សេដ្ឋកិច្ចអន្តរជាតិ
អន្តរជាតិ
×![]()
ដោយ: ធីតា
បើទោះបីជាមានការប្រកួតប្រជែងទូរសព្ទស្មាតហ្វូនពេញទីផ្សារក៏ដោយ ប៉ុន្តែក្រុមអ្នកគាំទ្រណូគា ប្រហែលជាមិនភ្លេចឡើយ Nokia 3310 ដែលជាប្រភេទទូរសព្ទធុនបំផុត និងពេញនិយមបំផុតនាពេលកន្លងមក។ ក្រុមហ៊ុនហ្វាំងឡង់ HMD Global Oy ដែលជាដៃគូសហការផលិតគ្រឿងបន្លាស់ឲ្យណូគា បានបង្ហើបព័ត៌មានទាក់ទងនឹងការបង្ហាញវត្តមានឡើងវិញរបស់ Nokia 3310 នាសមាជ Mobile World Congress នៅក្នុងទីក្រុងបាសេឡូណា ប្រទេសអេស្ប៉ាញ នាពេលខាងមុខ។
Nokia 3310 នៅតែស្ថិតក្នុងបេះដូងរបស់អ្នកប្រើប្រាស់មួយចំនួន។ យោងតាមការផ្សាយរបស់ The Telegraph ក្រុមហ៊ុនណូគា បានលក់ចេញម៉ូដែលប្រភេទបានជាង១០០លានគ្រឿង។ នាសមាជ GSMA Mobile World Congress ឆ្នាំ២០១៧ ដែលរៀបចំនៅទីក្រុងបាសេឡូណា ពីថ្ងៃទី២៧ ខែកុម្ភៈ ដល់ថ្ងៃទី២ ខែមិនា ក្រុមហ៊ុន HMD ដែលជាដៃគូរបស់ក្រុមហ៊ុនណូគា បានបង្ហាញតម្រុយឲ្យឃើញថា Nokia 3310 នឹងវិលត្រឡប់មកវិញ។
បើទោះបីជាមិនមានការបញ្ជាក់ផ្លូវការយ៉ាងណាក៏ដោយ ប៉ុន្តែបណ្តាញសារព័ត៌មានជំនាញបច្ចេកវិទ្យា បានអះអាងថា Nokia 3310 ប្រចាំឆ្នាំ២០១៧នេះ នឹងដាក់លក់ក្នុងតម្លៃ៥០ផោន (ជាង៦២ដុល្លារអាមេរិក)។
Nokia 3310 ត្រូវបានគេទទួលស្គាល់ថា ជាទូរសព្ទដ៏ធុនបំផុត។ បណ្តាអ្នកប្រើប្រាស់និយមធ្វើការប្រៀបធៀបថា ម៉ូឌែលទូរសព្ទផ្សេង បែកអេក្រង់នៅពេលដែលធ្លាក់លើថ្ម ប៉ុន្តែ Nokia 3310 ធ្លាក់លើថ្ម ធ្វើឲ្យថ្មបែក។ 3310 ដែលគ្មានកាម៉េរ៉ា និងមានពណ៌តែខ្មៅសនោះ អាចធុនថ្មរហូតដល់២សប្តាហ៍ ហើយ Game ដ៏ល្បីល្បាញរបស់វា គឺហ្គេមពស់ II (Snake II)។
ពាក្យចចាមអារ៉ាមមួយចំនួនបានលើកឡើងថា Nokia 3310 អាចមានទម្រង់ដូចម៉ូឌែលចាស់ ប៉ុន្តែនឹងមានការបន្ថែមប្រតិបត្តិការបែបស្មាតហ្វូន តាមប្រព័ន្ធ Android។ ទោះបីជាយ៉ាងណាក៏ដោយ គេរំពឹងថា Nokia 3310 អាចស្ថិតក្នុងទម្រង់ចាស់របស់ខ្លួន ហើយវាអាចក្លាយជាទូរសព្ទទីពីរដ៏ពេញនិយមសម្រាប់អ្នកប្រើប្រាស់ ជាពិសេសអ្នកដែលធុញថប់នឹងការសាកថ្មញឹកញាប់ និងអ្នកដែលមិនចង់ឃើញ Notification អ៊ីនធ័រណិត ឬបណ្តាញសង្គមរំខាន៕
Nokia 3310 នៅតែស្ថិតក្នុងបេះដូងរបស់អ្នកប្រើប្រាស់មួយចំនួន។ យោងតាមការផ្សាយរបស់ The Telegraph ក្រុមហ៊ុនណូគា បានលក់ចេញម៉ូដែលប្រភេទបានជាង១០០លានគ្រឿង។ នាសមាជ GSMA Mobile World Congress ឆ្នាំ២០១៧ ដែលរៀបចំនៅទីក្រុងបាសេឡូណា ពីថ្ងៃទី២៧ ខែកុម្ភៈ ដល់ថ្ងៃទី២ ខែមិនា ក្រុមហ៊ុន HMD ដែលជាដៃគូរបស់ក្រុមហ៊ុនណូគា បានបង្ហាញតម្រុយឲ្យឃើញថា Nokia 3310 នឹងវិលត្រឡប់មកវិញ។
បើទោះបីជាមិនមានការបញ្ជាក់ផ្លូវការយ៉ាងណាក៏ដោយ ប៉ុន្តែបណ្តាញសារព័ត៌មានជំនាញបច្ចេកវិទ្យា បានអះអាងថា Nokia 3310 ប្រចាំឆ្នាំ២០១៧នេះ នឹងដាក់លក់ក្នុងតម្លៃ៥០ផោន (ជាង៦២ដុល្លារអាមេរិក)។
Nokia 3310 ត្រូវបានគេទទួលស្គាល់ថា ជាទូរសព្ទដ៏ធុនបំផុត។ បណ្តាអ្នកប្រើប្រាស់និយមធ្វើការប្រៀបធៀបថា ម៉ូឌែលទូរសព្ទផ្សេង បែកអេក្រង់នៅពេលដែលធ្លាក់លើថ្ម ប៉ុន្តែ Nokia 3310 ធ្លាក់លើថ្ម ធ្វើឲ្យថ្មបែក។ 3310 ដែលគ្មានកាម៉េរ៉ា និងមានពណ៌តែខ្មៅសនោះ អាចធុនថ្មរហូតដល់២សប្តាហ៍ ហើយ Game ដ៏ល្បីល្បាញរបស់វា គឺហ្គេមពស់ II (Snake II)។
ពាក្យចចាមអារ៉ាមមួយចំនួនបានលើកឡើងថា Nokia 3310 អាចមានទម្រង់ដូចម៉ូឌែលចាស់ ប៉ុន្តែនឹងមានការបន្ថែមប្រតិបត្តិការបែបស្មាតហ្វូន តាមប្រព័ន្ធ Android។ ទោះបីជាយ៉ាងណាក៏ដោយ គេរំពឹងថា Nokia 3310 អាចស្ថិតក្នុងទម្រង់ចាស់របស់ខ្លួន ហើយវាអាចក្លាយជាទូរសព្ទទីពីរដ៏ពេញនិយមសម្រាប់អ្នកប្រើប្រាស់ ជាពិសេសអ្នកដែលធុញថប់នឹងការសាកថ្មញឹកញាប់ និងអ្នកដែលមិនចង់ឃើញ Notification អ៊ីនធ័រណិត ឬបណ្តាញសង្គមរំខាន៕
Tag:
បច្ចេកវិទ្យា
Nokia
© រក្សាសិទ្ធិដោយ thmeythmey.com
