែពង្រីក អាជីវកម្មជាបន្តបន្ទាប់ ដើម្បីផ្តល់សេវាហិរញ្ញវត្ថុចំពោះឯកជន និង ក្រុមហ៊ុនខ្នាតតូច ដោយផ្តោតសំខាន់លើ Liiv KB Cambodia ដែលជាប្រព័ន្ធឌីជីថលប្រកបដោយភាពស្និតស្នាលសម្រាប់ការរស់នៅប្រចាំថ្ងៃ។ ម្យ៉ាងវិញទៀត ធនាគារ KB ក៏បានចូលរួមនៅក្នុងកិច្ចការសង្គមជាច្រើនដូចជា ការផ្គត់ផ្គង់ដល់និស្សិតក្រីក្រ តាមរយៈមូលនិធិ អាហាររូបករណ៍ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា សេវាព្យាបាលជំងឺតាមរយៈមន្ទីរពេទ្យ Hebron Mission Hospital និង ផ្តល់នូវសេវាហិរញ្ញវត្ថុ សម្រាប់ប្រជាពលរដ្ឋដែលធ្វើការនូវប្រទេសកូរ៉េជាដើម។
លោកស្រី នាវ ច័ន្ទថាណា ទេសាភិបាលរងធនាគារជាតិ នៃកម្ពុជា បានមានប្រសាសន៍ថា ការខិតខំប្រឹងប្រែង និងការវិវឌ្ឍន៍របស់ធនាគា KB ដែលសម្រចបានកន្លងមក ជាពិសេសការបើកអោយដំណើរការសាខាថ្មីនេះ បានបង្ហាញពីសមិទ្ធផលរបស់ធនាគា KB ដើម្បីផ្តល់ភាពងាយស្រួលក្នុងការប្រើប្រាស់សេវាកម្មរបស់ខ្លួន។ លោកស្រីបាន បន្ថែមទៀតថា ជាមួយនឹងកំណើនសេដ្ឋកិច្ចរឹងមាំប្រមាណ៧ភាគរយ ចំពោះវិស័យធនាគារនៅកម្ពុជា បាននិងកំពុងបន្តរីកចម្រើនប្រកបដោយសុវត្ថិភាព និងមានលក្ខណៈប្រកួតប្រជែង ប្រកបដោយបរិយាប័ន្ន។ ជាក់ស្តែងក្នុងឆ្នាំ២០១៦ ប្រាក់បញ្ញើអតិថិជនក្នុងប្រព័ន្ធធនាគារ បានកើនឡើងដល់៦៤ភាគរយនៃផ.ស.ស(GDP)ពោលគឺមានកំណើន១៨ភាគរយ និង២ភាគរយធៀបគ្នានឹងឆ្នាំ២០១៥។
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com