ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
លោក អ៊ឹម សុខរិទ្ធី ពន្យល់ពីខ្នាតគន្លឹះសំណង់អង្គរដែលធ្វើឲ្យមានទំនាក់ទំនងនឹងតារាសាស្ត្រ
18, Mar 2017 ,
8:59 pm
រូបភាព
«រូបភាព៖ លោក អ៊ឹម សុខរិទ្ធី»
×
ដោយ:
អុីសា រ៉ហានី (Isa Rohany)
សៀមរាប៖ ព្រឹត្តិការណ៍ព្រះអាទិត្យរះចំប្រាង្គកណ្តាលនៃប្រាសាទអង្គរវត្ត នឹងប្រព្រឹត្តិទៅចំថ្ងៃទី២១ ខែមីនា ឆ្នាំ២០១៧។ យោងតាមវិស័យតារាសាស្ត្រ បាតុភូតធម្មជាតិនេះ បានកើតឡើងរយៈពេល២ដងក្នុងមួយឆ្នាំ គឺលើកទី១ ចំថ្ងៃទី២១ ខែមីនា និងលើកទី២ កើតឡើងចំថ្ងៃទី២១ ខែកញ្ញា ដែលអំឡុងពេលនេះ គឺពេលវេលាថ្ងៃនិងយប់មានរយៈពេលស្មើគ្នា។ តើជាការចៃដន្យទេ ដែលធ្វើឲ្យមានបាតុភូតនេះកើតឡើងនៅប្រាសាទអង្គរ ដែលព្រះអាទិត្យបានរះចំ ឫស្ទើរចំកំពូលកណ្តាលប្រាសាទដ៏អច្ឆរិយមួយនេះ?
លោក អ៊ឹម សុខរិទ្ធី បុរាណវិទូ និងអ្នកស្រាវជ្រាវបានពន្យល់ថា ហេតុការណ៍ខាងលើនេះបានបង្ហាញថា បុព្វបុរសខ្មែរ ពិតជាមានចំណេះដឹងជ្រៅជ្រះលើវិស័យតារាសាស្ត្រ។ ភស្តុតាងនេះ ក៏បានបញ្ជាក់ទៀតថា មនុស្សក្នុងសម័យនោះជឿជាក់ និងមានជំនឿយ៉ាងមុតមាំទៅលើវិស័យតារាសាស្ត្រនេះ។
មែនទែនទៅ ជំនឿលើតារាសាស្ត្រនេះមានឥទ្ធិពលរហូតមកដល់បច្ចុប្បន្ននេះ។ លោក សុខរិទ្ធី បានបញ្ជាក់ថា ស្ទើរគ្រប់ជាតិសាសន៍ ពួកគេតែងស្វែងរក និងជ្រើសរើសយកថ្ងៃល្អសម្រាប់ធ្វើកិច្ចពិធីអ្វីមួយ ដោយពួកគេពឹងពាក់លើអ្នកដែលមានចំណេះដឹងផ្នែកតារាសាស្ត្រឲ្យគុណគូរ។
សម្រាប់ព្រឹត្តិការណ៍ធំៗចំនួនពីរដែលបានកើតឡើង រវាងតារាសាស្ត្រ និងសំណង់ប្រាសាទអង្គរវត្ត។ ព្រឹត្តិការណ៍ទីមួយ គឺថ្ងៃនិងយប់មានរយៈពេលស្មើគ្នា ហើយវាតែងកើតឡើងរាល់២លើកក្នុងមួយឆ្នាំ គឺអំឡុងខែមីនា និងខែកញ្ញា។ ដំណើរគោចររបស់ព្រះអាទិត្យនឹងរះចំកំពូលកណ្តាលនៃប្រាសាទអង្គរវត្ត ហើយរយៈពេលនេះ គឺពេលថ្ងៃនិងយប់មានរយៈពេល១២ម៉ោងស្មើគ្នា។ ចំណែកព្រឹត្តិការណ៍ទីពីរ គឺយប់វែងជាងថ្ងៃ និងថ្ងៃវែងជាងយប់។ ពេលវេលាយប់វែងជាងថ្ងៃ តែងកើតឡើងនៅថ្ងៃទី២១ ធ្នូ ហើយថ្ងៃវែងជាងយប់កើតឡើងនៅថ្ងៃទី២១ មិថុនា។
ព្រឹត្តិការណ៍ដ៏អច្ឆរិយៈនេះ អាចធ្វើឲ្យគេទាញសេចក្តីសន្និដ្ឋានបានយ៉ាងច្បាស់ថា ការសាងសង់សំណង់អង្គរវត្ត ពិតជាបានសិក្សាស៊ីជម្រៅនឹងវិស័យតារាសាស្ត្រ ឫអាចថា ដូនតាអ្នកសង់អង្គរ ពិតជាមានចំណេះដឹងខាងតារាសាស្ត្រជ្រៅជ្រះបំផុត។ លោក សុខរិទ្ធី សង្កត់ធ្ងន់ថា៖« ភស្តុតាងនៃសិលាចារិកអ្វីក៏ដោយ យើងសង្កេតដំបូងបំផុត គឺទាក់ទងនឹងតារាសាស្ត្រ គេគិតគួរពេលវេលា ពេលវេលាណាមានជ័យ ពេលវេលាណាល្អឫអាក្រក់ ទើបបានគេសាងសង់ ចឹងតារាសាស្ត្រពីបុរាណបានយល់ច្បាស់ពីរឿងហ្នឹង ចឹងបានយល់ច្បាស់ថា ពេលមួយ កាលមួយ និងកាលមួយនោះ គន្លងមួយហ្នឹងត្រូវចំនឹងកន្លែងហ្នឹង (កំពូងកណ្តាលអង្គរវត្ត) ហើយវាពាក់ព័ន្ធនឹងដំណើររះគោចររបស់ព្រះអាទិត្យ...»។
នេះជាភស្តុតាងមួយទៀតដែលយកមកបញ្ជាក់ពីមួលហេតុដែលប្រាសាទអង្គរវត្តសង់បែរមុខទៅទិសខាងលិច។ លោក សុខរិទ្ធី ពន្យល់ថា គេមិនអាចឃើញព្រឹត្តិការណ៍ខាងលើនោះទេ ប្រសិនបើអង្គរវត្តសង់បែរទៅទិសខាងកើត។ អ្វីដែលសំខាន់នោះ គឺថា តើគេប្រើខ្នាតគន្លឹះអ្វីដែលបានប្រើសម្រាប់សាងប្រាសាទអង្គរវត្ត ឲ្យមានទំនាក់ទំនងនឹងតារាសាស្ត្រ?
ដើម្បីជ្រាបពីព័ត៌មាននេះ សូមស្តាប់បទសម្ភាសរវាងសារព័ត៌មានថ្មីៗ និងលោក អ៊ឹម សុខរិទ្ធី ដូចតទៅ
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
តារាសាស្ត្រ
អង្គរ
អ៊ឹម សុខរិទ្ធី
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
«ប្រេសិត»មានន័យដូចម្តេច?
4 ថ្ងៃ
អត្ថបទពេញនិយមបន្ថែម