ជាតិ
មេធាវី នឹងទៅសួរ ជួប សម្លាប់ ថាប្តឹងជំទាស់សាលាដំបូង ដែលផ្តន្ទាទោសមួយជីវិត ឬមិនប្តឹង
លោក យុង ផានិត មេធាវីរបស់ជួប សម្លាប់ បានផ្តល់បទសម្ភាសដល់ក្រុមអ្នកសារព័ត៌មាននៅមុខសាលាដំបូងរាជធានីភ្នំពេញ បន្ទាប់ពីចូលស្តាប់ការប្រកាសសាលក្រម កាលពីថ្ងៃទី២៣ ខែមីនា ឆ្នាំ២០១៧។
×![]()
ដោយ: ថ្មីៗ
ភ្នំពេញ៖ លោក អឿត អាង ហៅជួប សម្លាប់ ដែលត្រូវបានសាលាដំបូងរាជធានីភ្នំពេញ កាត់ទោសឲ្យជាប់ពន្ធនាគារអស់មួយជីវិត ពាក់ព័ន្ធនឹងអំពើឃាតកម្មលើលោក កែម ឡី នៅមិនទាន់សម្រេចិត្តថា ដាក់បណ្តឹងទៅកាន់សាលាឧទ្ធរណ៍ ឬយ៉ាងណានោះទេ។ លោកមេធាវី យុង ផានិត គ្រោងទៅជួបកូនក្តីរបស់ខ្លួន គឺលោក ជួប សម្លាប់ នៅសប្តាហ៍ក្រោយ ដើម្បីពិភាក្សាពីបណ្តឹងឧទ្ធរណ៍នេះ។
លោក យុង ផានិត បានប្រាប់សារព័ត៌មានថ្មីៗថា លោក នឹងដាក់បណ្តឹងទៅកាន់សាលាឧទ្ធរណ៍ ដើម្បីប្រឆាំងនឹងសេចក្តីសម្រេចរបស់សាលាដំបូងរាជធានីភ្នំពេញ ប្រសិនបើលោក ជួប សម្លាប់ អនុញ្ញាត។ ផ្ទុយទៅវិញ លោក នឹងមិនប្តឹងទៅកាន់សាលាឧទ្ធរណ៍នោះទេ ប្រសិនបើកូនក្តី សុខចិត្តទទួលយកសេចក្តីសម្រេចរបស់សាលាដំបូងរាជធានីភ្នំពេញ។
លោកមេធាវីរូបនេះ បាននិយាយដូច្នេះថា៖«ខ្ញុំមិនទាន់ឃើញគាត់ (ជួប សម្លាប់) ប្រតិកម្មអ្វីទេ ចាប់តាំងពីគេកាត់ក្តីមក។ ទាល់តែខ្ញុំទៅជួបគាត់សិន ហើយសួរគាត់ ថាគាត់ ចង់ធ្វើអ្វីបន្ត។ បើគាត់ ចង់ប្តឹងឧទ្ធរណ៍ ខ្ញុំនឹងធ្វើតាមគាត់»។
លោក យុង ផានិត សង្កត់ធ្ងន់ថា ក្នុងរយៈពេលមួយខែ សាលក្រមរបស់សាលាដំបូងរាជធានីភ្នំពេញ ដែលកំណត់ឲ្យលោក ជួប សម្លាប់ ជាប់ពន្ធនាគារអស់មួយជីវិត នឹងចូលជាស្ថាពរ។ ដូច្នេះ មុននឹងសាលក្រមចូលជាស្ថាពរ លោក និងកូនក្តី ត្រូវតែសម្រេចចិត្តរួមគ្នាថា ប្តឹងឧទ្ធរណ៍ ឬមិនប្តឹង។
ចៅក្រមនៃសាលាដំបូងរាជធានីភ្នំពេញ បានប្រកាសសាលក្រម កាលពីថ្ងៃទី២៣ ខែមីនា ឆ្នាំ២០១៧ ដោយឲ្យលោក ជួប សម្លាប់ ជាប់ពន្ធនាគារអស់មួយជីវិត ក្រោមបទចោទ «ឃាតកម្មគិតទុកជាមុន និងកាន់កាប់អាវុធខុសច្បាប់»។ នៅក្នុងសវនាការកន្លងមក លោកមេធាវី យុង ផានិត ធ្លាប់ស្នើឲ្យចៅក្រម សម្រាលទោស ដល់លោក ជួប សម្លាប់។ លោកមេធាវី ខកចិត្ត ដែលចៅក្រម មិនបានធ្វើតាមសំណើនេះ។
លោក កែម ឡី អ្នកសិក្សាស្រាវជ្រាវការអភិវឌ្ឍសង្គម និងជាអ្នកវិភាគនយោបាយ ត្រូវបានបាញ់សម្លាប់ ក្នុងស្តាម៉ាតមួយកន្លែង ស្ថិតនៅម្តុំស្តុបបូកគោ កាលពីថ្ងៃទី១០ ខែកក្កដា ឆ្នាំ២០១៦។ ក្រោយឃាតកម្មនេះ កើតឡើង សមត្ថកិច្ច បានចាប់លោក ជួប សម្លាប់ នៅក្នុងថ្ងៃនោះតែម្តង។ ក្រៅពីលោក ជួប សម្លាប់ សមត្ថកិច្ច និងតុលាការ នៅមិនទាន់រកឃើញអ្នកជាប់ពាក់ព័ន្ធផ្សេង នោះទេ៕
លោក យុង ផានិត បានប្រាប់សារព័ត៌មានថ្មីៗថា លោក នឹងដាក់បណ្តឹងទៅកាន់សាលាឧទ្ធរណ៍ ដើម្បីប្រឆាំងនឹងសេចក្តីសម្រេចរបស់សាលាដំបូងរាជធានីភ្នំពេញ ប្រសិនបើលោក ជួប សម្លាប់ អនុញ្ញាត។ ផ្ទុយទៅវិញ លោក នឹងមិនប្តឹងទៅកាន់សាលាឧទ្ធរណ៍នោះទេ ប្រសិនបើកូនក្តី សុខចិត្តទទួលយកសេចក្តីសម្រេចរបស់សាលាដំបូងរាជធានីភ្នំពេញ។
លោកមេធាវីរូបនេះ បាននិយាយដូច្នេះថា៖«ខ្ញុំមិនទាន់ឃើញគាត់ (ជួប សម្លាប់) ប្រតិកម្មអ្វីទេ ចាប់តាំងពីគេកាត់ក្តីមក។ ទាល់តែខ្ញុំទៅជួបគាត់សិន ហើយសួរគាត់ ថាគាត់ ចង់ធ្វើអ្វីបន្ត។ បើគាត់ ចង់ប្តឹងឧទ្ធរណ៍ ខ្ញុំនឹងធ្វើតាមគាត់»។
លោក យុង ផានិត សង្កត់ធ្ងន់ថា ក្នុងរយៈពេលមួយខែ សាលក្រមរបស់សាលាដំបូងរាជធានីភ្នំពេញ ដែលកំណត់ឲ្យលោក ជួប សម្លាប់ ជាប់ពន្ធនាគារអស់មួយជីវិត នឹងចូលជាស្ថាពរ។ ដូច្នេះ មុននឹងសាលក្រមចូលជាស្ថាពរ លោក និងកូនក្តី ត្រូវតែសម្រេចចិត្តរួមគ្នាថា ប្តឹងឧទ្ធរណ៍ ឬមិនប្តឹង។
ចៅក្រមនៃសាលាដំបូងរាជធានីភ្នំពេញ បានប្រកាសសាលក្រម កាលពីថ្ងៃទី២៣ ខែមីនា ឆ្នាំ២០១៧ ដោយឲ្យលោក ជួប សម្លាប់ ជាប់ពន្ធនាគារអស់មួយជីវិត ក្រោមបទចោទ «ឃាតកម្មគិតទុកជាមុន និងកាន់កាប់អាវុធខុសច្បាប់»។ នៅក្នុងសវនាការកន្លងមក លោកមេធាវី យុង ផានិត ធ្លាប់ស្នើឲ្យចៅក្រម សម្រាលទោស ដល់លោក ជួប សម្លាប់។ លោកមេធាវី ខកចិត្ត ដែលចៅក្រម មិនបានធ្វើតាមសំណើនេះ។
លោក កែម ឡី អ្នកសិក្សាស្រាវជ្រាវការអភិវឌ្ឍសង្គម និងជាអ្នកវិភាគនយោបាយ ត្រូវបានបាញ់សម្លាប់ ក្នុងស្តាម៉ាតមួយកន្លែង ស្ថិតនៅម្តុំស្តុបបូកគោ កាលពីថ្ងៃទី១០ ខែកក្កដា ឆ្នាំ២០១៦។ ក្រោយឃាតកម្មនេះ កើតឡើង សមត្ថកិច្ច បានចាប់លោក ជួប សម្លាប់ នៅក្នុងថ្ងៃនោះតែម្តង។ ក្រៅពីលោក ជួប សម្លាប់ សមត្ថកិច្ច និងតុលាការ នៅមិនទាន់រកឃើញអ្នកជាប់ពាក់ព័ន្ធផ្សេង នោះទេ៕
Tag:
ជួប សម្លាប់
កែម ឡី
© រក្សាសិទ្ធិដោយ thmeythmey.com
