អត្ថបទពាណិជ្ជកម្ម
ចម្រៀងនៃមហោស្រពភាសា និងវប្បធម៌អន្តរជាតិ
× សូមគិតស្រមើរស្រមៃថា មានប្រជុំកោះចំនួន៦០០០ ដែលនៅផ្តុំគ្នា ហើយក្រៅ ពីនោះ គឺគ្មានអ្វីទាំងអស់ មើលទៅ គឺមានតែលំហអាកាសដ៏ស្ងៀមស្ងាត់ ហើយកោះ នីមួយៗ មានភាពទាក់ទាញផ្សេងៗគ្នា ដែលពោរពេញទៅដោយពណ៌ចម្រុះ និងមាន ទេសភាព យ៉ាងស្រស់ត្រកាល។ ក៏ដូចគ្នានេះដែរ សូមអ្នកគិតអំពីសម្លៀកបំពាក់ ដែល មានលក្ខណៈខុសៗគ្នាជាច្រើន មើលទៅធ្វើឱ្យអ្នកវង្វេងនឹងសម្រស់ស្នាដៃ ដែល មិនអាចប្រៀបផ្ទឹមបាន ជាមួយនឹងការកាត់ដេរ ការដេរប៉ាក់ ការរៀបចំដ៏ផ្ចិតផ្ចង់ ប្រកប ដោយការយកចិត្តទុកដាក់។ ក្នុងពេលដែលអ្នកកំពុងតែលង់ ជាមួយនឹងទស្សនីយភាព ដ៏បំព្រងទាំងនេះ ក្លិនដ៏គួរឱ្យឈ្ងុយឆ្ងាញ់ នៃមីដែលទើបតែស្រុះហើយភ្លាមៗ បាន សាយមកជាមួយនឹងរសជាតិដ៏ពិតប្រាកដ និងមានលក្ខណៈខុសពីស្តង់ ខាងប្រទេស កម្ពុជា។
នេះគឺជាឱកាសមួយសម្រាប់អ្នកទាំងអស់គ្នាស្រង់យកបទពិសោធន៍ ហើយអ្វី ដែលខ្ញុំបានបរិយាយមកនេះ គឺមិនចាំបាច់ចាកចេញពីព្រះរាជាណាចក្រអច្ឆរិយៈនេះ ទេ។ នាថ្ងៃទី២៥ ខែកុម្ភៈ ខាងមុខនេះ អ្នកទាំងអស់គ្នាអាចមកដកយកបទពិសោធន៍ នៃមហោស្រពភាសា និងវប្បធម៌អន្តរជាតិនៅកម្ពុជា លើកទី៣ ដែលបានរៀបចំដោយ អង្គការភាសា និងវប្បធម៌អន្តរជាតិកម្ពុជា (ILCO) ដោយមានកិច្ចសហការជាមួយនឹង សាលាអន្តរជាតិហ្សាម៉ាន់ និងវិទ្យាស្ថានសន្ទនាមេគង្គ។
កន្លែងដែលខ្ញុំទើបតែបានបរិយាយនេះ គឺជាស្តង់ដែលតំណាងឱ្យប្រទេស ឥណ្ឌូនេស៊ី។ អ្នកអាចរំពឹងទុកជាមុនថានឹងបានរកឃើញនូវភាពអស្ចារ្យដទៃទៀត នៅ
ពេលដែលអ្នកបានទៅទស្សនាស្តង់ចំនួន ៤៤ផ្សេងទៀត ក្នុងចំណោមប្រទេសទាំង អស់ សរុបចំនួន ៤៥ប្រទេស។
ស្តង់នីមួយៗទាក់ទាញចំណាប់អារម្មណ៍របស់អ្នកទស្សនា ទៅលើភាពខុសប្លែក គ្នា ព្រមទាំងមានព័ត៌មានច្បាស់លាស់ និងមានរចនាពណ៌ចម្រុះ មានល្បែងកំសាន្ត ប្រកបដោយភាពច្នៃប្រឌិត និងម្ហូបអាហារ ដែលនឹងមានផ្តល់ជូនដោយឥតគិតថ្លៃ និងសម្រាប់លក់ជាច្រើនទៀត។ កម្មវិធីនេះនឹងប្រព្រឹត្តទៅ នៅអាគារA រួមជាមួយនឹង ភាពគួរឱ្យភ្ញាក់ផ្អើលផ្សេងៗទៀត នៅអាគារB នៃសាលមហោស្រពកោះពេជ្រ។ នៅក្នុងនោះមានទាំង របាំបុរាណ របាំប្រពៃណី និងរបាំប្រជាប្រិយ រួមទាំងចម្រៀង និងតន្ត្រីសព្វបែបយ៉ាង ដែលនឹងចូលមកធ្វើឱ្យអ្នកសប្បាយរីករាយពេញមួយថ្ងៃ។ នេះគឺជាបទពិសោធន៍មួយ ដែលអ្នកមិនអាចរំលង និងបំភ្លេចមិនបានក្នុងរយៈពេល ដ៏យូរអង្វែង។ អ្នកក៏ប្រហែលជាអាចរកឃើញនូវអ្វី ដែលអ្នកមិនទាន់បានស្គាល់ នៅពេលអ្នកទៅទស្សនាប្រទេសទាំងនោះ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com