ឧត្តរមានជ័យបន្តឈរកំពូលតារាង ចំណែកព្រះវិហារបន្តមិនស្គាល់ជ័យជម្នះ

កីឡាជាតិ

ជាតិ

ឧត្តរមានជ័យបន្តឈរកំពូលតារាង ចំណែកព្រះវិហារបន្តមិនស្គាល់ជ័យជម្នះ

16, Feb 2017 , 1:42 pm

រូបភាព

ដោយ:

ក្រុមឧត្តរមានជ័យបន្តឈរកំពូលតារាងពូល C ក្រោយលត់ក្រុមកំពង់ធំ ៤-០ ក្នុងវគ្គជម្រុះជើងទី២ដំណាក់កាលទី១នៃពានរង្វាន់សម្តេច ហ៊ុន សែន ប្រចាំឆ្នាំ២០១៧ កាលពីថ្ងៃទី១៥ ខែកុម្ភៈ។ ចំណែកក្រុមព្រះវិហារនៅតែបន្តមិនអាចរកឃើញជ័យជម្នះ ក្រោយចាញ់ក្រុមសៀមរាប ៣-១ ពីម្សិលមិញនៅលើទឹកដីខ្លួន។

ក្រុមម្ចាស់ផ្ទះឧត្តរមានជ័យបានយកឈ្នះក្រុមកំពង់ធំ ៤-០ នៅលើទឹកដីខ្លួន ដើម្បីបន្តឈរកំពូលតារាងពូល C នៃពានរង្វាន់សម្តេច ហ៊ុន សែន ប្រចាំឆ្នាំ២០១៧ ក្នុងវគ្គជម្រុះបឋមសប្តាហ៍ទី៤ ដោយមាន១០ពិន្ទុ។ ចំណែកក្រុមសៀមរាបបានយកឈ្នះម្ចាស់ផ្ទះព្រះវិហារ ៣-១ ដើម្បីបន្តឈរលេខ២ពូល C ដោយមាន៧ពិន្ទុ។

ការបរាជ័យក្រោមថ្វីជើងក្រុមសៀមរាបក្នុងសប្តាហ៍ទី៤នៃវគ្គជម្រុះបឋមជើងទី២ដំណាក់កាលទី១នេះ ធ្វើឲ្យក្រុមឈរបាតតារាងព្រះវិហារ នៅតែបន្តមិនស្គាល់ជ័យជម្នះសម្រាប់៤ប្រកួតរបស់ខ្លួន ពោលគឺបានត្រឹមស្មើ១ប្រកួត និងចាញ់៣ប្រកួតប៉ុណ្ណោះ៕

*លទ្ធផលការប្រកួតពានរង្វាន់សម្តេច ហ៊ុន សែន ប្រចាំថ្ងៃទី១៥ ខែកុម្ភៈ
- ពូល C៖ ឧត្តរមានជ័យ ៤-០ កំពង់ធំ នៅកីឡដ្ឋានខេត្តឧត្តរមានជ័យ
- ពូល C៖ ព្រះវិហារ ១-៣ សៀមរាប នៅកីឡដ្ឋានខេត្តសៀមរាប