ពីនេះ ពីនោះ
ស្រាខ្មែរសម័យចេនឡា មាន៤ប្រភេទ
× ភ្នំពេញ៖ កំណត់ហេតុរបស់ជីវតាក្វាន់ ស្តីពី ប្រពៃណីនៃអ្នកស្រុកចេនឡា បានបញ្ជាក់ថា ស្រាខ្មែរសម័យនោះ មាន៤ប្រភេទ។
ខាងក្រោមនេះ គឺការដកស្រង់ទាំងស្រុងនៃកំណត់ហេតុរបស់ជីវតាក្វាន់អំពីការបិទស្រារបស់អ្នកស្រុកចេនឡា៖
ស្រាស្រុកគេនេះ មានបួនយ៉ាង។ ស្រាលេខ១ ចិនហៅ ស្រាទឹកឃ្មុំ ដែលគេយកជាតិថ្នាំ និងទឹកឃ្មុំលាយជាមួយទឹកហើយផ្សំធ្វើឡើង។ បន្ទាប់មកគេហៅតាមពាក្យអ្នកស្រុកថា ផេងកេស៊ី ដែលគេយកស្លឹកឈើ មកផ្សំ គឺស្លឹកឈើឈ្មោះផេងកេស៊ីនេះឯង ជាឈើមួយប្រភេទ។ បន្ទាប់មកទៀតគេយកអង្ករ ឬបាយដែលសេសសល់ទៅបិទស្រាហៅ ប៉ាវឡេងកាក ព្រោះពាក្យថា ប៉ាវឡេងកាក បានន័យថា អង្ករ។ ក្រោយពីនោះមកទៀត មានស្រាទឹកល្ងៃស្ករ ដែលគេយកជាតិស្ករមកបិទឲ្យកើតទៅជាស្រា។ បើគេចូលទៅស្រុកភូមិតាមមាត់ទន្លេ គេប្រទះឃើញស្រាមួយមុខទៀតធ្វើពីទឹកក្រចាប់ ព្រោះក្រចាប់ដុះនៅមាត់ព្រែក ហើយស្លឹកវាមានរសជាតិស្ករ ដែលគេអាចយកមកធ្វើស្រាបាន។
ប្រភព៖ កំណត់ហេតុរបស់ជីវតាក្វាន់អំពីប្រពៃណីនៃអ្នកស្រុកចេនឡា ដែលបកប្រែពីឯកសារដើមភាសាចិន ដោយ លោក លី ធាមតេង
Tag:
ស្រាខ្មែរ
សម័យចេនឡា
© រក្សាសិទ្ធិដោយ thmeythmey.com