ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
តំណាងក្រុមហ៊ុន Microsoft ប្រាប់សិស្សនិស្សិតខ្មែរពីរបៀបសិក្សាតាមប្រព័ន្ធអ៊ីនធឺណិត
10, Mar 2017 ,
9:24 am
រូបភាព
×
ដោយ:
ភ្នំពេញ៖ លោក Wellington Perera នាយកគ្រប់គ្រងទីផ្សារក្រុមហ៊ុន Microsoft ប្រចាំតំបន់អាស៊ីអាគ្នេយ៍ បានប្រាប់សារព័ត៌មានថ្មីៗថា សិស្សនិស្សិតខ្មែរអាចទាញឯកសារ និងកម្មវិធី Software រួមទាំងចូលរួមកម្មវិធីសិក្សាស្រាវជ្រាវបច្ចេកវិទ្យាថ្មីនានាពីក្រុមហ៊ុន Microsoft ដោយឥតគិតថ្លៃ។ លោកបានបញ្ជាក់ថា ពួកគេអាចសិក្សាគ្រប់ពេលវេលា និងគ្រប់ទីកន្លែង នៅពេលពួកគេមានអ៊ីនធឺណិត (Internet) ក្នុងសម័យសកលភាវូបនីយកម្មប្រព័ន្ធបច្ចេកវិទ្យា បច្ចុប្បន្ន។
ខាងក្រោមនេះ ជាកិច្ចសម្ភាសន៍រវាងលោក រឿន ភារុន អ្នកសារព័ត៌មានថ្មីៗ និងលោក Wellington Perera នាយកគ្រប់គ្រងទីផ្សារក្រុមហ៊ុន Microsoft ក្នុងមហោស្រពជាតិលើកទី៣ ស្តីពី វិទ្យាសាស្ក្រ និងវិស្វកម្មកម្ពុជាឆ្នាំ ២០១៧ ដូចខាងក្រោម៖
លោក រឿន ភារុន
៖ ជម្រាបសួរ លោក Wellington! ថ្ងៃនេះ ក្រុមហ៊ុន Microsoft កំពុងចូលរួមមហោស្រពជាតិលើកទី៣ ស្តីពីវិទ្យាសាស្ត្រ និងវិស្វកម្ម នៅពហុកីឡដ្ឋានជាតិអូឡាំពិក ប្រទេសកម្ពុជា។ ខ្ញុំឃើញថា ក្រុមហ៊ុនលោក កំពុងផ្តល់កម្មវិធីមួយឈ្មោះថា Hour of Code ឲ្យសិស្សនិស្សិតចូលរួមសិក្សាស្រាវជ្រាវ ពេលនេះ។ តើវាជាកម្មវិធីបច្ចេកវិទ្យាអ្វី? វាបង្កើតឡើងតាំងពីពេលណា? នៅក្នុងប្រទេសណា?
លោក Wellington Perera
៖ បាទ! យើងដឹងថា ក្រុមហ៊ុន Microsoft ជាក្រុមហ៊ុនបច្ចេកវិទ្យាដែលត្រូវផ្តល់ការបណ្តុះបណ្តាលផ្នែកបច្ចេកវិទ្យាជាមូលដ្ឋាន។ ដូច្នេះ Hour of Code ជាកម្មវិធីសិក្សាដែលផ្តល់ឲ្យសិស្ស និស្សិត ស្វែងយល់ពីបច្ចេកវិទ្យាកុំព្យូទ័រជាមូលដ្ឋាន។ នេះជាអ្វីដែលយើងរៀបចំនៅថ្ងៃនេះ ព្រោះ យើងចង់ឲ្យសិស្ស និស្សិត ស្វែងយល់ពីកម្មវិធីកុំព្យូទ័រ លើកដំបូង។ វាត្រូវបានបង្កើតឡើងតាំងពី ៣ឆ្នាំមុនក្នុងសហរដ្ឋអាមេរិក។
លោក រឿន ភារុន
៖ តើសិស្សនិស្សិតប៉ុន្មាននាក់ បានចូលរួមសិក្សាកម្មវិធីនេះ? ក្នុងប្រទេសណាខ្លះ? តើពួកគេអាចទទួលប្រយោជន៍អ្វីខ្លះ ពីកម្មវិធីរបស់ក្រុមហ៊ុន Microsoftនេះ? តើពួកគេអាចសិក្សាវាតាមរបៀបណា តាមអាន ឬការអនុវត្តលើកុំព្យូទ័រដោយផ្ទាល់?
លោក Wellington Perera
៖ សិស្សនិស្សិតរាប់លាននាក់ បានចូលរួមសិក្សាកម្មវិធីនេះ នៅទូទាំងពិភពលោក។ ខ្ញុំចាំបានថា សិស្ស និស្សិត មកពីជាង ១០០ប្រទេស បានចូលរួមស្វែងយល់កម្មវិធីនេះ។ វាជាកម្មវិធីវិទ្យាសាស្ត្រ ដែលបង្រៀនមនុស្សឲ្យចេះច្នៃប្រឌិត និងការសម្រេចចិត្ត...។ វាមានកម្មវិធីជាង ២០កម្រិត។ ពួកគេអាចស្វែងយល់ពីបច្ចេកវិទ្យាជាមូលដ្ឋានច្បាស់ ប្រសិនបើពួកគេចំណាយពេលជាងមួយម៉ោង ដើម្បីសិក្សាស្រាវជ្រាវ។ ពួកគេត្រូវមានកម្មវិធី Microsoft មួយឈ្មោះថា Minecraft ដើម្បីសិក្សាពី កម្មវិធីនេះ...។
លោក រឿន ភារុន
៖ តើវាមានវត្តមាននៅកម្ពុជា ក្នុងឆ្នាំណា? ហេតុអ្វីបានជាក្រុមហ៊ុន Microsoft នាំវាមកប្រទេសកម្ពុជា? តើលោកឃើញថា យុវជនកម្ពុជាកំពុងចាប់ជំនាញសិក្សាផ្នែកវិទ្យាសាស្ត្រ (STEM) ឬ?
លោក Wellington Perera
៖ វាមានវត្តមាននៅប្រទេសកម្ពុជា ដំបូងគេនៅពេលនេះ។ យើងបានចូលរួមមហោស្រពវិទ្យាសាស្ត្រនេះឆ្នាំកន្លងមក ដោយឡែកឆ្នាំនេះ វាមានលក្ខណៈធំជាងមុន។ អ្នកបានឃើញថា សិស្សិនិស្សិតកំពុងស្វែងយល់ពីវា។ យើងសង្ឃឹមថា ពួកគេនឹងចាប់អារម្មណ៍វាកាន់តែច្រើន។ ខ្ញុំឃើញថា ពួកគេចាប់ជំនាញវិទ្យាសាស្ត្រ STEM ដូច្នេះវាជាមូលដ្ឋានដែលយើងមានវត្តមាននៅកម្ពុជា ព្រោះយើងជាក្រុមហ៊ុនផ្តល់បច្ចេកវិទ្យាវិទ្យាសាស្ត្រ...។ យើងជឿជាក់ថា ពួកគេនឹងមានគំនិតច្នៃបង្កើតបច្ចេកវិទ្យាថ្មីៗ នៅពេលពួកគេបានស្វែងយល់ពីកម្មវិធីរបស់យើង តបនឹងតម្រូវការទីផ្សារបច្ចុប្បន្ន និងអនាគត។ តាមការសង្កេត យើងមានតម្រូវការផ្នែកបច្ចេកវិទ្យាច្រើន បច្ចុប្បន្ន ឧទាហរណ៍ សេវាកក់រថយន្តឈ្នួល កក់សណ្ឋាគារ និងសេវាបច្ចេកវិទ្យាផ្សេងៗទៀត។
លោក រឿន ភារុន
៖ ចឹង តើលោកលើកទឹកចិត្តពួកគេ ឲ្យសិក្សាជំនាញវិទ្យាសាស្ត្រឬ? តើក្រុមហ៊ុន Microsoft បានផ្តល់ជំនាញសិក្សាវិទ្យាសាស្ត្រអ្វីខ្លះ ដល់សិស្សនិស្សិតកម្ពុជា?
លោក Wellington Perera
៖ បាទ! ប្រាកដណាស់។ យើងទឹកចិត្តសិស្សនិស្សិតកម្ពុជា ឲ្យចាប់យកជំនាញដែលមានតម្រូវការទីផ្សារទាំងនេះ រួមមាន កម្មវិធីកុំព្យូទ័រ និងជំនាញ STEM នានាទៀត។ ពួកគេនឹងមានអាជីពល្អ ពេលអនាគត ប្រសិនបើពួកគេសិក្សាជំនាញទាំងនេះ។ យើងបានជួយពួកគេពីការសិក្សាស្រាវជ្រាវ ពីជំនាញជាសកល។
លោក រឿន ភារុន
៖ ដោយសារលោកកំពុងធ្វើការឲ្យក្រុមហ៊ុន Microsoft ប្រចាំតំបន់អាស៊ីអាគ្នេយ៍ បើតាមគំនិតរបស់លោក តើសិស្សនិស្សិតកម្ពុជាមានសមត្ថភាពផ្នែកវិទ្យាសាស្ត្រប៉ុណ្ណា ធៀបនឹងយុវជន តាមបណ្តាប្រទេសក្នុងតំបន់អាស៊ីអាគ្នេយ៍? តើ លោកអាចចាត់ចំណាត់ថ្នាក់បានឬទេ?
លោក Wellington Perera
៖ ខ្ញុំពុំដឹងច្បាស់ពីសមត្ថភាពវិទ្យាសាស្ត្រពួកគេទេ។ តាមខ្ញុំសង្កេតក្នុងតំបន់នេះ ទីផ្សារបច្ចេកវិទ្យាមានតម្រូវការខ្ពស់។ ពួកគេពិតជាចាប់អារម្មណ៍ចង់សិក្សាជំនាញវិទ្យាសាស្ត្រ។ ក្រុមហ៊ុនយើងបានប្តេជ្ញាចិត្តជួយបំពេញការសិក្សារបស់ពួកគេទាំងទ្រឹស្តី និងការអនុវត្តផ្ទាល់។ យើងជឿជាក់ថា វានឹងមានតម្រូវការការងារខ្ពស់ ពេលអនាគត...។
លោក រឿន ភារុន
៖ ខ្ញុំក្រឡេកទៅកម្មវិធី Hour of Code វិញ តើសិស្សនិស្សិតអាចសិក្សាដោយខ្លួនពួកគេបែបណា? តើពួកគេអាចសិក្សាស្រាវជ្រាវអ្វីខ្លះទៀត ពីក្រុមហ៊ុន Microsoft ដោយខ្លួនគេផ្ទាល់?
លោក Wellington Perera
៖ ពួកគេអាចមកចូលរួមក្នុងពិព័រណ៍ពេលនេះ យើងនឹងជួយណែនាំពួកគេឲ្យ ស្វែងយល់ពីបច្ចេកវិទ្យានេះ។ ប្រសិនបើពួកគេពុំមកចូលរួម ពួកគេអាចចូលទៅកាន់គេហទំព័រ ឈ្មោះថា
https://code.org/
ដើម្បីសិក្សាស្រាវជ្រាវដោយខ្លួនឯង តាមទូរស័ព្ទ និងកុំព្យូទ័រ នៅពេលមានអ៊ីនធឺណិត។ ប្រសិនបើពួកគេចង់សិក្សាជំនាញផ្សេងទៀតដោយខ្លួនឯង យើងបានផ្តល់វគ្គបណ្តុះបណ្តាលជំនាញវិទ្យាសាស្ត្រជាច្រើនទៀត ដោយពួកគេត្រូវចូលទៅកាន់គេហទំព័រក្រុមហ៊ុន Microsoft Academy គឺ
https://mva.microsoft.com/
នោះ ពួកគេនឹងអាចទទួលវគ្គបណ្តុះបណ្តាលរាប់រយពីក្រុមហ៊ុន ដោយឥតគិតថ្លៃ...។
លោក រឿន ភារុន
៖ អរគុណ លោក Wellington Perera។
លោក Wellington Perera
៖ អរគុណច្រើន សម្រាប់ការសម្ភាសន៍នេះ។
សម្រាប់ព័ត៌មានបន្ថែម សិស្សនិស្សិតអាចចូលរួម មហោស្រពជាតិលើកទី៣ ស្តីពី វិទ្យាសាស្ក្រ និងវិស្វកម្មកម្ពុជាឆ្នាំ ២០១៧។ មហោស្រពដែលប្រមូលផ្តុំអ្នកជំនាញវិទ្យាសាស្ត្រជាច្រើននេះ ប្រព្រឹត្តឡើងរយៈពេល ៣ថ្ងៃ ចាប់ពីថ្ងៃទី៩ ដល់ទី១១ ខែមីនា ក្នុងពហុកីឡដ្ឋានជាតិអូឡាំពិក រាជធានីភ្នំពេញ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Wellington Perera
Microsoft
អប់រំ
វិទ្យាសាស្ត្រ
STEM
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
អត្ថបទពេញនិយមបន្ថែម