ជាតិ
យុវជន គង់ រ៉ៃយ៉ា ត្រូវបានដោះលែងឲ្យមានសេរីភាពវិញហើយ នៅព្រឹកនេះ យុវជន គង់ រៃយ៉ាឈរនៅកណ្តាលពាក់អាវព៌ណទឹកក្រូចបង់កក្រមា
× ភ្នំពេញ៖ នៅព្រឹកថ្ងៃទី ២២ កុម្ភៈនេះ យុវជន គង់ រ៉ៃយ៉ា ត្រូវបានដោះលែងឲ្យមានសេរីភាពវិញហើយ ក្រោយពីរូបគេ បានអនុវត្តទោសតាមអំណាចសាលក្រម អស់រយៈពេល១៨ ខែ។
យុវជន គង់ រៃយ៉ា ត្រូវបានតុលាការ កាត់ទោសឲ្យជាប់ពន្ធាគារ កាលពីចុងខែសីហា ឆ្នាំ២០១៥ ក្រោមបទចោទ «ញុះញង់ឲ្យប្រព្រឹត្តបទឧក្រិដ្ឋជាអាទិ៍»។ កាលនោះ យុវជនរូបនេះ បានបង្ហាញបំណងក្នុងការធ្វើបដិវត្តពណ៌ តាមរយៈសំណេរ លើគណនីហ្វេសប៊ុករបស់ខ្លួន ដែលមានឈ្មោះថា «Soriya Koko»។ សំណេររបស់យុវជន គង់ រៃយ៉ា បានក្លាយជាអង្គហេតុ ដែលនាំឲ្យតុលាការ ចាត់ទុថា ជាធាតុផ្សំនៃបទល្មើស។
ក្រុមសង្គមស៊ីវិល ធ្លាប់រិះគន់ តុលាការ ដែលកាត់ទោសយុវជន គង់ រៃយ៉ា ឲ្យជាប់ពន្ធនាគារ។ ពួកគេ យល់ថា សាររបស់យុវជន គង់ រៃយ៉ា គ្រាន់តែជាការបញ្ចេញមតិ នៅក្នុងសង្គមប្រជាធិបតេយ្យប៉ុណ្ណោះ។ ចំណែកលោក សំ សុគង់ ក្នុងនាមជាមេធាវី បានស្នើឲ្យតុលាការ ដោះលែងកូនក្តីរបស់ខ្លួន ជាច្រើនលើកច្រើនសារដែរ។ ប៉ុន្តែត្រូវបានតុលាការជាន់ទាប រហូតដល់តុលាការជាន់ខ្ពស់ សុទ្ធតែបដិសេធសំណើមេធាវីការពារក្តីយុវជន គង់ រ៉ៃយ៉ា ៕
Tag:
គង់ រ៉ៃយ៉ា
បដិវត្តពណ៌
© រក្សាសិទ្ធិដោយ thmeythmey.com