ពីនេះ ពីនោះ
ព័ត៍មានសុខភាព
មិនគួរឲ្យជឿសោះថា ការលាយប្រេងអូលីវជាមួយទឹកក្រូចឆ្មា មានឥទ្ធិពលបែបនេះសោះ!!!
×
ល្បាយដែលលាយចូលគ្នារវាងប្រេងអូលីវ និងទឹកក្រូចឆ្មា ប្រហែលជាត្រូវបានគេយល់ថា ជាឱសថសម្រាប់បញ្ចេញជាតិពុល និងជួយឲ្យមានសុខភាពល្អដែរ។ វានឹងក្លាយទៅជាភេសជ្ជៈជួយឲ្យមានកម្លាំង និងស្រស់ស្រាយថែមទៀត។
ក្រៅពីនេះ ភេសជ្ជៈកើតចេញពីការលាយចូលគ្នានៃប្រេងអូលីវ និងទឹកក្រូចឆ្មាអាចនឹងមានអត្ថប្រយោជន៍សំខាន់ៗបន្ថែមទៀតដូចជា៖
ជំងឺបេះដូងសរសៃឈាម
ប្រេងអូលីវនឹងជួយការពារបេះដូងពីជំងឺបេះដូងដោយខ្លួនឯង។ ដូច្នេះបើសិនជាអ្នកធ្លាប់មានបញ្ហាជំងឺបេះដូងសរសៃឈាមណាមួយ យកល្អគួរតែសាកល្បងទទួលទានល្បាយមួយនេះទៅ។
ទល់លាមក
ការបន្ទោបង់យ៉ាងហោចណាស់ម្តងក្នុងមួយថ្ងៃគឺជារឿងដ៏ល្អបំផុតសម្រាប់សុខភាពពោះវៀន។ ម្យ៉ាងវិញទៀត អ្នកនឹងអាចបង្ការការបឺតស្រូបជាតិពុលចូលទៅក្នុងសរសៃឈាមវិញដែរ។ យ៉ាងណាមិញ ល្បាយខាងលើ ផ្ទុកទៅដោយអង់ទីអុកស៊ីដង់ជាច្រើនដែលអាចបញ្ចេញជាតិពុល បង្កើនការរំលាយអាហារ និងច្រោះឈាមបានយ៉ាងល្អ។ ការញ៉ាំល្បាយនេះនៅពោះទទេជារៀងរាល់ព្រឹកនឹងជួយជំរុញដល់ការធ្វើចលនារបស់ពោះវៀន។
បន្ថយការឈឺចាប់
ការញ៉ាំល្បាយខាងលើមួយស្លាបព្រាកាហ្វេជារៀងរាល់ព្រឹកនឹងជួយកាត់បន្ថយការឈឺចាប់នៅតាមសន្លាក់បាន ដោយសារតែវាមានសមត្ថភាពប្រឆាំងការរលាក។
គ្រួសក្នុងថង់ទឹកប្រមាត់
អ្នកអាចបំបាត់បញ្ហាគ្រួសក្នុងថង់ទឹកប្រមាត់បានតាមរយៈការញ៉ាំភេសជ្ជៈនេះនៅពេលពោះទទេយ៉ាងហោចណាស់មុនអាហារពេលព្រឹកមួយម៉ោង។ កាលណាអ្នកមានទម្លាប់ទទួលទានភេសជ្ជៈមួយនេះនៅពេលព្រឹក ថង់ទឹកប្រមាត់ ថ្លើម និងតម្រងនោមនឹងមានសុខភាពកាន់តែល្អ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com