អត្ថបទពាណិជ្ជកម្ម
ប្រាក់សន្សំនៅ អេ អឹម ខេ កើនឡើងលើសពីការរំពឹងទុក ក្នុងឆ្នាំ២០១៦ លោក ហួត សុខា ប្រធាននាយកប្រតិបត្តិអាជីវកម្ម (សន្សំ និងបណ្តាញ)
× ភ្នំពេញ៖ វិស័យមីក្រូហិរញ្ញវត្ថុបានដើរតួយ៉ាងសំខាន់ក្នុងការជំរុញសេដ្ឋកិច្ចរបស់ប្រទេសកម្ពុជាឲ្យ ការីកចម្រើនក្នុងរយៈពេលប៉ុន្មានឆ្នាំចុងក្រោយនេះ។ បើយោងតាមទិន្នន័យរបស់គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី បានឲ្យដឹងថា ចំនួនអ្នកប្រើប្រាស់សេវាមីក្រូហិរញ្ញវត្ថុនៅកម្ពុជាមានការកើនឡើងដល់ចំនួនប្រមាណជា ៦លាននាក់ ក្នុងនោះអតិថិជន កម្ចីមានចំនួន២,៥លាននាក់ និងចំនួនអតិថិជនសន្សំមានចំនួន៣,៥លាននាក់ នេះបើគិតត្រឹមខែធ្នូ ឆ្នាំ២០១៦។ មានសេវាពីរធំៗក្នុងចំណោមសេវាជាច្រើនទៀតនៅក្នុងវិស័យមីក្រូហិរញ្ញវត្ថុគឺសេវាប្រាក់កម្ចី និងសន្សំ ដែលប្រជាជនកម្ពុជាបាន និងកំពុងប្រើប្រាស់។ កាលពីមុនគ្រឹះស្ថានមីក្រូហិរញ្ញវត្ថុនៅកម្ពុជា មានសេវាតែប្រាក់កម្ចី និងសេវាផ្សេងៗទៀតតែប៉ុណ្ណោះ មិនមានសេវាប្រាក់សន្សំទេ ទើបតែមកដល់ឆ្នាំ២០១៤ ធនាគារជាតិនៃកម្ពុជាបានផ្តល់អាជ្ញាប័ណ្ណដល់គ្រឹះស្ថានមីក្រូហិរញ្ញវត្ថុ ដើម្បីផ្តល់សេវាប្រាក់សន្សំពីសារណជនបាន។ ជាលទ្ធផលសេវាប្រាក់សន្សំនៅគ្រឹះស្ថានមីក្រូហិរញ្ញវត្ថុនៅកម្ពុជាបានកើនឡើងគួរឲ្យកត់សម្គាល់។
ជាមួយគ្នានេះផងដែរ គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី បានទទួលប្រាក់សន្សំពីអតិថិជនរបស់ខ្លួនមានការកើនឡើងជាលំដាប់។ ក្នុងឆ្នាំ២០១៦នេះ អេ អឹម ខេ ទទួលបានប្រាក់សន្សំរហូតដល់ជាង ៨៦ លានដុល្លារអាមេរិក កើនឡើង ៣៧% ជាមួយអតិថិជនសន្សំជាង ២២ ម៉ឺននាក់ កើនឡើង ៦៥% នេះបើប្រៀបធៀបទៅឆ្នាំ២០១៥។ ការកើនឡើងប្រាក់សន្សំនេះ ដោយសារតែ អេ អឹម ខេ (១) ផ្តល់សេវាប្រាក់សន្សំសម្បូរបែប មានភាពបត់បែន (២) មានបណ្តាញប្រតិបត្តិការធំទូលាយទូទាំងប្រទេស (៣) អត្រាការប្រាក់ខ្ពស់ (៤) បុគ្គលិកផ្តល់សេវាប្រកបដោយវិជ្ជាជីវៈខ្ពស់ ដែលជាកត្តាធ្វើឲ្យអតិថិជនមានទំនុកចិត្ត។
លោក ហួត សុខា ប្រធាននាយកប្រតិបត្តិអាជីវកម្ម (សន្សំ និងបណ្តាញ) អេ អឹម ខេ បានមានប្រសាសន៍ថា “ ការកើនឡើងប្រាក់សន្សំ និងចំនួនអតិថិជននៅ អេ អឹម ខេ ដោយសារតែ អេ អឹម ខេ ផ្តល់ប្រភេទគណនីសន្សំច្រើនប្រភេទ មានទំនុកចិត្តខ្ពស់ ជាមួយនឹងអត្រាការប្រាក់ខ្ពស់ ជាពិសេសអត្រាការ សម្រាប់ប្រាក់រៀល។ លោកបានបន្ថែមទៀតថា អេ អឹម ខេ ក៏មានបណ្តាញប្រតិបត្តិការធំទូលាយទូទាំងប្រទេស ក្នុងនោះមាន ១៥១ ការិយាល័យ ភ្នា្កក់ងារជាង២.៥០០ ម៉ាស៊ីនដក/ដាក់ប្រាក់ដោយស្វ័យប្រវត្តិ (ATM/CDM) ៥៨ និងបុគ្កលិកជាង ២.៣០០នាក់។ ភ្ជាប់ជាមួយគណនីសន្សំ អេ អឹម ខេ ក៏មានផ្តល់អត្ថប្រយោជន៍ជាច្រើនដូចជា៖ ផ្តល់ជូនសេវាធានារ៉ាប់រងគ្រោះថ្នាក់ជាបុគ្គលដោយឥតគិតថ្លៃសម្រាប់គណនីសន្សំកូនឆ្លាត កាតអេធីអឹមរបស់ អេ អឹម ខេ អាចប្រើប្រាស់ជាកាតបញ្ចុះតម្លៃ នៅតាមទីតាំងដែលជាដៃគូពាណិជកម្មជាង១.២០០កន្លែង នៅទូទាំងប្រទេស។” លោកបានឲ្យដឹងទៀតថា “ចំពោះសេវាប្រាក់សន្សំនេះ នៅថ្ងៃអនាគត អេ អឹម ខេ នៅតែបន្តយកចិត្តទុកដាក់ចំពោះតម្រូវការរបស់អតិថិជន ហើយយើងនឹងបន្ថែមផលិផល និងសេវាជាច្រើនដល់អតិថិជនរបស់យើង ដើម្បីបំពេញតម្រូវការរបស់ពួកគាត់។ យើងនឹងបន្តវិនិយោគលើបច្ចេកវិទ្យាថ្មី ដើម្បីផ្តល់ភាពងាយស្រួលដល់អតិថិជនរបស់យើងជានិច្ច។”
អេ អឹម ខេ គឺជាគ្រឹះស្ថានមីក្រូហិរញ្ញវត្ថុ ដែលឈានមុខគេលើវិសាលភាពប្រតិបត្តិការ និងចំនួនអតិថិជនប្រាក់កម្ចី។ គិតត្រឹម ខែធ្នូ ឆ្នាំ២០១៦ នេះ អេ អឹម ខេ មានបុគ្គលិកសរុបជាង ២.៣០០នាក់ អតិថិជនសរុបជាង៥២ម៉ឺននាក់ ជាមួយនឹងផលប័ត្រប្រាក់កម្ចីជាង១៤៨លានដុល្លារអាមេរិក ការិយាល័យប្រតិបត្តិការចំនួន ១៥១ កន្លែងនៅទូទាំងប្រទេស និង មានភ្នាក់ងារជាង២.៥០០កន្លែង។ អេ អឹម ខេ មានផលិតផល និង សេវាកម្មជាច្រើន កំពុងផ្តល់ជូនអតិថិជន ដូចជា៖ សេវាប្រាក់កម្ចី ប្រាក់សន្សំ ផ្ទេរប្រាក់ សេវាទូទាត់វិក្កយបត្រ ធានារ៉ាប់រងខ្នាតតូច ធនាគារចល័ត សេវាបើកប្រាក់បៀវត្សរ៍ ម៉ាស៊ីនដក និងដាក់ប្រាក់ដោយស្វ័យប្រវត្តិ (ATMs/CDMs)។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com