កីឡាជាតិ
ជាតិ
Hun Sen Cup៖ កណ្តាល ស្វាគមន៍ជើងខ្លាំង ព្រៃវែង រីឯប៉ៃលិន ប៉ះ កំពង់ឆ្នាំង
× ការប្រកួតបាល់ទាត់ដណ្តើមពានរង្វាន់សម្តេច ហ៊ុន សែន ប្រចាំឆ្នាំ២០១៧ បានឈានដល់សប្តាហ៍ទី៥ ដោយនៅរសៀលនេះមានការប្រកួតចំនួន២គូ ក្នុងនោះក្រុមកណ្តាល តទល់ជាមួយជើងខ្លាំង ព្រៃវែង នៅកីឡដ្ឋាន 7NG ខណៈប៉ៃលិន ស្វាគមន៍ក្រុមភ្ញៀវ កំពង់ឆ្នាំង។
ពូល B ក្រុមឈរបាតតារាងកណ្តាល ក្រោយឆ្លងកាត់ពីរប្រកួតមិនធ្លាប់ស្គាល់ជ័យជម្នះ ត្រូវតទល់ជាមួយក្រុមឈរកំពូលតារាងព្រៃវែង នាវេលាម៉ោង៣រសៀលថ្ងៃទី២២ ខែកុម្ភៈ នេះ នៅកីឡដ្ឋាន7NG។ ការប្រកួតនេះនឹងក្លាយជាជំនួបមួយដ៏ស្វិតស្វាញព្រោះក្រុមទាំងពីរសុទ្ធតែត្រូវការឈ្នះដូចគ្នា ដោយក្នុងនោះកណ្តាលត្រូវការដើម្បីកែប្រែមុខមាត់ ខណៈព្រៃវែង ដើម្បីរក្សាកំណត់ត្រាឈ្នះក្នុងពូល។
ចំណែកក្រុមប៉ៃលិន នឹងបើកទ្វារកីឡដ្ឋានខេត្តប៉ៃលិនស្វាគមន៍ក្រុមភ្ញៀវកំពង់ឆ្នាំងនាវេលាម៉ោង៣រសៀលដូចគ្នា ដើម្បីប្រជែងដណ្តើមឈរលេខ២ប្រចាំពូល D ខណៈក្រុមទាំងសុទ្ធតែមិនធ្លាប់ស្គាល់ជ័យជម្នះដូចគ្នា៕
*កម្មវិធីប្រកួតពានរង្វាន់សម្តេច ហ៊ុន សែន ប្រចាំថ្ងៃទី២២ ខែកុម្ភៈ
- ម៉ោង៣រសៀល៖ កណ្តាល ជួប ព្រៃវែង នៅកីឡដ្ឋាន7NG
- ម៉ោង៣រសៀល៖ ប៉ៃលិន ជួប កំពង់ឆ្នាំង នៅកីឡដ្ឋានខេត្តប៉ៃលិន
Tag:
បាល់ទាត់
Hun Sen Cup 2017
តាកែវ
ព្រៃវែង
© រក្សាសិទ្ធិដោយ thmeythmey.com