អន្តរជាតិ
×![]()
ដោយ: ថ្មីៗ
អគ្គរដ្ឋទូតរុស្ស៊ីប្រចាំអង្គការសហប្រជាជាតិ Vitaly Churkin បានស្លាប់ភ្លាមៗនៅទីក្រុង New York នៅថ្ងៃទី២០ ខែកុម្ភៈ គឺតែមួយថ្ងៃប៉ុណ្ណោះមុនលោកឈានចូលវ័យ៦៥ឆ្នាំ។ ក្រសួងការបរទេសរុស្ស៊ី បានផ្សាយដំណឹងមរណភាពនេះ ប៉ុន្តែមិនបានបញ្ជាក់លម្អិតពីមូលហេតុនៃការស្លាប់ឡើយ ដោយគ្រាន់តែបានផ្ញើសាររំលែកជូនក្រុមគ្រួសារសពលោក Vitaly Churkin ប៉ុណ្ណោះ។
ក្រសួងការបរទេសរុស្ស៊ី និយាយថា ប្រេសិតរុស្ស៊ីប្រចាំអង្គការសហប្រជាជាតិ Vitaly Churkin ដែលតែងតែទាស់សម្ដីជាមួយអគ្គរដ្ឋទូតអាមេរិក បានទទួលមរណភាពដោយសារជំងឺពេលធ្វើការនៅ New York ។ សារព័ត៌មានរដ្ឋរុស្ស៊ី ផ្សាយថា ប្រធានាធិបតីរុស្ស៊ី វ្ល៉ាឌីមៀ ពូទីន សោកស្ដាយយ៉ាងខ្លាំងចំពោះការស្លាប់របស់លោក Vitaly Churkin ដែលជាអ្នកអនុវត្តនយោបាយការបរទេសដ៏ជំនាញ និងបានការពាររុស្ស៊ីរហូតមក។
ភ្លាមៗបន្ទាប់ពីដំណឹងមរណភាពនេះត្រូវបានផ្សព្វផ្សាយ ស្ថាប័ននានារបស់អង្គការសហប្រជាជាតិ បានបង្ហាញការសោកស្ដាយខ្លាំង។ នៅឯកិច្ចប្រជុំវិសាមញ្ញមហាសន្និបាត សមាជិកទាំងអស់បានស្មឹងស្មាធមួយនាទីដើម្បីបង្ហាញការគោរពចំពោះលោក Churkin ។ ប្រធានមហាសន្និបាត Peter Thomson បានលើកសរសើរសេចក្ដីអង់អាចរបស់លោក Churkin ហើយក្នុងនាមមហាសន្និបាត លោកក៏រំលែកទុក្ខជាមួយគ្រួសារ និងរដ្ឋាភិបាលរុស្ស៊ីដែរ។
ចំណែកនៅក្រុមប្រឹក្សាសន្តិសុខ ជាទីដែលលោក Churkin តែងខ្វែងគំនិតគ្នាជាមួយតំណាងអាមេរិក សមភាគីលោក Churkin ក៏បានចេញមករំលែកទុក្ខដូចគ្នា។ ទីភ្នាក់ងារព័ត៌មាន Reuters ផ្សាយថា អតីតអគ្គរដ្ឋទូតអាមេរិកប្រចាំងអង្គការសហប្រជាជាតិ Samantha Power ដែលតែងទាស់សម្ដីជាមួយលោក Churkin លើសំណុំរឿងស៊ីរី បានហៅលោកជាអ្នកការទូតដ៏ជំនាញ និងធ្វើអ្វីគ្រប់យ៉ាងដើម្បីទំនាក់ទំនងអាមេរិក និងរុស្ស៊ី។
គេប្រហែលចាំមិនភ្លេចឡើយកិច្ចប្រជុំក្រុមប្រឹក្សាសន្តិសុខថ្ងៃទី១២ ខែធ្នូ ឆ្នាំ២០១៦ ស្ដីពីអំពើហិង្សានៅ Aleppo ដែលលោក Churkin និងលោកស្រី Power និយាយវាយប្រហារគ្នាខ្លាំងៗ។ ពេលនោះ លោកស្រី Power ចោទរុស្សី របបលោកអាសាដ និងអ៊ីរ៉ង់ថា ត្រូវទទួលខុសត្រូវលើបញ្ហាទាំងអស់ដែលកើតឡើងនៅ Aleppo ។ ប៉ុន្តែលោក Churkin បែរជាព្រលយពាក្យឥតសំចៃហៅការអធិប្បាយរបស់លោកស្រី Power ជារឿងចម្លែក និងនិយាយដូចជាខ្លួនជាមនុស្សល្អ។ លោកបានប្រាប់លោកស្រី Power ឲ្យចងចាំពីកំណត់ត្រារបស់អាមេរិកដែលចូលចិត្តឈ្លានពានអ្នកដទៃ។
អគ្គរដ្ឋទូតអាមេរិកប្រចាំ UN លោកស្រី Nikki Haley និយាយក្នុងសេចក្ដីថ្លែងការណ៍ថា ក្រោយមរណភាពរបស់លោក Churkin គេមិនអាចឃើញអ្វីដែលមានពីមុននៅក្រុមប្រឹក្សាសន្តិសុខឡើយ។ លោកស្រីបានសរសើរប្រេសិតរុស្ស៊ីរូបនេះ ជាសហសេវិកដ៏រួសរាយ បើទោះជាលោកស្រីទើបចូលបំពេញការងាររយៈពេលខ្លីក៏ដោយ៕
ក្រសួងការបរទេសរុស្ស៊ី និយាយថា ប្រេសិតរុស្ស៊ីប្រចាំអង្គការសហប្រជាជាតិ Vitaly Churkin ដែលតែងតែទាស់សម្ដីជាមួយអគ្គរដ្ឋទូតអាមេរិក បានទទួលមរណភាពដោយសារជំងឺពេលធ្វើការនៅ New York ។ សារព័ត៌មានរដ្ឋរុស្ស៊ី ផ្សាយថា ប្រធានាធិបតីរុស្ស៊ី វ្ល៉ាឌីមៀ ពូទីន សោកស្ដាយយ៉ាងខ្លាំងចំពោះការស្លាប់របស់លោក Vitaly Churkin ដែលជាអ្នកអនុវត្តនយោបាយការបរទេសដ៏ជំនាញ និងបានការពាររុស្ស៊ីរហូតមក។
ភ្លាមៗបន្ទាប់ពីដំណឹងមរណភាពនេះត្រូវបានផ្សព្វផ្សាយ ស្ថាប័ននានារបស់អង្គការសហប្រជាជាតិ បានបង្ហាញការសោកស្ដាយខ្លាំង។ នៅឯកិច្ចប្រជុំវិសាមញ្ញមហាសន្និបាត សមាជិកទាំងអស់បានស្មឹងស្មាធមួយនាទីដើម្បីបង្ហាញការគោរពចំពោះលោក Churkin ។ ប្រធានមហាសន្និបាត Peter Thomson បានលើកសរសើរសេចក្ដីអង់អាចរបស់លោក Churkin ហើយក្នុងនាមមហាសន្និបាត លោកក៏រំលែកទុក្ខជាមួយគ្រួសារ និងរដ្ឋាភិបាលរុស្ស៊ីដែរ។
ចំណែកនៅក្រុមប្រឹក្សាសន្តិសុខ ជាទីដែលលោក Churkin តែងខ្វែងគំនិតគ្នាជាមួយតំណាងអាមេរិក សមភាគីលោក Churkin ក៏បានចេញមករំលែកទុក្ខដូចគ្នា។ ទីភ្នាក់ងារព័ត៌មាន Reuters ផ្សាយថា អតីតអគ្គរដ្ឋទូតអាមេរិកប្រចាំងអង្គការសហប្រជាជាតិ Samantha Power ដែលតែងទាស់សម្ដីជាមួយលោក Churkin លើសំណុំរឿងស៊ីរី បានហៅលោកជាអ្នកការទូតដ៏ជំនាញ និងធ្វើអ្វីគ្រប់យ៉ាងដើម្បីទំនាក់ទំនងអាមេរិក និងរុស្ស៊ី។
គេប្រហែលចាំមិនភ្លេចឡើយកិច្ចប្រជុំក្រុមប្រឹក្សាសន្តិសុខថ្ងៃទី១២ ខែធ្នូ ឆ្នាំ២០១៦ ស្ដីពីអំពើហិង្សានៅ Aleppo ដែលលោក Churkin និងលោកស្រី Power និយាយវាយប្រហារគ្នាខ្លាំងៗ។ ពេលនោះ លោកស្រី Power ចោទរុស្សី របបលោកអាសាដ និងអ៊ីរ៉ង់ថា ត្រូវទទួលខុសត្រូវលើបញ្ហាទាំងអស់ដែលកើតឡើងនៅ Aleppo ។ ប៉ុន្តែលោក Churkin បែរជាព្រលយពាក្យឥតសំចៃហៅការអធិប្បាយរបស់លោកស្រី Power ជារឿងចម្លែក និងនិយាយដូចជាខ្លួនជាមនុស្សល្អ។ លោកបានប្រាប់លោកស្រី Power ឲ្យចងចាំពីកំណត់ត្រារបស់អាមេរិកដែលចូលចិត្តឈ្លានពានអ្នកដទៃ។
អគ្គរដ្ឋទូតអាមេរិកប្រចាំ UN លោកស្រី Nikki Haley និយាយក្នុងសេចក្ដីថ្លែងការណ៍ថា ក្រោយមរណភាពរបស់លោក Churkin គេមិនអាចឃើញអ្វីដែលមានពីមុននៅក្រុមប្រឹក្សាសន្តិសុខឡើយ។ លោកស្រីបានសរសើរប្រេសិតរុស្ស៊ីរូបនេះ ជាសហសេវិកដ៏រួសរាយ បើទោះជាលោកស្រីទើបចូលបំពេញការងាររយៈពេលខ្លីក៏ដោយ៕
Tag:
រុស្ស៊ី
UN
Vitaly Churkin
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
