ជាតិ
សេដ្ឋកិច្ច
មជ្ឈមណ្ឌលកសិកម្មអ៊ីស្រាអែល សុំបង្កើត«កសិដ្ឋានគំរូ»ដើម្បីប្រើបច្ចេកទេសកសិកម្មអ៊ីស្រាអែលឲ្យត្រូវបរិបទកម្ពុជា
រូបភាពពីក្រសួងកសិកម្ម
×![]()
ភ្នំពេញ៖ មជ្ឈមណ្ឌលបណ្ដុះបណ្ដាលកសិកម្មរបស់ប្រទេសអីស្រាអែល បានស្នើក្រសួងកសិកម្មផ្ដល់ទីតាំងដែលមានទំហំដី ២០ហិកតា ដើម្បីបង្កើតកសិដ្ឋានគំរូមួយនៅកម្ពុជា។ កសិដ្ឋានគំរូនេះ នឹងក្លាយជាកន្លែងអនុវតជាក់ស្ដែងលើជំនាញកសិកម្ម សម្រាប់និស្សិតដែលបានបញ្ចប់ការបណ្ដុះបណ្ដាលពីប្រទេសអ៊ីស្រាអែល ហើយនឹងបន្តផ្សព្វផ្សាយបច្ចេកទេសទាំងនេះដល់កសិករ។ នេះបើតាមលោក ឡោ រស្មី អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ។
ការបង្កើតកសិដ្ឋានគំរូនេះ គឺជាគំនិតផ្ដួចផ្ដើមរបស់ លោក Yaron Tamir នាយកប្រតិបត្តិមជ្ឈមណ្ឌលបណ្ដុះបណ្ដាលកសិកម្មរបស់អ៊ីស្រាអែល ក្នុងឱកាសលោកជួបពិភាក្សាការងារជាមួយ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី២០ខែមីនា។
លោក ឡោ រស្មី ថ្លែងប្រាប់សារព័ត៌មានថ្មីៗថា រដ្ឋមន្ត្រីក្រសួងកសិកម្ម លោក វេង សាខុន បានស្វាគមន៍គំនិតផ្ដួចផ្ដើមនេះ និងបញ្ជាឲ្យថ្នាក់ដឹកនាំសាកលវិទ្យាល័យភូមិន្ទកសិកម្ម និងសាលាជាតិកសិកម្មព្រែកលាប ពិភាក្សារកទីតាំងសមស្រប សម្រាប់គម្រោងកសិដ្ឋានគំរូនេះ។ លោកបន្ថែមថា ក្រុមការងារ នឹងពិនិត្យលទ្ធភាព ជាអាទិភាព លើទីតាំងក្នុងស្ថាយនីយពិសោធន៍នៅខេត្តតាកែវ និងខេត្តកំពង់ស្ពឺ។
កសិដ្ឋានគំរូនេះ នឹងផ្ដល់ឱកាសដល់និស្សិត បានប្រើប្រាស់បទពិសោធន៍ បច្ចេកទេសរបស់អ៊ីស្រាអែល ឲ្យស្របតាមបរិបទកសិកម្មរបស់កម្ពុជា។ លោក ឡោ រស្មី ប្រាប់យ៉ាងដូច្នេះថា៖«ការងារស្រាវជ្រាវ ផ្សព្វផ្សាយបច្ចេកទេស ធ្វើឡើងក្នុងបរិបទកម្ពុជា ថាយើងបានទទួលបទពិសោធន៍ពីអ៊ីស្រាអែល តែយើងយកមកធ្វើនៅប្រទេសកម្ពុជា។ អ៊ីស្រាអែលធាតុអាកាសផ្សេង កម្ពុជាធាតុអាកាសផ្សេង»។
អ្នកនាំពាក្យក្រសួងកសិកម្មរូបនេះ រំពឹងថា កសិដ្ឋានគំរូនេះផ្ដល់ឱកាស មិនត្រឹមតែសម្រាប់និស្សិតដែលបានទៅសិក្សានៅអ៊ីស្រាអែលប៉ុណ្ណោះទេ តែសម្រាប់និស្សិតកសិកម្មកម្ពុជាទូទៅ បានស្រាវជ្រាវ ពិសោធន៍លើជំនាញកសិកម្ម និងផ្សព្វផ្សាយបច្ចេកទេសទាំងនេះ បន្តដល់កសិកររាប់លាននាក់ទូទាំងប្រទេសកម្ពុជា។
បើតាម លោក ឡោ រស្មី មជ្ឈមណ្ឌលរបស់អ៊ីស្រាអែលមួយនេះ គិតចាប់ពីឆ្នាំ២០០៨ ដល់ឆ្នាំ២០១៦ បានផ្ដល់អាហារូបករណ៍ដល់និស្សិតផ្នែកកសិកម្មរបស់កម្ពុជាជាង ៣០០នាក់ហើយ ដើម្បីទៅធ្វើកម្មសិក្សារយៈពេល ១១ខែ នៅប្រទេសអ៊ីស្រាអែល ហើយមជ្ឈមណ្ឌលនេះ នឹងបន្តផ្ដល់អាហារូបកណ៍នេះបន្ថែមទៀត។
នៅពេលដែលកសិដ្ឋានគំរូនេះ ត្រូវបានបង្កើតឡើង វានឹងក្លាយជាកន្លែងដកបទពិសោធន៍ ទ្រង់ទ្រាយធំលើកដំបូង ដែលជាការសហការរវាងក្រសួង និងភាគីបរទេស។ លោក ឡោ រស្មី បញ្ជាក់ថា៖«ខាងបរទេស (ផ្សេងពីអ៊ីស្រាអែល) មិនមានទេ គឺមានតែតាមរយៈគម្រោងផ្សេងៗ។ ដោយឡែកសម្រាប់សហប្រតិបត្តិការ របៀបដូចអ៊ីស្រាអែលនេះ មិនមានទេ។ យើងមានដែរកិច្ចសហប្រតិបត្តិការជាមួយវិទ្យាស្ថានស្រាវជ្រាវកសិកម្មរបស់យើង ដែលមានការផ្ដល់អ្នកជំនាញខ្លះៗ តែនេះ (គម្រោងរបស់អ៊ីស្រាអែល) គឺសម្រាប់និស្សិតយើង ដែលចង់ផ្សារភ្ជាប់ទ្រឹស្ដី ទៅនឹងការអនុវត្តជាក់ស្ដែង»៕
ការបង្កើតកសិដ្ឋានគំរូនេះ គឺជាគំនិតផ្ដួចផ្ដើមរបស់ លោក Yaron Tamir នាយកប្រតិបត្តិមជ្ឈមណ្ឌលបណ្ដុះបណ្ដាលកសិកម្មរបស់អ៊ីស្រាអែល ក្នុងឱកាសលោកជួបពិភាក្សាការងារជាមួយ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី២០ខែមីនា។
លោក ឡោ រស្មី ថ្លែងប្រាប់សារព័ត៌មានថ្មីៗថា រដ្ឋមន្ត្រីក្រសួងកសិកម្ម លោក វេង សាខុន បានស្វាគមន៍គំនិតផ្ដួចផ្ដើមនេះ និងបញ្ជាឲ្យថ្នាក់ដឹកនាំសាកលវិទ្យាល័យភូមិន្ទកសិកម្ម និងសាលាជាតិកសិកម្មព្រែកលាប ពិភាក្សារកទីតាំងសមស្រប សម្រាប់គម្រោងកសិដ្ឋានគំរូនេះ។ លោកបន្ថែមថា ក្រុមការងារ នឹងពិនិត្យលទ្ធភាព ជាអាទិភាព លើទីតាំងក្នុងស្ថាយនីយពិសោធន៍នៅខេត្តតាកែវ និងខេត្តកំពង់ស្ពឺ។
កសិដ្ឋានគំរូនេះ នឹងផ្ដល់ឱកាសដល់និស្សិត បានប្រើប្រាស់បទពិសោធន៍ បច្ចេកទេសរបស់អ៊ីស្រាអែល ឲ្យស្របតាមបរិបទកសិកម្មរបស់កម្ពុជា។ លោក ឡោ រស្មី ប្រាប់យ៉ាងដូច្នេះថា៖«ការងារស្រាវជ្រាវ ផ្សព្វផ្សាយបច្ចេកទេស ធ្វើឡើងក្នុងបរិបទកម្ពុជា ថាយើងបានទទួលបទពិសោធន៍ពីអ៊ីស្រាអែល តែយើងយកមកធ្វើនៅប្រទេសកម្ពុជា។ អ៊ីស្រាអែលធាតុអាកាសផ្សេង កម្ពុជាធាតុអាកាសផ្សេង»។
អ្នកនាំពាក្យក្រសួងកសិកម្មរូបនេះ រំពឹងថា កសិដ្ឋានគំរូនេះផ្ដល់ឱកាស មិនត្រឹមតែសម្រាប់និស្សិតដែលបានទៅសិក្សានៅអ៊ីស្រាអែលប៉ុណ្ណោះទេ តែសម្រាប់និស្សិតកសិកម្មកម្ពុជាទូទៅ បានស្រាវជ្រាវ ពិសោធន៍លើជំនាញកសិកម្ម និងផ្សព្វផ្សាយបច្ចេកទេសទាំងនេះ បន្តដល់កសិកររាប់លាននាក់ទូទាំងប្រទេសកម្ពុជា។
បើតាម លោក ឡោ រស្មី មជ្ឈមណ្ឌលរបស់អ៊ីស្រាអែលមួយនេះ គិតចាប់ពីឆ្នាំ២០០៨ ដល់ឆ្នាំ២០១៦ បានផ្ដល់អាហារូបករណ៍ដល់និស្សិតផ្នែកកសិកម្មរបស់កម្ពុជាជាង ៣០០នាក់ហើយ ដើម្បីទៅធ្វើកម្មសិក្សារយៈពេល ១១ខែ នៅប្រទេសអ៊ីស្រាអែល ហើយមជ្ឈមណ្ឌលនេះ នឹងបន្តផ្ដល់អាហារូបកណ៍នេះបន្ថែមទៀត។
នៅពេលដែលកសិដ្ឋានគំរូនេះ ត្រូវបានបង្កើតឡើង វានឹងក្លាយជាកន្លែងដកបទពិសោធន៍ ទ្រង់ទ្រាយធំលើកដំបូង ដែលជាការសហការរវាងក្រសួង និងភាគីបរទេស។ លោក ឡោ រស្មី បញ្ជាក់ថា៖«ខាងបរទេស (ផ្សេងពីអ៊ីស្រាអែល) មិនមានទេ គឺមានតែតាមរយៈគម្រោងផ្សេងៗ។ ដោយឡែកសម្រាប់សហប្រតិបត្តិការ របៀបដូចអ៊ីស្រាអែលនេះ មិនមានទេ។ យើងមានដែរកិច្ចសហប្រតិបត្តិការជាមួយវិទ្យាស្ថានស្រាវជ្រាវកសិកម្មរបស់យើង ដែលមានការផ្ដល់អ្នកជំនាញខ្លះៗ តែនេះ (គម្រោងរបស់អ៊ីស្រាអែល) គឺសម្រាប់និស្សិតយើង ដែលចង់ផ្សារភ្ជាប់ទ្រឹស្ដី ទៅនឹងការអនុវត្តជាក់ស្ដែង»៕
Tag:
ឡោ រស្មី
កសិដ្ឋានគំរូ
© រក្សាសិទ្ធិដោយ thmeythmey.com
