ជាតិ
នយោបាយជាតិ
លោក ប៊ិន ឈិន ជារដ្ឋមន្ត្រីស្តីទីទទួលបន្ទុកទីស្តីការគណៈរដ្ឋមន្ត្រី
× ភ្នំពេញ៖ នៅព្រឹកថ្ងៃទី១៦ មីនានេះ សម្ដេចនាយករដ្ឋមន្ត្រី ហ៊ុន សែន បានសម្រេចប្រគល់ភារកិច្ចបន្ថែមឲ្យលោក ប៊ិន ឈិន ជារដ្ឋមន្ត្រីស្តីទី ទទួលបន្ទុកទីស្តីការគណៈរដ្ឋមន្ត្រី ជំនួសសម្ដេច សុខ អាន ដែលទទួលមរណភាព កាលពីថ្ងៃទី១៥ មីនា។
បើតាមលិខិតរបស់រដ្ឋាភិបាលលោក ប៊ិន ឈិន ឧបនាយករដ្ឋមន្ត្រីប្រចាំការ និងជាប្រធានអាជ្ញាធរជាតិដោះស្រាយទំនាស់ ដីធ្លី ត្រូវអនុវត្តភារកិច្ចនៅទីស្តីការគណៈរដ្ឋមន្ត្រីនេះ ចាប់ពីថ្ងៃទី១៦ មីនាតទៅ។
សម្ដេច សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានទទួលមរណភាព ដោយរោគាពាធ នៅក្នុងមន្ទីពេទ្យក្រុងប៉េកាំង នៃសាធារណរដ្ឋប្រជាមានិតចិន ក្នុងជន្មាយុ៦៦ឆ្នាំ។ ក្រុមគ្រួសារសម្ដេច សុខ អាន កំពុងរៀបចំពិធីបុណ្យសពតាមប្រពៃណីនៅសង្កាត់បឹងរាំង ខណ្ឌដូនពេញ៕
Tag:
ប៊ិន ឈិន
សុខ អាន
ហ៊ុន សែន
© រក្សាសិទ្ធិដោយ thmeythmey.com