ពីនេះ ពីនោះ
ព័ត៍មានសុខភាព
សញ្ញាទាំងនេះបញ្ជាក់ថា អ្នកកំពុងតែមានគ្រួសក្នុងតម្រងនោមហើយ
× ពាក្យថាគ្រួសក្នុងតម្រងនោមគឺវាអាចស្ថិតក្នុងកន្លែងណាមួយនៃតម្រងនោមរបស់យើង ហើយក៏មិនប្រាកដថាបង្កជាការឈឺចាប់អ្វីដែរ។
ប៉ុន្តែនៅពេលវាធ្វើដំណើរ ឬអណ្តែតចេញពីបំពង់តម្រងនោម ឬផ្លូវទឹកម៉ូត្រ (បំពង់បង្ហូរទឹកនោមពីតម្រងនោមទៅប្លោកនោម បង្ហួរនោម) ចលនាមួយនេះអាចបង្កជាអាការៈ៖
• គ្មានអាការៈអ្វីទាំងអស់បើសិនជាគ្រួសនេះតូច
• ឈឺចាប់ខ្លាំងក្លា និងភ្លាមៗ ដែលការឈឺចាប់នេះដូចទឹករលក
• គ្រួសប្រហែលជាបង្កជាការឈឺចាប់ខ្លាំងនៅខ្នង ក្រោមឆ្អឹងជំនី ពោះផ្នែកខាងក្រោម គ្រលាន ឬប្រដាប់ភេទ
• ក្អួត និងចង្អោ
• ឈាមក្នុងទឹកនោម ដែលអាចគិតថា គ្រួសនេះស្ថិតក្នុងតម្រងនោម ហើយធ្លាក់ចូលក្នុងបំពង់បង្ហូរទឹកនោមចេញពីតម្រងនោមទៅប្លោកនោម
• នោមញឹក និងនោមឈឺ ដែលវាប្រហែលជាកើតឡើងបាននៅពេលដែលគ្រួសនេះស្ថិតក្នុងបំពង់បង្ហូរទឹកនោមចេញពីតម្រងនោមទៅប្លោកនោម ឬក្រោយពេលគ្រួសធ្លាក់ចូលក្នុងប្លោកនោមរួច។
• ទឹកនោមមានពណ៌ផ្កាឈូក ក្រហម ឬត្នោត
• ទឹកនោមមានពណ៌ល្អក ឬក្លិនស្អុយ
• ក្តៅខ្លួននិងគ្រុនបើសិនជាមានការបង្ករោគក្នុងខ្លួន។
ការឈឺចាប់ដែលបណ្តាលមកពីគ្រួសក្នុងតម្រងនោមប្រហែលជាអាចផ្លាស់ប្តូរទៅតាមទីតាំងខុសៗគ្នារបស់គ្រួសតាំងនៅ ឬអាចនឹងឈឺកាន់តែខ្លាំងនៅពេលវាធ្វើដំណើរ ឬអណ្តែតទៅកន្លែងណាមួយនៃផ្លូវទឹកម៉ូត្រ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com