ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
១០ ក្រុមប្រជែងគ្នាក្នុងពានសប្បុរសធម៌ដើម្បីស្វែងរកមូលនិធិជួយកុមារក្រីក្រនៅជនបទ
19, Feb 2017 ,
3:09 pm
រូបភាព
×
ដោយ:
ក្រុមបាល់ទាត់ចំនួន១០មកពីបណ្តាអង្គភាពស្ថានប័នឯកជនផ្សេងៗ បានប្រជែងគ្នាដណ្តើមពានរង្វាន់សប្បុរសធម៌មិនអាជីពមួយ ដើម្បីស្វែងរកមូលនិធិជួយកុមារក្រីក្រកម្ពុជានៅតាមជនបទ។ ការប្រកួតដែលរៀបចំដោយក្រុមយុវជនស្ម័គ្រចិត្តនិស្ស័យក្រោមការផ្តួចផ្តើមរបស់អាកាសចរណ៍ស៊ីវិលកម្ពុជាធ្វើឡើងរៀងរាល់ថ្ងៃសៅរ៍ នៅតារាងបាល់ទាត់សិប្បនិម្មិតអ៊ីមភើរៀល ចាប់ពីថ្ងៃទី១៨ ខែកុម្ភៈ ហើយគ្រោងបញ្ចប់នៅចុងខែឧសភា ខាងមុខ។
ការប្រកួតបាល់ទាត់ដណ្តើមពានរង្វាន់សប្បុរសធម៌អាកាសចរណ៍ស៊ីវិលកម្ពុជាប្រចាំឆ្នាំ២០១៧ មានក្រុមបាល់ទាត់មិនអាជីពមកពីតាមបណ្តាអង្គភាព ស្ថាប័ន និងក្រុមហ៊ុនឯកជនចំនួន១០ចូលរួម ក្នុងនោះក្រុមនីមួយៗត្រូវបង់សិទ្ធចូលរួមចំនួន៣០០ដុល្លារក្នុងមួយក្រុម។
ថវិកាដែលបានមកពីការចុះឈ្មោះចូលរួមទាំងនេះ គឺ៦០ភាគរយត្រូវចំណាយទៅលើការរៀបចំកម្មវិធីប្រកួតទាំងមូល ខណៈ៤០ភាគរយយកទៅប្រើប្រាស់ក្នុងកម្មវិធីមនុស្សធម៌ជួយកុមារក្រីក្រនៅតាមជនបទនាថ្ងៃទី១ មិថុនា ទិវាកុមារអន្តរជាតិ។ ប៉ុន្តែអ្នកតំណាងរៀបចំមិនទាន់បានបញ្ជាក់ពីឈ្មោះខេត្តដែលត្រូវប្រគល់ជូននៅឡើយទេ។
តំណាងរៀបចំការប្រកួតពានរង្វាន់សប្បុរសធម៌ លោក សយ រតនា បានបញ្ជាក់ថា៖«នេះជាលើកទី១ សម្រាប់ការបង្កើតពានរង្វាន់សប្បុរសធម៌ដើម្បីប្រមូលថវិកាជួយកុមារក្រីក្រនៅតាមជនបទនេះ។ ក្រោយចប់ការប្រកួតថវិកាសល់ពីការរៀបចំការប្រកួតទាំងមូលចំនួន៤០ភាគរយដែលបានពីការចុះឈ្មោះ៣០០ដុល្លារក្នុង១ក្រុម និងថវិកាដែលបានមកពីការឧបត្ថម្ភផ្សេងៗនឹងយកទៅបរិច្ចាកជូនកុមារក្រីក្រីនៅតាមជនបទនាថ្ងៃទី១ ខែមិថុនា ដែលជាថ្ងៃទិវាកុមារអន្តរជាតិ»។
លោកបានបន្តទៀតថា អង្គការដែលក្រុមរបស់លោកគ្រោងនឹងបរិច្ចាកថវិកាទាំងនេះ គឺជាអង្គការមនុស្សធម៌ដែលធ្វើការជាមួយកុមារនៅតាមបណា្តខេត្តដែលកំពុងខ្វះខាត តែលោកមិនទាន់ដឹងថា នឹងប្រគល់ជូនអង្គការនៅខេត្តណានៅឡើយទេ។ លោកបញ្ជាក់ថា ប្រហែលជាពាក់កណ្តាលការប្រកួតនឹងដឹងពីអង្គការដែលត្រូវប្រគល់ជូន។
លោកតំណាងរៀបចំពានរង្វាន់ Futsal សប្បុរសធម៌រូបនេះបានអះអាងថា ការប្រកួតនេះនឹងរៀបចំឲ្យមាននៅលើកក្រោយៗទៀត ប្រសិនបើមានការគាំទ្រ និងឧបត្ថម្ភពីស្ថាប័នរដ្ឋ និងឯកជន។ ហើយលោកបញ្ជាក់ថា នឹងរៀបចំឲ្យមានទ្រង់ទ្រាយធំជាងមុន និងបើកសេរីសម្រាប់ក្រុមចូលរួម(ក្រៅពីកីឡាករអាជីព)។
ក្រុមទាំង១០ដែលចូលរួមពានរង្វាន់នេះរួមមាន Airport Cargo, K6 Commercial, Lotus Green Team, CPV Alumni, Team Deal Builder, Airport Selection Vinci Construction, CATS, K6 Operation និង Silk Air។ ក្រោយឆ្លងកាត់ការប្រកួតមួយព្រឹកពេញកាលពីថ្ងៃទី១៨ ខែកុម្ភៈ នៅតារាសិប្បនិម្មិតអ៊ីមភើរៀលទទួលបានលទ្ធផលដូចខាងក្រោម៖
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បាល់ទាត់
សយ រតនា
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
4 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
2 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
4 ថ្ងៃ
អត្ថបទពេញនិយមបន្ថែម