អន្តរជាតិ
×![]()
ដោយ: តន ចាន់រិទ្ធារ៉ា
ប្រមុខការពារជាតិរុស្ស៊ី លោកឧត្តមសេនីយ៍ Sergei Shoigu បានប្រតិកម្មតបការលើកឡើងរបស់រដ្ឋមន្ត្រីការពារជាតិអង់គ្លេស Michael Fallon ដែលស្នើឲ្យរុស្ស៊ីបញ្ឈប់ការលូកលាន់ចូលកិច្ចការផ្ទៃក្នុងរបស់លីប៊ី។ ជាការឆ្លើយតប ប្រមុខការពារជាតិរុស្ស៊ី នៅថ្ងៃទី២១ ខែកុម្ភៈ ក៏បានផ្ញើសារឲ្យសមភាគីអង់គ្លេសវិញថា មិនចាំបាច់ប្រាប់ «ខ្លាឃ្មុំ» រុស្ស៊ីពីអ្វីដែលត្រូវ ឬមិនត្រូវធ្វើឡើយ។
រដ្ឋមន្ត្រីការពារជាតិរុស្ស៊ី Sergei Shoigu បានផ្ញើសារព្រមានមួយទៅកាន់រដ្ឋមន្ត្រីការពារជាតិអង់គ្លេស Michael Fallon ដែលបានប្រាប់ឲ្យរុស្ស៊ីឈប់កកូរកកាយកិច្ចការផ្ទៃក្នុងលីប៊ីទៀត។ ក្នុងនាមជាមហាអំណាចពិភពលោក រុស្ស៊ី មិនសប្បាយចិត្តឡើយដែលប្រទេសផ្សេងមកបង្គាប់ខ្លួនពីអ្វីដែលត្រូវធ្វើ និងអ្វីដែលមិនត្រូវធ្វើបែបនេះ។
កាលពីថ្ងៃទី១៧ ខែកុម្ភៈ ដោយហៅរុស្ស៊ីជាសត្វខ្លាឃ្មុំ លោក Fallon បាននិយាយក្រៅកិច្ចប្រជុំសន្តិសុខក្រុង Munich ថា ចក្រភពអង់គ្លេស មិនត្រូវការក្រញាំខ្លាឃ្មុំមកលូកលាន់កិច្ចការរបស់លីប៊ីឡើយ។ ប្រមុខការពារជាតិអង់គ្លេស បានលើកយកជំនួបសន្ទនាតាម video conference រវាងប្រមុខការពារជាតិរុស្ស៊ី Shoigu និងមេទ័ពលីប៊ី Khalifa Haftar ដែលបានធ្វើទស្សនកិច្ចលើនាវាដឹកយន្តហោះ Admiral Kuznetsov ហើយចាត់ទុកជំនួបនេះ ជាការសាកល្បងរបស់រុស្ស៊ីចំពោះចំណាត់ការណាតូ។
ឆ្លើយតបការចោទប្រកាន់នេះ លោកឧត្តមសេនីយ៍ Shoigu និយាយថា៖ «ដោយសារអង់គ្លេសនិយាយរឿងសត្វ... ខ្ញុំគិតថាសត្វតោជាតំណាងរបស់អង់គ្លេស។ ចាស់បុរាណនិយាយថា តោទាំងអស់ គឺជាឆ្មា តែឆ្មាទាំងអស់ មិនមែនជាតោឡើយ។ គ្រប់គ្នាគិតតែរឿងរបស់ខ្លួនឯងទៅ។ ខ្ញុំគិតថា សត្វទាំងអស់ មិនអាចបញ្ជាខ្លាឃ្មុំស្រេចតែចិត្តឡើយ។»បើតាមសារព័ត៌មាន RT លោក Shoigu ឆ្លើយដូចនេះក្នុងជំនួបជាមួយនិស្សិតនៅឯវិទ្យាស្ថានទំនាក់ទំនងអន្តរជាតិកាលពីថ្ងៃទី២១ ខែកុម្ភៈ។
ស្ថានភាពនៅលីប៊ី មិនមានស្ថិរភាពឡើយ ក្រោយការដួលរលំរបបផ្ដាច់ការ Muammar Gaddafi ក្នុងឆ្នាំ២០១១ ក្រោមអន្តរាគមន៍របស់កងកម្លាំងបស្ចិមប្រទេស។ មកទល់ពេលនេះ គូប្រជែងនយោបាយសំខាន់ចំនួន២ គឺមួយនៅ Tobruk និងមួយទៀតនៅរដ្ឋធានី Tripoli នៅតែខ្វែងគំនិតគ្នាលើការបង្រួបបង្រួមជាតិដដែល។ ក្រុមនយោបាយនៅ Tobruk ដែលគាំទ្រដោយកងកម្លាំងយោធារបស់លោក Haftar មិនព្រមសហការជាមួយរដ្ឋាភិបាលរួបរួមជាតិឡើយ។
ចំណែករុស្ស៊ីវិញ ហាក់បានព្យាយាមពង្រីកឥទ្ធិពលរបស់ខ្លួននៅក្នុងតំបន់ទាំងមូល តាមរយៈការចូលជួយរបបស៊ីរីរបស់ប្រធានាធិបតី អាសាដ និងបោះដៃចូលលូកលាន់ផ្ទៃក្នុងលីប៊ីទៀតផង។ ដោយសារគ្មានផែន ការច្បាស់លាស់បន្ទាប់ពីការដួលរលំរបបGaddafi ទើបធ្វើឲ្យលីប៊ី ធ្លាក់ក្នុងស្ថានភាពយ៉ាប់យ៉ឺនបែបនេះ ហើយរុស្ស៊ី ទំនងឆ្លៀតពេលនេះ ដើម្បីពង្រីកឥទ្ធិពលលើគូប្រជែងនយោបាយនៅលីប៊ី ក្រោយបាត់បង់ទៅតាមការស្លាប់របស់លោក Gaddafi នោះ៕
រដ្ឋមន្ត្រីការពារជាតិរុស្ស៊ី Sergei Shoigu បានផ្ញើសារព្រមានមួយទៅកាន់រដ្ឋមន្ត្រីការពារជាតិអង់គ្លេស Michael Fallon ដែលបានប្រាប់ឲ្យរុស្ស៊ីឈប់កកូរកកាយកិច្ចការផ្ទៃក្នុងលីប៊ីទៀត។ ក្នុងនាមជាមហាអំណាចពិភពលោក រុស្ស៊ី មិនសប្បាយចិត្តឡើយដែលប្រទេសផ្សេងមកបង្គាប់ខ្លួនពីអ្វីដែលត្រូវធ្វើ និងអ្វីដែលមិនត្រូវធ្វើបែបនេះ។
កាលពីថ្ងៃទី១៧ ខែកុម្ភៈ ដោយហៅរុស្ស៊ីជាសត្វខ្លាឃ្មុំ លោក Fallon បាននិយាយក្រៅកិច្ចប្រជុំសន្តិសុខក្រុង Munich ថា ចក្រភពអង់គ្លេស មិនត្រូវការក្រញាំខ្លាឃ្មុំមកលូកលាន់កិច្ចការរបស់លីប៊ីឡើយ។ ប្រមុខការពារជាតិអង់គ្លេស បានលើកយកជំនួបសន្ទនាតាម video conference រវាងប្រមុខការពារជាតិរុស្ស៊ី Shoigu និងមេទ័ពលីប៊ី Khalifa Haftar ដែលបានធ្វើទស្សនកិច្ចលើនាវាដឹកយន្តហោះ Admiral Kuznetsov ហើយចាត់ទុកជំនួបនេះ ជាការសាកល្បងរបស់រុស្ស៊ីចំពោះចំណាត់ការណាតូ។
ឆ្លើយតបការចោទប្រកាន់នេះ លោកឧត្តមសេនីយ៍ Shoigu និយាយថា៖ «ដោយសារអង់គ្លេសនិយាយរឿងសត្វ... ខ្ញុំគិតថាសត្វតោជាតំណាងរបស់អង់គ្លេស។ ចាស់បុរាណនិយាយថា តោទាំងអស់ គឺជាឆ្មា តែឆ្មាទាំងអស់ មិនមែនជាតោឡើយ។ គ្រប់គ្នាគិតតែរឿងរបស់ខ្លួនឯងទៅ។ ខ្ញុំគិតថា សត្វទាំងអស់ មិនអាចបញ្ជាខ្លាឃ្មុំស្រេចតែចិត្តឡើយ។»បើតាមសារព័ត៌មាន RT លោក Shoigu ឆ្លើយដូចនេះក្នុងជំនួបជាមួយនិស្សិតនៅឯវិទ្យាស្ថានទំនាក់ទំនងអន្តរជាតិកាលពីថ្ងៃទី២១ ខែកុម្ភៈ។
ស្ថានភាពនៅលីប៊ី មិនមានស្ថិរភាពឡើយ ក្រោយការដួលរលំរបបផ្ដាច់ការ Muammar Gaddafi ក្នុងឆ្នាំ២០១១ ក្រោមអន្តរាគមន៍របស់កងកម្លាំងបស្ចិមប្រទេស។ មកទល់ពេលនេះ គូប្រជែងនយោបាយសំខាន់ចំនួន២ គឺមួយនៅ Tobruk និងមួយទៀតនៅរដ្ឋធានី Tripoli នៅតែខ្វែងគំនិតគ្នាលើការបង្រួបបង្រួមជាតិដដែល។ ក្រុមនយោបាយនៅ Tobruk ដែលគាំទ្រដោយកងកម្លាំងយោធារបស់លោក Haftar មិនព្រមសហការជាមួយរដ្ឋាភិបាលរួបរួមជាតិឡើយ។
ចំណែករុស្ស៊ីវិញ ហាក់បានព្យាយាមពង្រីកឥទ្ធិពលរបស់ខ្លួននៅក្នុងតំបន់ទាំងមូល តាមរយៈការចូលជួយរបបស៊ីរីរបស់ប្រធានាធិបតី អាសាដ និងបោះដៃចូលលូកលាន់ផ្ទៃក្នុងលីប៊ីទៀតផង។ ដោយសារគ្មានផែន ការច្បាស់លាស់បន្ទាប់ពីការដួលរលំរបបGaddafi ទើបធ្វើឲ្យលីប៊ី ធ្លាក់ក្នុងស្ថានភាពយ៉ាប់យ៉ឺនបែបនេះ ហើយរុស្ស៊ី ទំនងឆ្លៀតពេលនេះ ដើម្បីពង្រីកឥទ្ធិពលលើគូប្រជែងនយោបាយនៅលីប៊ី ក្រោយបាត់បង់ទៅតាមការស្លាប់របស់លោក Gaddafi នោះ៕
Tag:
រុស្ស៊ី
អង់គ្លេស
Sergei Shoigu
Michael Fallon
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
