កីឡាអន្តរជាតិ
អន្តរជាតិ
Schweinsteiger ចេញពី Man Utd ទៅចូលរួមជាមួយក្រុមនៅអាមេរិក
× Bastian Schweinsteiger នឹងចូលរួមជាមួយក្រុម Chicago Fire ដែលមានមូលដ្ឋាននៅលីកកំពូលអាមេរិក (MLS) នៅសប្តាហ៍ក្រោយនេះហើយ បន្ទាប់ពីរួមរស់ជាមួយបិសាចក្រហម Manchester United ពីររដូវកាលកន្លងមក។
ក្លិបដែលស្ថិតក្នុងក្របខណ្ឌកំពូលអាមេរិក Chicago Fire នឹងចុះកិច្ចសន្យានាំយកកីឡាករជើងចាស់សញ្ជាតិអាល្លឺម៉ង់ Bastian Schweinsteiger ពីក្លិប Man Utd នៅសប្តាហ៍ក្រោយនេះ ដោយសន្យាថានឹងផ្តល់តម្លៃពលកម្មរហូតដល់ បួនលានប្រាំសែនដុល្លារអាមេរិកក្នុងឆ្នាំ២០១៧នេះ។
បើតាមការចុះផ្សាយរបស់ Goal.com អតីតខ្សែបម្រើរបស់អាល្លឺម៉ង់រូបនេះបាននិយាយថា៖« ពេញមួយអាជីពរបស់ខ្ញុំ ខ្ញុំតែងតែសង្ឃឹមថាអាចរកឱកាសនៅទីកន្លែងមួយ ដែលអាចជួយខ្ញុំឲ្យបង្កើតអ្វីដែលអស្ចារ្យ»។
មុនផ្លាស់ចេញទៅ Man Utd កាលពីឆ្នាំ២០១៥ Schweinsteiger ធ្លាប់ជួយឲ្យក្លិប Bayern Munich ឈ្នះពានកំពូលអាល្លឺម៉ង់ ៨សម័យកាល និងជួយក្រុមនេះឡើងទៅវគ្គផ្តាច់ព្រ័ត្រ Champions League កាលពីឆ្នាំ២០១២-២០១៣។
ខ្សែបម្រើជើងចាស់វ័យ៣២ឆ្នាំដែលប្រកាសចូលនិវត្តន៍ពីក្រុមជម្រើសជាតិបាល់ទាត់អាល្លឺម៉ង់កាលពីរដូវក្តៅកន្លងទៅ ក៏ធ្លាប់បង្ហាញខ្លួនក្នុងក្រុមជម្រើសជាតិ១២១ដង និងជួយឲ្យអាល្លឺម៉ង់ឈ្នះ World Cup កាលពីឆ្នាំ២០១៤ផងដែរ៕
Tag:
បាល់ទាត់
Bastian Schweinsteiger
Chicago Fire
Man Utd
© រក្សាសិទ្ធិដោយ thmeythmey.com