ជាតិ
សេដ្ឋកិច្ច
សម្តេច ហ៊ុន សែន ឲ្យបណ្តាញព័ត៌មានបំផុសការផ្សព្វផ្សាយថា «មីក្រូហិរញ្ញវត្ថុមិនមែនជារបស់រដ្ឋ»
× សម្តេចនាយករដ្ឋមន្ត្រី ហ៊ុន សែន នាពិធីប្រគល់សញ្ញាបត្រដល់និស្សិតសាកលវិទ្យាល័យភ្នំពេញ អន្តរ ជាតិ (PPIU) នៅព្រឹកថ្ងៃពុធ ទី២២ ខែកុម្ភៈ នេះ បានបន្តអំពាវនាវដល់គ្រប់បណ្តាញព័ត៌មាន និងប្រព័ន្ធបច្ចេកវិទ្យាទាំងអស់ផ្សព្វផ្សាយថា «គ្រឹះស្ថានមីក្រូហិរញ្ញវត្ថុទាំងអស់ជារបស់ឯកជន គឺមិនមែនជារបស់រដ្ឋទេ»។ បើតាមប្រមុខរដ្ឋាភិបាល នេះជាយុទ្ធនាការពេញមួយឆ្នាំ ក្នុងគោលបំណងជួយដល់ប្រជាពលរដ្ឋកុំឲ្យលង់ក្នុងបំណុលដោយច្រលំថា ខ្លួនបានខ្ចីពីរដ្ឋ។
សម្តេច ហ៊ុន សែន បានស្នើឲ្យទូរទស្សន៍ ក៏ដូចជាបណ្តាញអនឡាញ ដាក់អក្សររត់ «គ្រឹះស្ថានមីក្រូហិរញ្ញវត្ថុទាំងអស់ជារបស់ឯកជន គឺមិនមែនជារបស់រដ្ឋទេ» រីឯបណ្តាញទូរសព្ទអាចដាក់ជាសំឡេង នៅពេលដែលមានការហៅចូល ជាដើម៕
© រក្សាសិទ្ធិដោយ thmeythmey.com