អន្តរជាតិ
មូហ្កាបេ ចាយលុយ២,៥លានដុល្លារធ្វើខួបកំណើត តែEU ផ្តល់កាដូ «ទណ្ឌកម្មសេដ្ឋកិច្ច»
×![]()
រ៉ូបឺត មូហ្កាបេ (Robert Mugabe) មេដឹកនាំផ្តាច់ការស៊ីមបាវ៉េ ឈានចូលវ័យ ៩៣ឆ្នាំ នៅថ្ងៃអង្គារទី ២១ កុម្ភៈ ហើយលោកនឹងរៀបចំបុណ្យខួបកំណើតដ៏ធំមួយនៅថ្ងៃសៅរ៍ខាងមុខនេះ។គេវាយតម្លៃថា ពិធីខួបកំណើតរបស់លោកអាចនឹងត្រូវចំណាយលុយអស់ច្រើនជាង ២លានដុលា្លរអាមេរិក។ ប៉ុន្តែប្រជាជនមួយចំនួនបាននាំគ្នាប្រឆាំងគម្រោងរៀបចំនេះដោយពួកគេអះអាង មេដឹកនាំស៊ីមបាវ៉េមិនគួរខ្ជះខ្ជាយលុយឥតប្រយោជន៍ ស្របពេលសេដ្ឋកិច្ចជាតិនិងប្រជាជនកំពុងត្រដរខ្យល់ឡើយ។
ប្រធានាធិបតីមួយជីវិតស៊ីមបាវ៉េ រ៉ូបឺត មូហ្កាបេ ឈានដល់វ័យ ៩៣ឆ្នាំហើយគិតត្រឹមថ្ងៃអង្គារទី២១កុម្ភៈម្សិលមិញ។ ក្នុងឱកាសខួបលើកទី៩៣នៃថ្ងៃកំណើតមេដឹកនាំផ្តាច់ការរូបនេះនឹងត្រូវរៀបចំឡើងនៅចុងសប្តាហ៍នេះ ដោយគេវាយតម្លៃថា កម្មវិធីនេះនឹងត្រូវចំណាយលុយអស់ ២,៥ លានដុល្លារអាមេរិកឯណោះ។ មានខ្លះគាំទ្រ តែភាគច្រើនទិតៀននិងប្រឆាំងគម្រោងបុណ្យខួបកំណើតដ៏ខ្ជះខ្ជាយនេះ ព្រោះសេដ្ឋកិច្ចប្រទេសជាតិកំពុងត្រដាបត្រដួសខ្លាំងនោះ។
យោងតាមប្រព័ន្ធផ្សព្វផ្សាយអាហ្វ្រិក Cameron Concord កម្មវិធីខួបកំណត់ដ៏ធំនេះនឹងត្រូវរៀបចំឡើងនៅក្រុង Matobos ដែលមិនឆ្ងាយប៉ុន្មានពីរដ្ឋធានី Harare ឡើយ ហើយគេរំពឹងថា មនុស្សរាប់ម៉ឺននាក់នឹងចូលរួមក្នុងពិធីខួបកំណើតមេដឹកនាំផ្តាច់ការរូបនេះផង។ គោចំនួន ១៥០ រួមជាមួយនំខួបកំណើតទម្ងន់ ៩៣គីឡូក្រាមត្រូវគេរៀបចំទុកសម្រាប់ភ្ងៀវកិត្តិយសដែលចូលរួមបុណ្យខួបកំណើតមេដឹកនាំវ័យជរារូបនេះ។
អ្នកគាំទ្រ មូហ្កាបេ ម្នាក់ត្រូវបានស្រង់សម្តីដោយសារព័ត៌មាន Cameron Concord ដូច្នេះថា៖ « យើងចាត់ទុកថ្ងៃខួបកំណើតប្រធានាធិបតី Mugabe ដូចជាថ្ងៃកំណើតទីពីររបស់ព្រះបន្ទាប់ពីព្រះយេស៊ូ។ ដូច្នេះក្នុងនាមជាជនជាតិស៊ីមបាវ៉េ នៅថ្ងៃខួបកំណើតគាត់ យើងមិនអាចមិនរៀបចំឡើង។ យើងតស៊ូមតិឲ្យមានការកំណត់យកថ្ងៃខួបកំណើតលោកជាថ្ងៃបុណ្យជាតិ»។
១.មេដឹកនាំស៊ីមបាវ៉េ ចាយលុយ ២,៥លានដុល្លារធ្វើខួបកំណើត ខណៈប្រជាជនក្ររហាម
ថ្មីបើមានអ្នកគាំទ្រក៏ដោយ ប្រជាជនស៊ីមបាវ៉េជាច្រើនរួមទាំងក្រុមសកម្មជនប្រឆាំងខួបកំណើតលោក មូហ្កាបេ បាននាំគ្នាតវ៉ានិងទាមទារឲ្យមានការបង្វែរលុយដែលត្រូវចំណាយក្នុងខួបកំណើតរហូតដល់ជាង ២លានដុល្លារ នេះទៅដោះស្រាយបញ្ហាសេដ្ឋកិច្ចវិញ។
សកម្មជនប្រឆាំងខួបកំណើតមូហ្កាបេ លោក Sam Farai Munro បានថ្លែងដូច្នេះថា៖« យើងបានលើកឡើងពីបញ្ហាសំខាន់ៗដែលរដ្ឋាភិបាលត្រូវប្រើប្រាស់ហិរញ្ញវត្ថុដោះស្រាយ ដោយជំនួសការយកលុយទាំងនោះទៅបំផ្លាញចផលក្នុងពិធីខួបកំណើត ស្របពេលដែលប្រទេសយើងកំពុងប្រឈមវិបត្តិសេដ្ឋកិច្ចដ៏ធ្ងន់ធ្ងរនោះ។ ដូច្នេះបើសិនរដ្ឋាភិបាលអាចរកលុយបានរាប់លានដុល្លារបែបនេះ គេក៏គួរប្រើប្រាស់លុយទាំងនោះដើម្បីជួយកសាងឬទ្រទ្រង់មន្ទីរពេទ្យ និងផ្គត់ផ្គង់សៀវភៅដល់សាលារៀនក៏ដូចជាចំណាយថវិកាទាំងនោះដើម្បីលើកទឹកចិត្តគ្រូបង្រៀនវិញប្រសើរជាង»។
លោក រ៉ូបឺត មូហ្កាបេ ត្រូវបានគេចាត់ទុកថាជាមេដឹកនាំផ្តាច់ការក្រាញអំណាចនៅស៊ីមបាវ៉េ ហើយលោកបានដឹកនាំប្រទេសតាំងពីឆ្នាំ ១៩៨០ តាមការបោះឆ្នោតក្រោយការទទួលបានឯករាជ្យពីអង់គ្លេសនិងបញ្ចប់ជម្លោះជាតិសាសន៍ក្នុងប្រទេសជាផ្លូវការ។ គេមិនរំពឹងថា មេដឹកនាំជរាមួយនេះនឹងផ្ទេរអំណាច ទោះស្ថានភាពសុខភាពរបស់លោកកាន់តែខ្សោយ ខួរក្បាលកាន់តែស្ទក់ និងមិនអាចបំពេញការងារដូចធម្មតាបានក៏ដោយ។ លោកបានប្រកាសឈរឈ្មោះជាថ្មីសម្រាប់ការបោះឆ្នោតឆ្នាំ ២០១៨ រួចទៅហើយ ហើយលោកក៏ធ្លាប់ប្រកាសថា លោកនឹងកាន់តំណែងរហូតដល់ស្លាប់ ។
ក្រៅពីសុខភាពខ្សោយ និងជាមេដឹកនាំផ្តាច់ការ លោកនិងក្រុមគ្រួសាររស់នៅសោយសុខលើទឹកដីដ៏ក្រីក្រដែលប្រជាជនរស់នៅលំបាកវេទនាព្រោះវិបត្តិសេដ្ឋកិច្ច។ ក្នុងពិធីខួបកំណើតរបស់លោកកាលពីឆ្នាំ ២០១៥ លោកចំណាយលុយរហូតដល់ ១លានដុល្លារ ហើយភរិយារបស់លោកដែលជាស្ត្រីទីមួយនោះក៏ត្រូវលោកខាងលិចទិតៀនខ្លាំងព្រោះចាយវាយខ្ជះខ្ជាយមិនចេះគិតដែរ។
២. សហភាពអឺរ៉ុបបន្តទណ្ឌកម្មស៊ីមបាវ៉េ អបអរខួបកំណើត មូហ្កាបេ
ដោយឡែក ក្នុងពិធីបុណ្យខួបកំណើតគម្រប់ខួប ៩៣ឆ្នាំនេះដែរ លោក មូហ្កាបេ បានទទួលអំណោយធំមួយពីសហភាពអឺរ៉ុប។ អំណោយនោះគឺ ការបន្តទណ្ឌកម្មសេដ្ឋកិច្ច និងរឹតបន្តឹងការធ្វើដំណើរសម្រាប់មេដឹកនាំស៊ីមបាវ៉េ។
កាលពីថ្ងៃសុក្រសប្តាហ៍មុន ក្រុមប្រឹក្សាអឺរ៉ុបបានបោះឆ្នោតសម្រាប់បន្តទណ្ឌកម្មប្រឆាំង ប្រនាធិបតី មូហ្កាបេ និងភរិយា Grace Mugabe និងរាល់ឧស្សាហកម្មយោធារបស់រដ្ឋស៊ីមបាវ៉េទាំងមូល។
តាមពិតទៅ ទណ្ឌកម្មទាំងនេះត្រូវដាក់ចេញដំបូងកាលពីឆ្នាំ ២០០២មកម្ល៉េះ ហើយវាមានគោលដៅសំខាន់រឹតបន្តឹងការធ្វើដំណើររបស់ប្រធានាធិបតីផង បង្កកទ្រព្យសម្បត្តិរបស់លោកផង និងហាមប្រទេសសមាជិកសហភាពអឺរ៉ុបធ្វើពាណិជ្ជកម្មអាវុធជាមួយស៊ីមបាវ៉េ៕
ប្រធានាធិបតីមួយជីវិតស៊ីមបាវ៉េ រ៉ូបឺត មូហ្កាបេ ឈានដល់វ័យ ៩៣ឆ្នាំហើយគិតត្រឹមថ្ងៃអង្គារទី២១កុម្ភៈម្សិលមិញ។ ក្នុងឱកាសខួបលើកទី៩៣នៃថ្ងៃកំណើតមេដឹកនាំផ្តាច់ការរូបនេះនឹងត្រូវរៀបចំឡើងនៅចុងសប្តាហ៍នេះ ដោយគេវាយតម្លៃថា កម្មវិធីនេះនឹងត្រូវចំណាយលុយអស់ ២,៥ លានដុល្លារអាមេរិកឯណោះ។ មានខ្លះគាំទ្រ តែភាគច្រើនទិតៀននិងប្រឆាំងគម្រោងបុណ្យខួបកំណើតដ៏ខ្ជះខ្ជាយនេះ ព្រោះសេដ្ឋកិច្ចប្រទេសជាតិកំពុងត្រដាបត្រដួសខ្លាំងនោះ។
យោងតាមប្រព័ន្ធផ្សព្វផ្សាយអាហ្វ្រិក Cameron Concord កម្មវិធីខួបកំណត់ដ៏ធំនេះនឹងត្រូវរៀបចំឡើងនៅក្រុង Matobos ដែលមិនឆ្ងាយប៉ុន្មានពីរដ្ឋធានី Harare ឡើយ ហើយគេរំពឹងថា មនុស្សរាប់ម៉ឺននាក់នឹងចូលរួមក្នុងពិធីខួបកំណើតមេដឹកនាំផ្តាច់ការរូបនេះផង។ គោចំនួន ១៥០ រួមជាមួយនំខួបកំណើតទម្ងន់ ៩៣គីឡូក្រាមត្រូវគេរៀបចំទុកសម្រាប់ភ្ងៀវកិត្តិយសដែលចូលរួមបុណ្យខួបកំណើតមេដឹកនាំវ័យជរារូបនេះ។
អ្នកគាំទ្រ មូហ្កាបេ ម្នាក់ត្រូវបានស្រង់សម្តីដោយសារព័ត៌មាន Cameron Concord ដូច្នេះថា៖ « យើងចាត់ទុកថ្ងៃខួបកំណើតប្រធានាធិបតី Mugabe ដូចជាថ្ងៃកំណើតទីពីររបស់ព្រះបន្ទាប់ពីព្រះយេស៊ូ។ ដូច្នេះក្នុងនាមជាជនជាតិស៊ីមបាវ៉េ នៅថ្ងៃខួបកំណើតគាត់ យើងមិនអាចមិនរៀបចំឡើង។ យើងតស៊ូមតិឲ្យមានការកំណត់យកថ្ងៃខួបកំណើតលោកជាថ្ងៃបុណ្យជាតិ»។
១.មេដឹកនាំស៊ីមបាវ៉េ ចាយលុយ ២,៥លានដុល្លារធ្វើខួបកំណើត ខណៈប្រជាជនក្ររហាម
ថ្មីបើមានអ្នកគាំទ្រក៏ដោយ ប្រជាជនស៊ីមបាវ៉េជាច្រើនរួមទាំងក្រុមសកម្មជនប្រឆាំងខួបកំណើតលោក មូហ្កាបេ បាននាំគ្នាតវ៉ានិងទាមទារឲ្យមានការបង្វែរលុយដែលត្រូវចំណាយក្នុងខួបកំណើតរហូតដល់ជាង ២លានដុល្លារ នេះទៅដោះស្រាយបញ្ហាសេដ្ឋកិច្ចវិញ។
សកម្មជនប្រឆាំងខួបកំណើតមូហ្កាបេ លោក Sam Farai Munro បានថ្លែងដូច្នេះថា៖« យើងបានលើកឡើងពីបញ្ហាសំខាន់ៗដែលរដ្ឋាភិបាលត្រូវប្រើប្រាស់ហិរញ្ញវត្ថុដោះស្រាយ ដោយជំនួសការយកលុយទាំងនោះទៅបំផ្លាញចផលក្នុងពិធីខួបកំណើត ស្របពេលដែលប្រទេសយើងកំពុងប្រឈមវិបត្តិសេដ្ឋកិច្ចដ៏ធ្ងន់ធ្ងរនោះ។ ដូច្នេះបើសិនរដ្ឋាភិបាលអាចរកលុយបានរាប់លានដុល្លារបែបនេះ គេក៏គួរប្រើប្រាស់លុយទាំងនោះដើម្បីជួយកសាងឬទ្រទ្រង់មន្ទីរពេទ្យ និងផ្គត់ផ្គង់សៀវភៅដល់សាលារៀនក៏ដូចជាចំណាយថវិកាទាំងនោះដើម្បីលើកទឹកចិត្តគ្រូបង្រៀនវិញប្រសើរជាង»។
លោក រ៉ូបឺត មូហ្កាបេ ត្រូវបានគេចាត់ទុកថាជាមេដឹកនាំផ្តាច់ការក្រាញអំណាចនៅស៊ីមបាវ៉េ ហើយលោកបានដឹកនាំប្រទេសតាំងពីឆ្នាំ ១៩៨០ តាមការបោះឆ្នោតក្រោយការទទួលបានឯករាជ្យពីអង់គ្លេសនិងបញ្ចប់ជម្លោះជាតិសាសន៍ក្នុងប្រទេសជាផ្លូវការ។ គេមិនរំពឹងថា មេដឹកនាំជរាមួយនេះនឹងផ្ទេរអំណាច ទោះស្ថានភាពសុខភាពរបស់លោកកាន់តែខ្សោយ ខួរក្បាលកាន់តែស្ទក់ និងមិនអាចបំពេញការងារដូចធម្មតាបានក៏ដោយ។ លោកបានប្រកាសឈរឈ្មោះជាថ្មីសម្រាប់ការបោះឆ្នោតឆ្នាំ ២០១៨ រួចទៅហើយ ហើយលោកក៏ធ្លាប់ប្រកាសថា លោកនឹងកាន់តំណែងរហូតដល់ស្លាប់ ។
ក្រៅពីសុខភាពខ្សោយ និងជាមេដឹកនាំផ្តាច់ការ លោកនិងក្រុមគ្រួសាររស់នៅសោយសុខលើទឹកដីដ៏ក្រីក្រដែលប្រជាជនរស់នៅលំបាកវេទនាព្រោះវិបត្តិសេដ្ឋកិច្ច។ ក្នុងពិធីខួបកំណើតរបស់លោកកាលពីឆ្នាំ ២០១៥ លោកចំណាយលុយរហូតដល់ ១លានដុល្លារ ហើយភរិយារបស់លោកដែលជាស្ត្រីទីមួយនោះក៏ត្រូវលោកខាងលិចទិតៀនខ្លាំងព្រោះចាយវាយខ្ជះខ្ជាយមិនចេះគិតដែរ។
២. សហភាពអឺរ៉ុបបន្តទណ្ឌកម្មស៊ីមបាវ៉េ អបអរខួបកំណើត មូហ្កាបេ
ដោយឡែក ក្នុងពិធីបុណ្យខួបកំណើតគម្រប់ខួប ៩៣ឆ្នាំនេះដែរ លោក មូហ្កាបេ បានទទួលអំណោយធំមួយពីសហភាពអឺរ៉ុប។ អំណោយនោះគឺ ការបន្តទណ្ឌកម្មសេដ្ឋកិច្ច និងរឹតបន្តឹងការធ្វើដំណើរសម្រាប់មេដឹកនាំស៊ីមបាវ៉េ។
កាលពីថ្ងៃសុក្រសប្តាហ៍មុន ក្រុមប្រឹក្សាអឺរ៉ុបបានបោះឆ្នោតសម្រាប់បន្តទណ្ឌកម្មប្រឆាំង ប្រនាធិបតី មូហ្កាបេ និងភរិយា Grace Mugabe និងរាល់ឧស្សាហកម្មយោធារបស់រដ្ឋស៊ីមបាវ៉េទាំងមូល។
តាមពិតទៅ ទណ្ឌកម្មទាំងនេះត្រូវដាក់ចេញដំបូងកាលពីឆ្នាំ ២០០២មកម្ល៉េះ ហើយវាមានគោលដៅសំខាន់រឹតបន្តឹងការធ្វើដំណើររបស់ប្រធានាធិបតីផង បង្កកទ្រព្យសម្បត្តិរបស់លោកផង និងហាមប្រទេសសមាជិកសហភាពអឺរ៉ុបធ្វើពាណិជ្ជកម្មអាវុធជាមួយស៊ីមបាវ៉េ៕
Tag:
Robert Mugabe
ស៊ីមបាវ៉េ
© រក្សាសិទ្ធិដោយ thmeythmey.com
