ប្តូរLogo៖ ក្រសួងពាណិជ្ជកម្ម ទុកពេលពីរសប្ដាហ៍ សម្រាប់ស្ថាប័នហិរញ្ញវត្ថុ ដែលមាននិមិត្តសញ្ញាស្រដៀងស្ថាប័នរដ្ឋ

ជាតិ

សេដ្ឋកិច្ច

ប្តូរLogo៖ ក្រសួងពាណិជ្ជកម្ម ទុកពេលពីរសប្ដាហ៍ សម្រាប់ស្ថាប័នហិរញ្ញវត្ថុ ដែលមាននិមិត្តសញ្ញាស្រដៀងស្ថាប័នរដ្ឋ

22, Feb 2017 , 4:03 pm

រូបភាព

ដោយ: ថ្មីៗ

ភ្នំពេញ៖ ក្រសួងពាណិជ្ជកម្ម បានបង្គាប់ឲ្យម្ចាស់ធនាគារ និងគ្រឹះស្ថានមីក្រូហិរញ្ញវត្ថុឯកជនទាំងអស់ ដែលប្រើប្រាស់ម៉ាកពាណិជ្ជកម្មរបស់ខ្លួន ដែលមានលក្ខណៈស្រដៀងទៅនឹងនិមិតសញ្ញារបស់ក្រសួងសេដ្ឋកិច្ច និងហិរញ្ញវត្ថុ ឬធនាគារជាតិ ត្រូវកែសម្រួលម៉ាកពាណិជ្ជកម្មធ្វើយ៉ាងណា កុំឲ្យស្រដៀងដែលនាំភ័ន្តច្រឡំ ថាជារបស់រដ្ឋ។

បើតាមសេចក្ដីជូនដំណឹងរបស់ក្រសួងពាណិជ្ជកម្ម ម្ចាស់ធនាគារពាណិជ្ជ ធនាគារឯកជន ធនាគារឯទេស និងគ្រឹះស្ថានមីក្រូហិរញ្ញវត្ថុឯកជនទាំងអស់ ត្រូវកែប្រែនិមិត្តសញ្ញាខ្លួនឲ្យបានមុនថ្ងៃទី១០ មីនា ខាងមុខនេះ។

សម្តេចនាយករដ្ឋមន្ត្រី ហ៊ុន សែន នាពិធីប្រគល់សញ្ញាបត្រដល់និស្សិតសាកលវិទ្យាល័យភ្នំពេញ អន្តរជាតិ (PPIU) នៅព្រឹកថ្ងៃពុធ ទី២២ ខែកុម្ភៈនេះ បានបន្តអំពាវនាវដល់គ្រប់បណ្តាញព័ត៌មាន និងប្រព័ន្ធបច្ចេកវិទ្យាទាំងអស់ផ្សព្វផ្សាយថា «គ្រឹះស្ថានមីក្រូហិរញ្ញវត្ថុទាំងអស់ជារបស់ឯកជន គឺមិនមែនជារបស់រដ្ឋទេ»។ រីឯបណ្តាញទូរសព្ទអាចដាក់ជាសំឡេង នៅពេលដែលមានការហៅចូលជាដើម។ បើតាមប្រមុខរដ្ឋាភិបាល នេះជាយុទ្ធនាការពេញមួយឆ្នាំ ក្នុងគោលបំណងជួយដល់ប្រជាពលរដ្ឋកុំឲ្យលង់ក្នុងបំណុលដោយច្រលំថា ខ្លួនបានខ្ចីពីរដ្ឋ៕