ពីនេះ ពីនោះ
ព័ត៍មានសុខភាព
ទម្លាប់ ៧យ៉ាង ដែលធ្វើឲ្យអ្នកស្ត្រេសកាន់តែខ្លាំង
× ការរស់នៅជាមនុស្ស វាពិតជាមិនអាចចៀសផុតឡើយនូវជីវិតដែលមានភាពតានតឹង ដូច្នេះមនុស្សជាច្រើនតែងតែប្រើមធ្យោបាយគ្រប់យ៉ាងដើម្បីបន្លប់ភាពតានតឹងនេះ។ ទោះបីជាយ៉ាងណាក៏ដោយ មានទម្លាប់អាក្រក់មួយចំនួនដែលអាចធ្វើឲ្យអ្នកស្ត្រេសកាន់តែខ្លាំងថែមទៀតដោយមិនដឹងខ្លួន។
ញ៉ាំកាហ្វេ
សម្រាប់មនុស្សភាគច្រើន ការញ៉ាំកាហ្វេអាចជួយពួកគេរំងាប់អារម្មណ៍បាន ប៉ុន្តែពេលខ្លះវាក៏អាចបណ្តាលឲ្យស្ត្រេសកាន់តែខ្លាំងបានដែរ ដោយសារតែផលរំខានរបស់ជាតិកាហ្វេអ៊ីន ដែលនាំឲ្យឈឺក្បាល ថប់អារម្មណ៍ ឡើងសម្ពាធឈាម និងញ័រដើមទ្រូង។ កាហ្វេតែមួយមុខមិនមែនធ្វើឲ្យស្ត្រេសកាន់តែខ្លាំងទេ តែមានអ្វីច្រើនផ្សេងទៀតជាមួយនឹងជាតិកាហ្វេអ៊ីនឯណោះ។ ភាគច្រើន គ្រាន់តែញ៉ាំទឹកត្រជាក់មួយកែវក៏វាគ្រប់គ្រាន់នឹងធ្វើឲ្យមានកម្លាំង និងផ្លូវចិត្តល្អឡើងវិញដែរ។
ញ៉ាំអាហារមិនផ្តល់សុខភាព
មានមនុស្សជាច្រើនតែងជ្រើសរើសការញ៉ាំរបស់ផ្អែមៗនៅពេលពួកគេចង់រំងាប់អារម្មណ៍តានតឹង។ ជាអកុសល្យ ការធ្វើបែបនេះគ្រាន់តែធ្វើឲ្យជាតិស្ករក្នុងឈាមកើនឡើងតែប៉ុណ្ណោះ។ ដល់ពេលជាតិស្ករថយចុះវិញ អ្នកនឹងមានអារម្មណ៍ស្ត្រេសកាន់តែខ្លាំង។
មិនញ៉ាំអាហារ
ការដែលចេះតែតមអាហារ គ្រាន់តែជាទម្លាប់អាក្រក់មួយប្រភេទដែលនាំឲ្យអារម្មណ៍ចេះតែចង់ញ៉ាំអាហារមិនផ្តល់សុខភាពទៅវិញទេ។ កាលណាដែលក្រពេះកូដោយសារតែគ្មានអាហារ វាជាសញ្ញាច្បាស់លាស់មួយដែលបញ្ជាក់ថា ប្រព័ន្ធជាច្រើនក្នុងខ្លួនកំពុងតែខ្វះជីវជាតិចិញ្ចឹម ដូច្នេះវាពិតជាងាយនឹងបង្កបញ្ហាក្នុងខ្លួនណាស់។
លេងក្នុងបណ្តាញសង្គម
ការសិក្សាជាច្រើនបានឲ្យដឹងថា ការចំណាយពេលវេលា២៤ម៉ោងក្នុងមួយថ្ងៃ និងរាល់ថ្ងៃ លើការលេងក្នុងបណ្តាញសង្គម អាចធ្វើឲ្យអ្នកមានការថប់អារម្មណ៍កាន់តែច្រើន និងស្ត្រេសកាន់តែខ្លាំង។ ការផូសរូបភាព ឬ Status គ្រប់ពេល អាចនឹងធ្វើឲ្យអ្នកសាំចិត្តកាន់តែខ្លាំង ជាពិសេសកាលណាដែលរូបភាព ឬ Status ទាំងនេះមិនមានការចូលចិត្តច្រើន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com