កីឡាជាតិ
ជាតិ
×![]()
ក្រុមជើងឯកលីកកំពូលកម្ពុជាបឹងកេតអង្គរ ជួបប្រកួតជាមួយក្រុមម្ចាស់ផ្ទះម៉ាឡេស៊ី Johor Darul Ta'Zim នាវេលាម៉ោង៧:៤៥នាទីយប់(ម៉ោងនៅកម្ពុជា)ថ្ងៃទី២១ កុម្ភៈ នេះ នៅកីឡដ្ឋាន Tan Sri Dato' Haji Yunos Stadium ដើម្បីប្រជែងដណ្តើម៣ពិន្ទុក្នុងវគ្គចែកពូល F នៃពានរង្វាន់ AFC Cup ប្រចាំឆ្នាំ២០១៧។
ក្រោយទទួលបានកៅអីឡើងទៅលេងនៅវគ្គចែកពូលពានរង្វាន់ AFC Cup ប្រចាំឆ្នាំ២០១៧ ក្រុមជើងឯកលីកកំពូលកម្ពុជាបឹងកេតអង្គរ ដែលស្ថិតនៅក្នុងពូល F ត្រូវជួបប្រកួតបើកឆាកជាមួយម្ចាស់ផ្ទះម៉ាឡេស៊ី Johor Darul Ta'Zim ដែលជាជើងខ្លាំងប្រចាំលីកកំពូលម៉ាឡេស៊ី។ បឹងកេតអង្គរត្រូវធ្វើការធ្ងន់នៅយប់នេះ ព្រោះក្រុមម៉ាឡេស៊ីក៏ធ្លាប់ជាម្ចាស់ជើងឯកពានរង្វាន់ AFC Cup ផងដែរ។
ក្រុម Johor Darul Ta'Zim ជាម្ចាស់ជើងឯកក្របខណ្ឌលីកកំពូលម៉ាឡេស៊ី៣សម័យកាលជាប់ៗគ្នាតាំងពីឆ្នាំ២០១៤ រហូតដល់ឆ្នាំ២០១៦។ ក្រុមនេះជាម្ចាស់ជើងឯកពានរង្វាន់ AFC Cup ប្រចាំឆ្នាំ២០១៥ ក្រោយយកឈ្នះក្រុម Istiklol ១-០ នៅលើទឹកដីរបស់ខ្លួន។ នៅឆ្នាំ២០១៦ ក្រុមម៉ាឡេស៊ីមួយនេះបានឡើងដល់វគ្គពាក់កណ្តាលផ្តាច់ព្រ័ត្រនៃពានរង្វាន់ AFC Cup ប៉ុន្តែចាញ់ក្រុម Bengaluru FC ក្នុងលទ្ធផល ៤-២។
ទោះបីជាយ៉ាងនេះក្តី គ្រូបង្វឹកបឹងកេតអង្គរ លោក John McGlynn បានបញ្ជាក់ថា លោកនិងកូនក្រុមបានត្រៀមខ្លួនរួចរាល់ក្នុងការតទល់ជាមួយម្ចាស់ជើងឯក AFC Cup ប្រចាំឆ្នាំ២០១៥ មួយនេះ។ លោករំពឹងថា បឹងកេតនឹងធ្វើបានល្អក្នុងជំនួបជាប្រវត្តិសាស្ត្រមួយនេះ។
«យើងមានមោទកភាពដែលបានប្រកួតជាមួយអតីតក្រុមជើងឯក AFC Cup ប្រចាំឆ្នាំ២០១៥។ Johor Darul Ta'zim ជាក្រុមមួយដ៏ល្អ និងមានគុណភាពខ្ពស់ ព្រមទាំងមានកម្រិតលេងជាក្រុមអាជីពមួយយ៉ាងពិតប្រាកដ តែយើងបានត្រៀមខ្លួនរួចរាល់ហើយ សម្រាប់ការប្រកួតជាប្រវត្តិសាស្ត្ររបស់យើង។ ហើយកីឡាករគ្រប់រូបក៏ត្រៀមរួចរាល់ដែរ គ្រប់គ្នាខិតខំហ្វឹកហាត់យ៉ាងយកចិត្តទុកដាក់បំផុត ខ្ញុំរំពឹងថាយើងនឹងធ្វើបានល្អនៅថ្ងៃនេះ»។ នេះជាសំដីរបស់លោក John McGlynn។
ការប្រកួតនេះនឹងប្រព្រឹត្តទៅនាវេលាម៉ោង៧:៤៥នាទីយប់(ម៉ោងនៅកម្ពុជា)ថ្ងៃទី២១ ខែកុម្ភៈ នេះ នៅកីឡដ្ឋាន Tan Sri Dato' Haji Yunos Stadium ក្នុងទីក្រុង Johor Baru ប្រទេសម៉ាឡេស៊ី៕
ក្រោយទទួលបានកៅអីឡើងទៅលេងនៅវគ្គចែកពូលពានរង្វាន់ AFC Cup ប្រចាំឆ្នាំ២០១៧ ក្រុមជើងឯកលីកកំពូលកម្ពុជាបឹងកេតអង្គរ ដែលស្ថិតនៅក្នុងពូល F ត្រូវជួបប្រកួតបើកឆាកជាមួយម្ចាស់ផ្ទះម៉ាឡេស៊ី Johor Darul Ta'Zim ដែលជាជើងខ្លាំងប្រចាំលីកកំពូលម៉ាឡេស៊ី។ បឹងកេតអង្គរត្រូវធ្វើការធ្ងន់នៅយប់នេះ ព្រោះក្រុមម៉ាឡេស៊ីក៏ធ្លាប់ជាម្ចាស់ជើងឯកពានរង្វាន់ AFC Cup ផងដែរ។
ក្រុម Johor Darul Ta'Zim ជាម្ចាស់ជើងឯកក្របខណ្ឌលីកកំពូលម៉ាឡេស៊ី៣សម័យកាលជាប់ៗគ្នាតាំងពីឆ្នាំ២០១៤ រហូតដល់ឆ្នាំ២០១៦។ ក្រុមនេះជាម្ចាស់ជើងឯកពានរង្វាន់ AFC Cup ប្រចាំឆ្នាំ២០១៥ ក្រោយយកឈ្នះក្រុម Istiklol ១-០ នៅលើទឹកដីរបស់ខ្លួន។ នៅឆ្នាំ២០១៦ ក្រុមម៉ាឡេស៊ីមួយនេះបានឡើងដល់វគ្គពាក់កណ្តាលផ្តាច់ព្រ័ត្រនៃពានរង្វាន់ AFC Cup ប៉ុន្តែចាញ់ក្រុម Bengaluru FC ក្នុងលទ្ធផល ៤-២។
ទោះបីជាយ៉ាងនេះក្តី គ្រូបង្វឹកបឹងកេតអង្គរ លោក John McGlynn បានបញ្ជាក់ថា លោកនិងកូនក្រុមបានត្រៀមខ្លួនរួចរាល់ក្នុងការតទល់ជាមួយម្ចាស់ជើងឯក AFC Cup ប្រចាំឆ្នាំ២០១៥ មួយនេះ។ លោករំពឹងថា បឹងកេតនឹងធ្វើបានល្អក្នុងជំនួបជាប្រវត្តិសាស្ត្រមួយនេះ។
«យើងមានមោទកភាពដែលបានប្រកួតជាមួយអតីតក្រុមជើងឯក AFC Cup ប្រចាំឆ្នាំ២០១៥។ Johor Darul Ta'zim ជាក្រុមមួយដ៏ល្អ និងមានគុណភាពខ្ពស់ ព្រមទាំងមានកម្រិតលេងជាក្រុមអាជីពមួយយ៉ាងពិតប្រាកដ តែយើងបានត្រៀមខ្លួនរួចរាល់ហើយ សម្រាប់ការប្រកួតជាប្រវត្តិសាស្ត្ររបស់យើង។ ហើយកីឡាករគ្រប់រូបក៏ត្រៀមរួចរាល់ដែរ គ្រប់គ្នាខិតខំហ្វឹកហាត់យ៉ាងយកចិត្តទុកដាក់បំផុត ខ្ញុំរំពឹងថាយើងនឹងធ្វើបានល្អនៅថ្ងៃនេះ»។ នេះជាសំដីរបស់លោក John McGlynn។
ការប្រកួតនេះនឹងប្រព្រឹត្តទៅនាវេលាម៉ោង៧:៤៥នាទីយប់(ម៉ោងនៅកម្ពុជា)ថ្ងៃទី២១ ខែកុម្ភៈ នេះ នៅកីឡដ្ឋាន Tan Sri Dato' Haji Yunos Stadium ក្នុងទីក្រុង Johor Baru ប្រទេសម៉ាឡេស៊ី៕
Tag:
បាល់ទាត់
AFC Cup 2017
បឹងកេតអង្គរ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
