ជាតិ
នយោបាយជាតិ
លោក ជូង ជូងី ប្តឹងសាទុក្ខភ្លាមៗ ក្រោយឧទ្ធរណ៍សម្រេចមិនឲ្យលោក គឹម សុខ នៅក្រៅឃុំ
×![]()
ដោយ: ម៉ៅ សុផា
ក្រោយបើកសវនាការជាង១ម៉ោង នៅព្រឹកថ្ងៃទី២២ ខែមីនានេះ សាលាឧទ្ធរណ៍ បានសម្រេចបដិសេធមិនឲ្យលោក គឹម សុខ បាននៅក្រៅឃុំឡើយ។ លោក ជូង ជូងី មេធាវីការពារក្តីលោក គឹម សុខ បញ្ជាក់ដូច្នេះប្រាប់អ្នកសារព័ត៌មានក្រោយចេញពីបន្ទប់សវនាការ។
ការបដិសេធនេះ ត្រូវបានតុលាការ លើកហេតុផលថា ដើម្បីធានាដល់នីតិវិធីរបស់តុលា ម្យ៉ាងសាលាឧទ្ធរណ៍បារម្ភក្នុងការបន្តនីតិវិធី ឬមានបញ្ហាណាមួយកើតឡើងប្រសិនបើអនុញ្ញាតឲ្យលោក គឹម សុខនៅក្រៅឃុំ។ នេះជាការបញ្ជាក់បន្ថែម របស់លោកមេធាវី ជូង ជូងី។
យ៉ាងណាក៏ដោយលោក ជូង ជូងី មិនពេញចិត្តចំពោះការសម្រេចនេះឡើយ និងបានដាក់ពាក្យប្តឹងសាទុក្ខភ្លាមៗ ប្រឆាំងនឹងការសម្រេចនេះ។ លោក ជូង ជូងី ចាត់ទុកការសម្រេចនេះ ថាជារឿងអយុត្តិធម៌សម្រាប់ លោក គឹម សុខ កូនក្តីរបស់ខ្លួន។
លោក គឹម សុខ អ្នកវិភាគនយោបាយ ត្រូវបានសម្តេច ហ៊ុន សែន ដាក់ពាក្យប្តឹង ទារសំណងជំងឺចិត្ត ពីលោក គឹម សុខ ចំនួន៥០ម៉ឺនដុល្លារ ដោយសារតែលោក គឹម សុខ និយាយថាគណបក្សប្រជាជនកម្ពុជា នៅពីក្រោយខ្នងឃាតកម្មលើលោក កែម ឡី។
លោក គឹម សុខ ត្រូវបានបញ្ជូនទៅឃុំបណ្តោះអាសន្ននៅពន្ធនាគារព្រៃស នៅថ្ងៃទី១៧ ខែកុម្ភៈ ក្រោមបទចោទ ពីបទ «បរិហារកេរ្តិ៍ជាសាធារណៈ និងញុះញង់ឲ្យប្រព្រឹត្តបទឧក្រិដ្ឋជាអាទិ៍»៕
ការបដិសេធនេះ ត្រូវបានតុលាការ លើកហេតុផលថា ដើម្បីធានាដល់នីតិវិធីរបស់តុលា ម្យ៉ាងសាលាឧទ្ធរណ៍បារម្ភក្នុងការបន្តនីតិវិធី ឬមានបញ្ហាណាមួយកើតឡើងប្រសិនបើអនុញ្ញាតឲ្យលោក គឹម សុខនៅក្រៅឃុំ។ នេះជាការបញ្ជាក់បន្ថែម របស់លោកមេធាវី ជូង ជូងី។
យ៉ាងណាក៏ដោយលោក ជូង ជូងី មិនពេញចិត្តចំពោះការសម្រេចនេះឡើយ និងបានដាក់ពាក្យប្តឹងសាទុក្ខភ្លាមៗ ប្រឆាំងនឹងការសម្រេចនេះ។ លោក ជូង ជូងី ចាត់ទុកការសម្រេចនេះ ថាជារឿងអយុត្តិធម៌សម្រាប់ លោក គឹម សុខ កូនក្តីរបស់ខ្លួន។
លោក គឹម សុខ អ្នកវិភាគនយោបាយ ត្រូវបានសម្តេច ហ៊ុន សែន ដាក់ពាក្យប្តឹង ទារសំណងជំងឺចិត្ត ពីលោក គឹម សុខ ចំនួន៥០ម៉ឺនដុល្លារ ដោយសារតែលោក គឹម សុខ និយាយថាគណបក្សប្រជាជនកម្ពុជា នៅពីក្រោយខ្នងឃាតកម្មលើលោក កែម ឡី។
លោក គឹម សុខ ត្រូវបានបញ្ជូនទៅឃុំបណ្តោះអាសន្ននៅពន្ធនាគារព្រៃស នៅថ្ងៃទី១៧ ខែកុម្ភៈ ក្រោមបទចោទ ពីបទ «បរិហារកេរ្តិ៍ជាសាធារណៈ និងញុះញង់ឲ្យប្រព្រឹត្តបទឧក្រិដ្ឋជាអាទិ៍»៕
Tag:
គឹម សុខ
គី តិច
ហ៊ុន សែន
© រក្សាសិទ្ធិដោយ thmeythmey.com
