ក្រុមវិសាខាគ្រងជើងឯកក្របខណ្ឌលីកប្រចាំឆ្នាំ២០១៧ជាមួយប្រាក់លើកទឹកចិត្ត៥ពាន់ដុល្លារ

កីឡាជាតិ

ជាតិ

ក្រុមវិសាខាគ្រងជើងឯកក្របខណ្ឌលីកប្រចាំឆ្នាំ២០១៧ជាមួយប្រាក់លើកទឹកចិត្ត៥ពាន់ដុល្លារ

21, Feb 2017 , 9:39 am

រូបភាព

ដោយ:

ក្រុមបាល់ទះវិសាខា បានគ្រងតំណែងជើងឯកពានរង្វាន់បាល់ទះក្រមខណ្ឌលីកឆ្នាំ២០១៧ ក្រោយយកឈ្នះក្រុមកងពលធំអន្តរាគមន៍លេខ៣ខេត្តព្រះវិហារ ក្នុងវគ្គផ្តាច់ព្រ័ត្រនៅវិមានពហុកីឡដ្ឋានជាតិ កាលពីថ្ងៃទី១៨ កុម្ភៈ កន្លងទៅ។ ចំណែកក្រុមក្រសួងមហាផ្ទៃ គ្រងចំណាត់ថ្នាក់លេខ៣ ក្រោយយកឈ្នះក្រុមសាលាខេត្តកំពង់ចាម។

ក្រុមបាល់ទះវិសាខាដែលជាម្ចាស់ជើងឯកពានរង្វាន់ប្រចាំព្រឹត្តិការណ៍កីឡាជាតិលើកទី១ឆ្នាំ២០១៦ នៅតែបន្តបង្ហាញភាពខ្លាំងរបស់ខ្លួនតាមរយៈការគ្រងតំណែងជើងឯកពានរង្វាន់បាល់ទះក្របខណ្ឌលីកប្រចាំឆ្នាំ២០១៧។ ក្រោយក្រុមនេះយកឈ្នះក្រុមកងពលធំអន្តរាគមន៍លេខ៣ខេត្តព្រះវិហារ ក្នុងវគ្គផ្តាច់ព្រ័ត្រ កាលពីល្ងាចថ្ងៃទី១៨ ខែកុម្ភៈ នៅវិមានពហុកីឡដ្ឋានជាតិ។

ការបរាជ័យរបស់ក្រុមកងពលធំអន្តរាគមន៍លេខ៣ខេត្តព្រះវិហារ ក្រោមស្នាដៃរបស់ក្រុមវិសាខា វាជាប្រវត្តិសាស្ត្រច្រំដែល ព្រោះក្រុមទាំងពីរធ្លាប់ជួបគ្នាម្តងរួចមកហើយក្នុងវគ្គផ្តាច់ព្រ័ត្រពានរង្វាន់កីឡាជាតិលើកទី១ប្រចាំឆ្នាំ២០១៦។ ពេលនោះក្រុមវិសាខាជាម្ចាស់ជើងឯក ចំណែកកងពលធំអន្តរាគមន៍លេខ៣ជាម្ចាស់ជើងឯករង។

ជ័យជម្នះក្នុងវគ្គផ្តាច់ព្រ័ត្របានធ្វើឲ្យក្រុមវិសាខាទទួលបានពានរជើងឯកមួយ និងប្រាក់រង្វាន់លើកទឹកចិត្តចំនួន៥ពាន់ដុល្លារ ខណៈក្រុមលេខ២កងពលធំអន្តរាគមន៍លេខ៣ខេត្តព្រះវិហារទទួលបានប្រាក់រង្វាន់លើកទឹកចិត្ត៣ពាន់ដុល្លារ។ ចំណែកក្រុមក្រសួងមហាផ្ទៃក្រោយឈ្នះក្រុមសាលាខេត្តកំពង់ចាមក្នុងវគ្គដណ្តើមចំណាត់ថ្នាក់លេខ៣ទទួលបានប្រាក់រង្វាន់លើកទឹកចិត្ត២ពាន់ដុល្លារ ខណសាលាខេត្តកំពង់ចាម១ពាន់ដុល្លារ៕