ជាតិ
លោក ជាម យៀប ដែលដាច់សរសៃឈាមក្នុងខួរក្បាល បានចេញពីមន្ទីរពេទ្យហើយ
× លោក ជាម យៀប មន្ត្រីជាន់ខ្ពស់គណបក្សប្រជាជនកម្ពុជា និងជាប្រធានគណៈកម្មការជំនាញទីពីរ នៃរដ្ឋសភា ដែលមានជំងឺដាច់សរសៃឈាមក្នុងខួរក្បាល បានចេញពីមន្ទីរពេទ្យកាល់ម៉ែតហើយ កាលពីថ្ងៃទី២១ កុម្ភៈ។ នេះជាការអះអាងរបស់លោក ឡេង ប៉េងឡុង អ្នកនាំពាក្យរដ្ឋសភា។
លោក ឡេង ប៉េងឡុង ប្រាប់សារព័ត៌មានថ្មីៗថា លោក ជាម យៀប ត្រូវបានគ្រូពេទ្យអនុញ្ញាតឲ្យ ត្រឡប់ទៅផ្ទះរបស់លោកវិញ ក្រោយពីស្ថានភាពជំងឺ កាន់តែធូរស្រាល។ អ្នកនាំពាក្យរដ្ឋសភារូបនេះ បានបញ្ជាក់ដូច្នេះថា៖«ឥឡូវ គាត់កំពុងសម្រាកនៅផ្ទះ។ ខ្ញុំមិនដឹងថា ស្ថានភាពរបស់គាត់ឥឡូវយ៉ាងម៉េចទេ តែកាលខ្ញុំទៅមើលគាត់នៅមន្ទីរពេទ្យ គាត់អាចនិយាយបានជាធម្មតាហើយ។ ជំងឺគាត់មិនធ្ងន់ទេ»។
លោក ជាម យៀប ត្រូវបានបញ្ជូនទៅកាន់បន្ទប់សង្គ្រោះបន្ទាន់នៅមន្ទីរពេទ្យកាល់ម៉ែត ក្រោយពីមានជំងឺដាច់សរសៃឈាមក្នុងខួរក្បាល កាលពីប៉ុន្មានមុន។ បើតាមលោក ឡេង ប៉េងឡុង ជំងឺរបស់លោក ជាប យៀប បណ្តាលមកពីការលើសឈាម៕
© រក្សាសិទ្ធិដោយ thmeythmey.com